peperonity.net
Welcome, guest. You are not logged in.
Log in or join for free!
 
Forgot login details?

For free!
Get started!

Text page


sokhlei par - Animals/Nature
zanniatsumthang.peperonity.net

FORHFIALNAK

By Js Zâmte

Dear Zanniat Sumthang sungkua,

1. Kan sung kan hnam phatsan hlah la, rinum ten ding aw.
2. Kan sung kan hnam duhdawt awla, na hnam hrang ţuan aw.
3. Kan hnam hmuhsuam/siatbal tu cu, kan râl ti thei aw.
4. Unau thlauthla awlo ten, na hnam kilkhawi (him) aw.
5. Pathian in, ţong in pek mi kan hnam (zanniat) ţong in, lairel thei tum aw.
6. Kan hnam ti mualpho tu silo in, a cawi sang tu si tum aw.
7. Zirnak uar awla, ţuan hreh nei hlah!
8. Tlawmngainak nunpi awla, mi dang hrang nun tam(thlasuahnak) neitu si tum aw.
9. A sual mi do awla, thudikah ralţha zetin ding ngam aw.
10. Kan sung kan hnam a ţhansoh theinak dingah, na fimthiamnak hmuahhmuah suah aw.
11. Kan hnam nunphung ngaisang aw.
12. Kan sung kan hnam a dam khawsuah theinak dingah Pathian hnenah kan sung hrang Thlâ cam ringring aw.
13. Ziangkim na tuahnak parah Pathian thu râwn aw.
14. Kan sung kan hnam kan pumkhat theinak dingah tesinfa thinlungah Ci ţha tuh aw.
15. Kan sungkua in laiciinnak ti hngetu salu-sataw, Ar-thlahual, Rawlkho...tvp ah, na ţuanvo hlen aw.
16. Kan sung hrang thih le ruamkhatah, Dam le tlangkhatah tiin, lungthin pu ngam aw.
17. Zu le sa, rittheih sivai pawl zianghman tham hlah!
18. A cozah duh loh(khap) thilin süm dâwng hlah!
19. Natnak ţihnung AIDS lakah ralring aw.
20. Khuitawk hmun thleng khal awla, kan sungkua nghilh hlah.
21. Kan sung hrang na fimthiamnak lawng si loin, na thazâng na sumsaw tiang thawh(pe) ngam aw.
22. Sungkaw lakah bulpak in simaw, a hrin zawngin simaw lakhranawk tum hrimhrim hlah!
23. Kan hnamah lungawi ngam awla, mi va hmuhsuam hlah.
24. Kan sungkua pehtlai awknak a ţhat sinsin theinak dingah napin zuam aw.
25. Kan in pumkhatnak a ţhat sinsin theinak dingah Rawlei khawmnak kumkhat veikhat tal neih thei tum ding.
26. Ziang hnam khalin Zanniat-Sumthang pasal ih a neih hnuhnu cun, Zanniat-sumthang hnamah fek zetin a ding ngam dingih a phatsan thianglo a si ti a pawm ngam ding a si.
27. Kan makpa(hnam dang) pawl lakah thinlung sia pu hlah la, thleidang lo ten, na sungkua vekin zoh aw.
28. Vansiat vanţhat, thu pipa, thu pawimawh na tawn caanah, rel khawm dingin sungkua ah thu/hla pu lut aw.
29. Kan sung kan hnam mi hmuhsuam zawngih buainak na tawn pang le sungkua ah zamrangte'n thu thlen aw.
30. Na Pathian tawng dingin ralring(timtuah) aw.

Js Zâmte

* * * * * * * * * * * * * * *
.








.
Dear , ZANNIAT
SUNG KUA
Kan sungkua hi thlau thla aw ding kan si lo. Kan sungkua kan ţhansonak
dingah nang le kei kan thupi a si. Na tel lo le ka tel lo cun kan sungkua
kan kim lo a si. Cuiruangah a thuai ih ka ngan mipawl hi kan ruatcio pei
uh.A ţha nan ti zawng teh a si ve maw?
1. A hmaisabik ah kan sungkua inhruaitu dingah Pathian ka hril a ţul.
2. Kan ţawng kan thlauthak lonak dingah intin in kan Zanniat Bible kan kawl
fingfing a tul.
3. Kan sungkua inhruaitu dingah le kan thu le kan hla kan reltheinak
dingih lam inhruaitu hmaisabik umsun cu, Pathian thu ih siih kan tan a ţul.
4. Kan Zanniat ţawng ih thu hla rel hi kan ti ding mi le kan tum ngei ngei
ding mi a si. Zanniat Cabu le Zanniat Bible kan siar ţheu ding a thu pi.
5. Mai tawng thiam lo sihi kan tumding a si loih thiamtheinak lamzin a um
ih, a umnak hmun ih kan ngaithlak le kan feh theu dinghi kan ti dingmi a si.
Cu mi cu kan thu le kan hla kan zir ding mi hi a si.
6. Mai sungkua le mai phunhnam duhdawt ih kan sungkua hrangih kan tuan tak
tak a tul.
7. Zirnak lamzin ih ke kan pen a thu pi.
8. Nu le pa kan cawimawi ih an thu simmi kan pomthiam a tul zet a si.
9. Kan miphun le kan sinak zahpi loih kan tluknak zawnih tundinawkdan kan
thiam a thu pi.
10. Unau khat kan sinak hi kan lungtat ih hman ringring ding a si.

11. Pathin kan lam inhruaitu dingah kan thlan ringring a tul.
12. Kan nu le pa hi kan lei Pathian an siih kan tih zah ih an thu kan lun a
tul.
13. Kan miphun le kan hnam kan duhdawt a tul. Cu mi ruangah miphun dang thei
lo khawp le hrial khawpih kan miphun kan tantuk cu a tul lem lo.
14. Unau khat kan sinak ah then awthei kan si lo.
15. Khawi tawh hmun le ram kan thlen kha len, kan miphun le kan sinak cu
theih ringring ding a si.
16. Kan tawng le kan thu le hla ih biazai rel thei cio tum ding.
17. Kan hnam le kan nunphung le kan sinak zahpi loih cawinung sinsin ding kan
si.
18. Mi phun dang lak ah kan miphunpi cu duhsaknak thinlung neihih mi dang do
cu a tul lo.
19. Kan sungkua lakah thu tha lo le hla tha lo a lut asile a tha lam ih thu
then theitu si tum cio ding.
20. Mai hnam hlo sihi kan tumdingmi asilo ih hnam hlo pawl hawlsuah hi kan
ti ding mi sawn a si.

By Lal Rem Lian
Malaysia


This page:




Help/FAQ | Terms | Imprint
Home People Pictures Videos Sites Blogs Chat
Top
.