peperonity.net
Welcome, guest. You are not logged in.
Log in or join for free!
 
Forgot login details?

For free!
Get started!

Text page


pwi
zanniatsumthang.peperonity.net

VZF THLACAM REPORT Part-1

A hmun : Vangva
A tikcu : 29-30, December 2015

VZF thlacam hmang dingin hmuntin tlangtin ihsin Vangva Zanniat tefa kan suak khawm ih Aizawl ihsin Pa Malsawm Tluang tei motor(Pik up) țum 2 hmanin kan hmang. A țumkhatnak cu ni 20, December 2015 zan 9:00pm (Sunday zan) ah minung 21 kan pok suakih motor ri buai zetzet an um nan, "Pathian hmai ih khukbil thla ka camnak ding hi zianghmanin a dang theilo" ti lungput nei in, zohman aihram loten ni 21 zingpitah Zokhawthar kan thleng. Sailai Zamlo Val Lunglian in a Bike (R-15) thawn lungtho zetin inrak hmuakih Țio kan kai hnu ah Rih Sakhan hmuu hnenah Vala thotho in, in biak sakih olai ten kan tlang thei. Cutin suahsemnak Vang khawpi cu dam le tluangten ni 21 zanlam nazi 1:00pm ah kan thleng. Hnår ihsin Upa Khuang Ling & Pu Bawi Dai Lo in mithmai pan siamsi ten inrak hmuak ih cibai inrak buk hnu ah kan pok salih Lammual ihsin laiciin unau le khawpi unau pawlin hlim zetin inrak hmuak. Cuisin thleninn Pa Bawi Dai Lo tei inn lam panin kan kammsuak sal. Pa Bawi Dai Lo tei inn ah himdam ten kan thlen fel le veten kan Beding pawl pawl tla kan drop fel tete hnu ah Upa Khuang Ling in lungawi thusim thlacamnak a neih hnu ah intek tei rawl inrak rinmi cu kan tefa țamsåwl hnianghni pawl thawn, zanlam 1:30pm ah thaithawh kan ei.

A țum 2 nak cu ni 26, December 2015 zanriah ei khawh ah Aizawl ihsin Pa Malsawm Tluang tei motor thotho in, minung 24 an rawng poksuak ih ni 27 zingah Zokhawthar an rawng thleng. Pa Lal Cawi Sang in a mai Bike to in a rawn hoha thei ih a hnangam um zet. Cuisin Rih Sakhan hmuu biak ding a rak um loh ruangah motor hi zan riahter an sianglo ih kan khua ih Pasenger a hawng drop thluh veten kir sal dingih thupek a si. A neta țum ih sakhan lam inrak biak saktu khal hi, Salai Zamlo Val Lunglian thotho a si. A parah lungawinak simcawk loh kan nei. Tluangten ni 27 sundirah an rawng thleng ih dai ihsin mipi ziangmawzatin thingpi thum thawn kan rak hmuak. Pa Fung Ro Zam in lungawi thusim thlacamnak a neih hnu ah khawsung lutin thleninn kan pan cih. Beding pawl kan lak fel hnu ah Pa Malsawm Tluang in bang khal rel sianglo ten a motor Zokhawthar ih ret thlasal dingin kan thlahliam sal. Cutin Tio a vung thlen veten Salai Zamlo Val Lunglian in a bike thawn a zanzan in, a rawn phur so lala. An zawnzai zet. Pa Malsawm Tluang tei nupa hnen khalah lungawinak simcawk loh kan nei. Kan thlacam proggrame a hlawhtlin theinak dingah theihtawk a suahnak parah Pathianin a let tampin malza sawm hram seh. Amen.

Vaphai lam ihsin motor(pik up) an rawn hmang ih minung 32 an rawng poksuak thei. Himi motor an hmannak hi VZF in a hrek (Rs.2500)a rak tum sak hngehnge. An parah lungawinak tampi kan nei. Tio le Khawthlir ihsin kan Pabik Upa Hrang Lian Sum le Pu Lai San Ling khalin inra hoha thei ih a thlamuan umin a lungawium hleicè. Tio ihsin kan tefa țhahnem tak an hung thok suak ih Bualte ihsin bialtu Pastor Rev. Run Ro Hngak in inra kaihraui thei ih a parah VZF hminin lungawithu kan sim.

Falam ihsin Pa Van Hlu Pui tei insungsang le Salai Zion Thang, Tahan ihsin Pa Phai Ro Ding tei sūng, Saikhum phai ihsin Nu Țhiang Than Ngur tei sung, Farkawn ihsin Pa Van Lal Siam tei pafa...etc pawlin thlacamnak inra țawmpi/hmanpi thei ih an parah kan lungawi zet. Hi thlacam hmang ding rori ih Mikhual ratlung zat cu minung 100+(za lenglo) kan kim.

Ni 28,12,2015 ah thlacamnak ding hrangih thah dingmi Sia hawl a si. Se-lau kah ding a si ruangah zingpit in a kaptu ding pacang 5 an pok suakih kah khatih a rilh lo ruangah sunvû ih thlurh a si. Zanlam 2:00pm hrawngah an kahthah thu theih a si veten a sa phûrtu ding minung 8+ in, Bike thawn Tibual zin kan pan cih ih Pa Bawi Dai Lo tei bial/leilet sungah bike pawl tanta in Seruang tluknak Vapi suahthlang cu kan pan ding cih. Sesa cu a phawhhlawh ih àt in kan rawn pu so ih nitlak rualah inn thlenpi thluh a si. Hi saphurtu kan kawhhran mi le sa leh Bike tlawmngai suahtu pawl hnen khalah  lungawithu kan sim tak zet a si. Ni 28 zan hi khawmnak kan thokih khawm banah rorelnak kan peh cih ih zanlai 12:00am ah kan rorel kan bang.


This page:




Help/FAQ | Terms | Imprint
Home People Pictures Videos Sites Blogs Chat
Top
.