peperonity.net
Welcome, guest. You are not logged in.
Log in or join for free!
 
Forgot login details?

For free!
Get started!

Text page


halo - Animated
zanniatsumthang.peperonity.net

TLIN LONAK HI HLAWHTLINNAK LAMZIN A SI

TLINLOHNAK HI
HLAWHTLINNAK LAMZIN ASI
By Salai Lal Rem Lian
Tulai ah kan leitlun nun hi kan
zoh rero asile, mi hlawhtling an
um rualrualin hlawhtlin duh nan
hlawhtling ve thei lomi tampi kan
um
ticu a fiang. Cuiruangah hi thu hi
kan khawpi u le nau pawl
hrangah,
ka rawn tial duhnak san a si. Tlin
kan duh ruangih tlinlohnak kan
tawn
theumi hi hlawhtlinnak lamzin ih
in khaisangtu a si ti ahmaisa in
kan
theihdingah ka sim duh a si.
1. PUMPAK NUN AH
Ziangruangah kan nitin nun ih
kan tidingmi lakah tlaksammi kan
neih tihi, zohhmaisa hnik sehla.
Kan bulpak nunah a thupi. Rual
kan va
pawlnak le innsungsang ih kan
tlanlen daanah a niambik
dinhmun ih
dingtu maw kan si tihi, kan ruah
cio a t'ha. Kan khawruah
daanahkhal khawtlâng nun
tibuaitu maw kan si, innsang nun
tibuaitu ha kan si?Thlarau lam
nunahkhal a cak lobiktu ha kan si
tihi kan zohaw fiang ringring a
t'ul.Kan thiltinak le kan
suahvahnakah a t'uan lo tubik
kan sile siloh tla hi, mah le mah
ah zohaw t'heu ding kan si.
Rittheihthil lakah ka fihlim maw?
Pathian t'ihzahnak nun neitu kan
si maw? etc...
2. NUPA NUN AH
Kan nupa nunnak ahkhal himi
hi a thupi. Ka pasal hrangah ka
rinum
maw? Ka nupi hrangah ka rinum
maw? Ka kawpi hrangah
duhdawtnak nun ka nei taktak
maw? tihi ruahcio a t'ha. Cule kan
innsungsang thu-ah mai
kawppi ih theih lo ih
thiltihmangmi kan si maw titla hi,
ruahcian a
t'ha. Kan kawppi hrangah kan
dinhmun ih ziangha kan t'ulsam
titla hi
ruah t'heu a t'ha. Kan fanau
fingkhawi daan a dik maw? Kan
fanau nun
kan theifiang maw? tihi a thupi
tuk. Kan kawppi hi kan duhdawt
taktak
maw? Zuu inri ringringtu teh kan
si maw? Rit theihthil lakah kan
fihlim maw? Kan kawppi ih
rintlakin kan um maw? etc...
3. KHAWTLÂNG NUN AH
Hruaitu upa pawl ih thu lung
lomi le an thu simmi rak
ngaikawi
t'heutu le thlun duh lo mi kan
sipang maw? Kan khawtlâng
hnaihnok
theitu lak le khawtlâng hrang ih
pawitheimi pawl, thilt'ha lomi
zuarttheutu kan sipang maw?
Sakhua lam a do-ih dotu kan
sipang maw? Mahhnakih upa
zahthiam lotu le
upatnak thinlung nei duh lomi
kan sipang maw? Mithu thlunthei
lotu tla
kan sipang maw? Khawtlâng nun
tuaht'ha duh lotu tla kan sipang
maw?
Khawpi unau thuruah duh lomi
teh kan si maw? Zirnak lamih
tlanduh lomi
tla kan sipang maw? Kan khawpi
unau pawl ih cawimawimi kan si
maw? Kan khawtlâng hrangah
thilt'ha timi pakhattal kan nei zo
maw? Kan khawtlâng ti
hmingsetu maw kan si ttheu?
Kan khawtlâng ih mi rinsanmi le
zoht'himtlak nun neitu teh kan si
maw? etc...
4.THEIHNAK LAM AH
