peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


rose lips - Newest pictures
a-------shayari.pk.peperonity.net

"OBAIDULLAH ALEEM"

*•.¸♥¸.•*.........*•.¸♥¸.•*
•´*•.¸(*•.¸♥¸.•*´)¸.•*´
♥«´¨`•°..ALEEM..°•´¨`»♥
.¸.•*(¸.•*´♥`*•.¸)`*•

♥-----K.Shahzad-----♥

tere pyar main ruswa hokar jaye kahan diwane log,
jane kya kya puch rahen hain ye jane pahchane log,
jaise tumhen ham ne chaha tha kaun bhala yun chahe ga,
mana aur bahut ayenge tum se pyar jatane log,
kaise dukhon k mausam aye kaisi ag lagi yaro,
ab saharaon se late hain phulon k nazrane log,
kal matam be-qimat hoga aj inki tauqir karo,
dekho khun-e-jigar se kya kya likhte hain afasane log,
jante hain ye ishq musalsal rog hai ah-o-zari ka,
phir bhi us k kuche main jate hain umr gawane log...

♥-----K.Shahzad-----♥

kuch ishq tha kuch majburi thi so main ne jiwan war diya.
main kaisa zinda admi tha ik shakhs ne mujh ko mar diya.
ye saja sajaya ghar saqi meri zaat nahin mera hal nahin.
ai kash kabhi tum jan sako jo us sukh ne azar diya.
main khuli hui ik sachai mujhe janane wale jante hain.
main ne kin logon se nafrat ki aur kin logon se pyar kiya.
wo ishq bahut mushkil tha magar asan na tha yun jina bhi.
us ishq ne zinda rahne ka mujhe zarf diya pindar diya.
ik sabz shakh gulab ki tha ik duniya apne pyar ki tha.
wo ek bahar jo ai nahin us k liye sab kuch har diya.
main rota hun aur asman se tare tutate dekhta hun.
un logon par jin logon ne mere logon ko azar diya.
wo yar hon ya mahbub mere ya kabhi kabhi milne wale.
ik lazzat sab k milne main wo zakhm diya ya pyar diya.

♥-----K.Shahzad-----♥

kuch din to baso meri ankhon main,
phir khwab agar ho jao to kya,
koi rang to do mere chehre ko,
phir zakhm agar main kahon to kya,
ik aina tha so tut gaya,
ab khud se agar sharmao to kya,
main tanha tha main tanha hun,
tum ao to kya na ao to kya,
jab ham hi na mahak phir sahib,
tum bad-e-saba kahlao to kya,
jab dekhne wala koi nahin,
bujh jao to kya jal jao to kya

♥-----K.Shahzad-----♥

Bana gulab to kante chubha gaya ik shakhs.
hua chirag to ghar hi jala gaya ik shakhs.
tamam rang mere aur sare khwab mere.
fasana kah k fasana bana gaya ik shakhs.
main kis hawa main urun kis faza main lahraun.
dukhon k jal har-su bicha gaya ik shakhs.
palat sakun main na age barh sakun jis par.
mujhe ye kaun se raste laga gaya ik shakhs.
muhabbaten bhi ajib us ki nafraten bhi kamal.
meri tarah ka hi mujh main sama gaya ik shakhs.
wo mahtab tha marham-ba-dast aya tha.
magar kuch aur siwa dil dukha gaya ik shakhs.
khula ye raz k aina-khana hai duniya.
aur is main mujh ko tamasha bana gaya ik shakhs..

♥-----K.Shahzad-----♥

Aziz itna hi rakho k ji sanbhal jaye,
ab is qadar bhi na chaho k dam nikal jaye,
mile hain yun to bahut ao ab milen yun bhi,
k ruh garmi-e-anfas se pighal jaye,
muhabbaton main ajab hai dilon ko dharka sa,
k jane kaun kahan rasta badal jaye,
rahe wo dil jo tamanna-e-taza tar main rahe,
khusha wo umr jo khwabon hi main bahal jaye,
main wo charag-e-sar-e-rahguzar-e-duniya hun,
jo apni zat ki tanhaiyon main jal jaye,
har ek lahja yahi arzu yahi hasrat,
jo ag dil main hai wo sehar main bhidhal jaye...

♥-----K.Shahzad-----♥


This page:




Help/FAQ | Terms | Imprint
Home People Pictures Videos Sites Blogs Chat
Top
.