peperonity.net
Welcome, guest. You are not logged in.
Log in or join for free!
 
Forgot login details?

For free!
Get started!

Text page


pwi
zanniatsumthang.peperonity.net

VZF THLACAM REPORT Part-ll

Vangva thuanthu le Vangva Zanniat Family san thuanthu thar tuahnak dingah kum 2015, December 29 ni cu Pa Pathianin mawi zetin a rawn hersuah terih van boruak khal thiang riahri ten kan cung ninu khalin a mawinak hmuahhmuah suah in, Pathian hmai ih râwl-ûl thlacam kan neihnak ni sunglawi(nibik) le hminsin tlak a si zia in theihpi ih, a rawn nemhnget tariai!!!

Kan Thupi : 2 Sansiarnak 7:14-15
Cang hrilmi : Nehemiah 9:1-3

Ni 29,12,2015 khawfing a cah veten ti lo rawl lo in zanlam 6:00pm tiang râwl-ûl thlacam nei dingin, Bethel tlang kan pan cih. Sunvû ih rawl-ul lawngah mipum 50+ (sawmnga lenglo) kan kim thei. Naunawi thlacamnak in hmanpi tupawl thawn cun mipum 100 kan kim zuakzo in a lang. (Hi râwlûl thlacam hi ramleng ihsi khalin in rak hmanpi tu an um hnuaihni).

Hi nibik thlacam khawmawknak hi Rev. Run Ro Hngak in in kaihruai. Thangțhatnak hla kan sah hnu ah sual thupha cawinak, hlanawknak...etc nei in, mipi cangkhai loten(ngûi țhepțhep in) minute 10 sung dingin thinlung thlacamnak kan nei hmaisa tete phawt. Thupi 4 fûnin kan caanserh thlacamnak hi hman a si. Kan thlacam thupi pawl cu :
1. Lungawithu simnak
2. Sual thupha cawinak
3. Hmuifu thlawsuah dilnak
4. Inhlan tharnak

A tlunih thupi hmangin thlacamnak vawi ziangmawzat kan nei ih Pathian hmai ih khukbil thlacamtu kan zaten thinlung kekkuai in thla kan cam. Țap thuahthlo le âwmcumin kan thlacam tinten Pathian kan bia/au. Thlacamnak karlak tinah midang dang hnen ihsin thurelnak, Pathian thu simnak, thangțhat hla sahnak le tetti khaannak neih a si. Thlarau thianghlimin in pawl ih kan hlasah tin khalah kan tui/thaw zetih lamnak thawn hlim zetin "Halleluijah" ti'h au in, cungnung bikih Pathian kan thangțhat.

Cuihleiah Hruaitu le Mipi thlacam rualnak cu a tanglam ih ngàn vekin kan nei bet.
1. Maw Bawipa kan sualnak hmuahhmuah in ngaidam aw. Amen
2. Kan Pipu sualnak hmuahhmuah ah in ngaidam aw. Amen
3. Na huat zâwng kan tuahmi hmuahhmuah parah in ngaidam aw. Amen
4. Kan Pupa pawl tisual mi, kan parah langter siang hlah. Amen
5. Kan Pupa pawl râl an thah ih thisen an suahnak hmuahhmuah khalah in ngaidam aw. Amen
6. Rundamtu Jesuh hminin ngaidam kan lo dil. Amen
7. Unau thlauthla-aw lo ten kan pumkhatnak a țhat sinsin theinak dingah lam in hruai aw. Amen
8. Na thutak ih nunthar kan neih theinak dingah kan mah ih țhiah țul hmuahhmuah țhiatin thlarau in inti khat aw. Amen
9. Kan bulpak nun ciarah rawng lalbik aw. Amen
10. Leitlun kilkip ih um kan tefa hmuahhmuah, kan tuah kan țuannak kipah hmuifŭ thlawsuah in pe hram aw. Amen
11. Kan miphun zuihral lo ih a dam khawsuah theinak dingah a kumkhua ih nangmah lo riantu Miphunah in sersiam aw. Amen
12. Fimthiamnak thuak țha in pe aw kan Pathian. Amen
13. Na hmantlak mihratkhawkhêng suahnak hrinhnamah in canter hram aw. Amen
14. San saunak in pe hram aw. Amen
15. Na thianghlimnakin in suahsan hram hlah kan Pathian. Amen
16. Na sunlawi ropitnak kan tefa ah lang vivo hram seh. Amen
17. Malsawm neitu na hmin thianghlim kan lo thangțhat. Amen
18. Sűl ih um, suak lai ding hmuahhmuah sandeng tiang lam in hruai in, malza in sawm hramaw kan Pathian. Amen
19. Natsia le thihsia lak ihsi khalin in hum hram aw. Amen
20. Leitlun hmuahhmuah na hmin sunglawi thang vivo hram seh. Amen
21. Van ih na duhdawtnak a kim bangin kan sungkua khalah na duhdawtnak sunglawi cu kim ve hram seh. Amen
22. Maw Bawipa taksa malsawmnak, thlarau malsawmnak, lei malsawmnak, van malsawmnak kan sungkua ah in pe hram aw. Amen

Kan thupi pali hmangih thlacamnak kan cem hnuah bulpak thlacam thupi rawtmi pawl hmangin vei ziangmawzat thlacamnak kan nei peh vivo. Cuisin zanlam nazi 4:300pm hrawngah khawplo cingten ban zai kan rel thokih thleninn lam panin tlun zai kan rel nan, nazi 6:00pm a kim hlan tiang zohman râwl hlam kan um lo.

Thleninn ah zan khawmnak neih cih a si ih, thlarau thianghlim a zalen ruangah kan hlim zet. Rev. Run Ro Hngak (bialtu Pastor) in Pathian thucah in sim. Khawm banah lenkhawmnak neih cih a si.

Note : December ni 29 hi, kumtin sungkaw râwlûl thlacamnak ni ih puan a si ruangah kan umnak hmun ciar ihsin hi tikcu hi hman ringring ding a si.


This page:




Help/FAQ | Terms | Imprint
Home People Pictures Videos Sites Blogs Chat
Top
.