Kan khawtlâng hrang ih thilt'ha
theitu kan sile, kan khawtlâng
hrang ih hlawmsiang duhtu kan
si maw? Nitin thuthar pakhattal
theih
kan tum dah maw? Kan theihmi
le kan hmuhmi pawl hi, a
taktakih
hmantlakmi le a dikmi an si
maw? Kan theihmi hi a
thianghlimmi teh an
si dah maw? etc...
5.CAAN HMAN DAAN AH
Pathian biaknak ah caan
nikhatah zianghmuah kan pe
thei? Bible
siarnak ah caan kan pethei maw?
Thuthang lam teh nikhatah
pakhat tal
kan theihbet dah maw? Kan
nunnakah mi huatthu
relhmangmi kan si maw?
Nikhatah thilt'ha pakhattal kan
tithei dah maw? Thlarauhlo
pakhat tal
kan hawlsuak zo maw? Ca
pakhat tal siarmi kan nei dah
maw? Kan sum
hmandaanah kan fimkhur maw
Kan sum lakluhdaan a dik maw?
Kan taksa hrang tthatnak ding
teh kan ruat dah maw? Kan
thlarau nun a cak maw? Thlacam
nun kan nei maw? Hmelma neitu
teh kan si maw? Kan hmelma
pawl ngaidamtheitu teh kan si
maw?etc...
6. ZIRNAK LAM AH
Kan tlawngkainak ah
nungcangmawi neitu teh kan si
maw? In zirhtu
pawlih thu ngaiduh lomi pawl
teh kan si pang maw? Ca a thiam
lotubik
kan si pang maw? Kan zirmi
subject teh a nehlotubik teh kan
sipang
maw? Cazoh a zaangzêlmi kan
sipang maw? Zirnak lam ih kan
fehnakah a
hminsetu kan si pang maw? Kan
cazirnak ahkhal thiamduh
ruangih
tlinlohnak kan neih caan a um
ding. Thiamcia le theicia ih piang
zohman an um lo. Tlin duh le
hlawhtlin duh cun, zuam a t'ul a
si
kha.etc...
7. FALAT/TLANGVAL NAK AH
Kan duhmi ti thinhartu kan
sidah maw? Mi thianghlimnak le
mai duh lo
ruang ih a ti khaw lo saktu kan
sidah maw? Mah duh lomi parih
thuphan
perhmangmi kan si maw? Mi
rinummi teh kan si maw? Mi
rinum lomi teh
kan si maw?
Hiang hmuahhmuah hi a
thupi tuk. Kan nitinnunah kan
tlaksammi pawl a bang awlo cio.
Kan tlaksammi lakah a khawimi
bikha
tihi mainun cio ah kan zoh fiang
awk a t'ha. Cule, kan t'ulsammi
zawn
cio ah atharih t'an kan lakih kan
tisualmi pawl lak ih sirawknak
nun
kan neih thei asile mihlawhtling
kan si thei ding. Kan tlinlohnak le
kan tlaksammi pawl hi, kan mah
intuaht'hatu ih kan hmanthiam a
sile,
tlinlohnak ihsin tlinnak dinhmun
ah in khaisang thei a si.
Curuangah
kan tlinloh caan le kan palh caan
ahhin a dungtawlhtu kan silo
hram
kei uh. Hmailam panin tlintheinak
lamzin kan pan hramhram a t'ha.
Kan
tisualmi pawl siraw ih thilt'ha
kan tiduh ruangih kan tlinlohnak
pawl
hi, dungtawlhnak ih hmang loin
t'an la cio uhsi.Tlinlohnak hi thil
kan ti pitlin hlanih hlawhtlinnak
lamzin ih inkaihruaitu a si titheiin
kan dinhmun cio ihsin a thar ih
hmailam pan tum cio uhsi.
Tlinlohnak hi hlawhtlinnak lamzin
a si. Hi mi ca ka ngannakah, mi
tisannei ih ngan ka si lo. Ka
lungawi.


This page:




Help/FAQ | Terms | Imprint
Home People Pictures Videos Sites Blogs Chat
Top
.