peperonity.net
Welcome, guest. You are not logged in.
Log in or join for free!
 
Forgot login details?

For free!
Get started!

Text page


zanniat
zanniatsumthang.peperonity.net

Zanniat Thuanthu Hrekkhat

He hnia ah ii pa khat tha U Za
Thluai (Falam) ai ngan hnak
Zanniat mi phun te thu ii.
ZANNIAT MIPHUN IH THU
Tibet to Kalay:
Tibet ram ih an um lai ah Tibet
Myanmar mi phun an rak ti, U
Zanniat te ih Pu le Pa thla cu Tibet
ram I sin an suk vivo ih Naga
ram ih sin Kawlram an thleng,
Chindwin Tipi an thlun phah ih
Kalay an thleng ih khau ih khua
an sak, Hlan lai minung pawl cu
ral a tam hrang ah abur bur in an
um theu. Kalay ih an um nak
kaimvel cu Phahei in an rak dawl
theh sang ka pali a um rhang ah
a um nak “Vingpui” an ti mi khua
kulh mikhua cu kaa-li-ka thin an
tih theu. A Hnuah cun Kalay khua
an ti. A cuih san lai ah Kawlram
mi pawlin Manipur ram an rak
sim. A hnurah Manipur pawl
inkawl ram an sin ih Kalay an
thleng. Ral an thleng tikah
“Vingpui” phahlei kulh sung um
pawl cu sang ka pali ih sin an
suak ih an tlan cio. Sak lawm
sang ka ih suak tu pawl cu
Tulsuk lam ah an tlan ih Zocung
tlang par ram an thlengt. Tlang
lam sang ka ih sin suak tu pawl
cu Natchaung lam in an tlan ih
Yakhaing tlang tluan ah an tlan
suak. U Zanniat te sung khat
pawl cu thlang lam sangka in an
suak ve ih Natchaung ih sin an
tlan ve ih Kauka an tinak hmun
lung to kham hrap um nak ah an
rak relh lawk.
Kauka ih sin Locom:
AD 1540 kum hrawng ah kauka
ram ah um thiam lo in ral an rak
tam ciam co tikah an sung khat
an rel khawm ih Zocung ah kai
thup ding in anrel. Cutikah kauka
ih sin an pok. Tlang par ram cu
an feh rero ih zarh kaht tluk an
feh tikah milai an um dah vek
hmun, Thing kung tum pipi , lei
lung a rawn ih um hmun tha nak
an tong. Cutikah “Locom rih tu I
law”an ti awn ih an cawl khau to
ding hmun a tha an ti ih khua an
sak .Lo com rih tu ih an tit a vek
in an khua hmin cu Locom khua
tin a cang dah ta.
Khua that le ram that an hawl:
AD1600 kum hrawng ah Locom
khua um U Zanniat le a unau
suah pi U Hau Hulh le U Hlawn
Ceu te cu thhu an ruat khawm.
Locom khua cu atha ko. A sin an
ram thar le khua that, hmun tha
kan hawl pei tin an rel khawm. A
cuih san lai ah Manipur nisuah
lam ah khua an um hrih lo.Cu tik
ah U Zanniat in Ka nau le uh nan
ni ram that le khua thar cu rak
hawl uh. Neh hnu-ah Harsat nak
kan ton pang tikah Fei khat le
Nam kHat kan si ring ring ding .
kan hngilh aw lo ding. Kei cu ka
kum a tam zo hrang ah hi locom
khua ah ka um koding ati ih an
unau tum an lung a kim. Cutikah
U Hau Hulh le U hlawn Ceu te
sung Lomxom ih sin an pok . U
Zanniat in a nau le pawl cu
Mnipaurr var a tan nak tiang a
thlah ta. Hawu Hulh le Hlawn ceu
te sung cu Runva an tan ih lailun
alam pan in anfeh ta. Zanniat cu
Locom khua ah a kir sal ta.
Mung “Biakthleng” an tuah:
Locom khua um zanniat fa le
pawl cu lo an thlo, an patha ih an
pung zai rero ih con lam tuah in
Zu in Puai tuah thei in an um. U
Zanniat in Locom Khua ih Nisuah
lam “ Tlaver” an ti nak hmun ah
“Mung” an ti mi Biakthleng a
phun ih thawinak a tuah theu.
Minung an karh zai ih lo rawl an
lak theh tinin kum thar puai
“Dawngpui” Puai ni li sung hmun
khat raw lei khawm tuah in an
rak nuam theu . fala le tlang val
pawl khal kum thar hmuak in hni
pun that hrak in mahle yatkuat
cio ah an lam ciam co theu.
Yatkuat um lam thei ding in
laizupi an pek theu. Locom khua
ah Zanniat fa le pawl cu yatkuat
(Ahlua) paruk an kim. A hlua
hmin tla cu 1. Hairual tlang 2.
Zaher tlang 3. Khuathar tlang 4.
Hmun lai tlang 5. Par nen tlang 6.
Ramzawl tlang tla an si.
Zanniat fa le in Mung an tuah:
Locom khua im zanniat fa le cu
an pung zai rero “Tlaver” ih
thawinak pik tikah an tlem theu
lo. Cu hrang ah U Zanniat in
thawin ak cu a karhih Tlaver
sakta le thlang ta tin hmun hnih
ah an tuah ih an rak tlem tho tho
lo ruang ah U Zanniat in afapa le
a ko ih Tlaver ah thwinak kan
tlem lo ruang ah mah le cuang
kaht cio in Mung tuah in
thawinak tuha cio ding ah a fial.
Cu tikah Locom khua ah a
tanglam vekin Mung anum……..
1. Zanniat Mung.
2. Sunthang Mung.
3. Hli-hlun Mung.
4. Phun Nim Mung.
5. Phun Hi Mung.
…tin Mung Panga ah an cang.
Mah le Mung cio ah thawi nak an
tuah theu ih Mung khat ih thawi
nak pek pawl cu Hnam Khat ah
an cang.
Zanniat Sansiarnak
By Za Thluai
1. A hmin – Yan Ngan (a) Yan
Net (a) Zanniat
( Falam zipeng Mr.HN Stevenson
in 1932 kum Lai khua sung thu a
zing zoi lai ah Pacang pa ih tong
mi aw-thluk in Zanniat tin a ngan
dah ta vekin Zanniat an ti ta a si
an ti.
2. Hlan lai kan pupa pawl cu
Tibet ram um mi an si in Tibet –
Myanmat an timi kan si. Tibet
ramih sin an vai in Naga
raminsin Kawlram thleang
hmaisabik an si. Kawlram Kalay
ah an um ih acu mi paol sung ah
Zanniat tong an hmang mi
Zanniat ih pupa pawl an tel. Kalay
ah ‘Ving’ an timi khua kimvel
Phahlei dawlih ral khamnak khua
sung ah an rak um.
3. AD 1650 kum hrawngah
Kawlram mi pawl in Manipur
ram ah sim in an neh. Kun
rawkfang a rei in Mamipur
pawoin Kawlram an siimih Kalay
an thleng. Ving sung tumpawl cu
Sangka kip in an tlan. Mi hrek in
Tulsuk lamah an um tlanih mi
hrek cu Natchaung lam ah tlan.
Zanniat te sung khat cu
Natchaung lam an tlanih Kauka
an thlengih an relh lawk.
4. AD 1685 kum hrawngah
Leido rai cu a nasatuk ih ram an
long aw ih mi ung cu an that
theh. A nung um sun pawl cu sal
ah an kaih a si. Cu tikah Zanniat
te sung khat pawl cu Kauka ah
an um ngam nawn lo ih Zocung
kai ding in an rel khawmih
an ;ok. Ni tawkfang an feh tikah
leilung um hmun a tha ih
thingkung pawl an tha, an mawi
nak hmun an thleng. Locum tu-
ih ,rak cawlsung uh an tia aw ih
an cawl. A hmun cu khua to nak
hmun a tah si an ti ih khuathar
ah an tuah ih Locom tuih an ti
hmun a si ruangah an khua
hmihn cu Locom khua ah a cang
ta.AD 1700 kum hrawngah
Zannniat te sungkhat le a fale
pawl cu Locom khua ah Lo anthlo
in an patha ih an minung khal an
pungzai rero.
5. AD 1700 Ramthart le
khuathar hawl ding an ruat
Zanniat suahpi unau U Hau Hulh
le U Hlawn Ceu te unau thum cu
thu an ruat khawmih khuathar le
ramthar hawl ding in an lung a
kim. Cu tikah a upabik Zanniat in
Ka nau leh, nan nih rak feh uh. Tu
ih hnu ah Thu Hla a untikah ‘Fei le
namkhat’ kan si ding. Kan hngilh
aw lo ding. Kei cu ka tar zo
ruangah Locom khua ah ka um
ko ding, a ti ih rel mi cu an lung a
kim. Cutikah Hau hulh le Hoawn
Ceu cu an pok. U Zanniat I
nrunva an tannak tiang a thlah ih
Runva an tan theh tikah Zanniat
cu Locom ah a tlung.
6. Zanniat in ‘Mung’ biaktheng a
tuah
U Zanniat in locom khua ih khua
suah tlang “Tlaver” na tinak
hmunah ‘Mung’ a phunih thawi
nak a tuahtheu. Locom khua
Zanniat fale pawl cu an pungzai
ih a hlua (satkuat) paruk tiang an
kim. A hlua min cu (1) Hairual
tlang,(2) Zaher, (3) Bocung
(khuathar), (4) Tlang,(5)Hluanlai
tlang, (6) Parnem tlang le
(6)Ramzawl tlang tla ansi.NB;
Kumtin Dawngpui puai tuah
tikahmah le hlua (Yatkuat) cio ih
an laamnak hmun cu Zanniat
tong in tlang anti.
7. Zanniat fapa pawl in ‘Mung’
an tuah ve
Zanniat fa le pawl cu an pungxai
ih inn zaruk an ti .Kumtin thawi
nak an tuah theunak ‘Tlaver’ ah
milai antlem lo tikah U Zanniat In
Tlaver sakta le Tlaver thlang ta
tin thawinak hmun cu a karh nan
an tlem cuang lo tikah U Zanniat I
na fapa pawl mah le sungkhat
‘Mung’ tuah cio dingin a fial.
Cutikah Locom khua ah Zanniat
fa leh ‘Mung’ cu a tanglan bekin
an um. (1) Sung Thang Mung (2)
Hlihlun Mung (3) Phun Hi Mung
(4) Phun Nim mung leh (5)
Zanniat Mung tin an rak um. (NB)
Sun Thang Mung nei tu pa ih
hmun ngai kan thei baan lo/
Amah cu pacang tha sadawi
thiam sakap zet mi a si ih suntin
an tlunpi theu ruang Sun Thang
pa an rak ti theu ih amaih Mung
Khal cu sun Thang Mung an rak ti
ta dah a si an ti.
26 February at 20:56
Hmasa ai a peh leh hnak ii.
8. AD 1720 Cong kua Khuathar
an tuah
Locom khua in Zanniat fa le pawl
an pungzai tikah lothlo ding
leiram in an daih lo. Cung
hrangah Zannait fale hrekhat vu
Congkua ah khua thar an tuah ih
ramtha thlo ih an pathat ih
minung ah pungzai ih Congkua
insin Lianrih khua le Tlortang
khuathar tla an karh.
9. AD1730 Khawlei khuathar an
tuah
Locom khua ih Zanniat fa le pawl
in loram tha thlo thei ding
khawlei ah khuathar an tuah.
Khawlei khua cu an pungzai ih
inn (800) anti. Khawlei tlangriat
khal an ti. Cutikah Zanniat khua
tla cu Locom khua, Congkua
khua, lianrih khua le Tlortang le
Khawlei khua tla an si.
10. Taisun le Zanniat an ral
awknak
AD1780 kun hrawngah Taisun
hrin pawl cu an pungzai ih khua
tampi an siimih an neh, ih siah
an lak theu. Zanniat pawl khal an
pungzai tikah Taisun zuam theitu
an rak si. Taisun pawl cu Locom
khua ah toawng theu ih Zanniat
pawl in rawl tla an ei sak.
Innsung zubel tla an mah thu in
ah phorh ih an in sak . Naute
rawl tla an ei sak. Rawl peknak
kho le bel tlaan tlunpi an ti.
Zanniat mi hrekkhat an thinnat
tuar lo in Taisun mipa khual
tlawng cu a thup in an rak that.
Cutinun zanniat le Tai sun an
nger aw rero. Zanniat pawl in an
unau Hau Hulh khua Zathlir ah an
feh ih an thuhla an than.
A culai ih Hau Hulh fasuan U Lal
Mang in kan U Zanniat kan lo
baw mcing a tu furpi a si ih
Runva tai a tum tuk. Run ti a
kaangin kan tong aw ding tin a
tiam. Cu lai ah taisun ...
Next part ►


This page:




Help/FAQ | Terms | Imprint
Home People Pictures Videos Sites Blogs Chat
Top
.