peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


rose graphics - Newest pictures
a-------shayari.pk.peperonity.net

"FAIZ AHMED FAIZ"

*•.¸♥¸.•*.........*•.¸♥¸.•*
•´*•.¸(*•.¸♥¸.•*´)¸.•*´
♥«´¨`•°..FAIZ..°•´¨`»♥
.¸.•*(¸.•*´♥`*•.¸)`*•.

♥-----K.Shahzad-----♥

"Ab wahi harf-e-junun sab k zuban thahri hai.
jo bhi chal nikli hai wo bat kahan thahri hai.
aj tak shaikh k ikram main jo shay thi haram.
ab wahi dushman-e-din rahat-e-jan thahri hai.
hai khabar garm k phirta hai gurezan naseh.
guftagu aj sar-e-ku-e-butan thahri hai.
hai wahi ariz-e-laila wahi shirian ka dahan.
nigah-e-shauq ghari bhar ko yahan thahri hai.
wasl k shab thi to kis darja subak guzri hai.
hijr k shab hai to kya sakht garan guzri hai.
bikhri ek bar to hath ai kab mauj-e-shamim.
dil se nikli hai to kab lab pe fugan thahri hai.
dast-e-sayyad bhi ajiz hai kaf-e-gulchin bhi.
bu-e-gul thahri na bul-bul k zaban thahri hai.
ate ate yun hi dam bhar ko ruk hogi bahar.
jate jate yun hi pal bhar ko khizan thahri hai.
ham ne jo tarz-e-fugan k hai qafas main ijad.
"Faiz" gulshan main wo tarz-e-bayan thahri hai..

♥-----K.Shahzad-----♥

"Garmi-e-shauq-e-nazara ka asar to dekho,
gul khile jate hain wo saya-e-dar to dekho,
aise nadan to na the jan se guzarne wale,
nasiho, rahbar-o-rahguzar to dekho,
wo to wo hain tumhen ho jaye gi ulfat mujhse,
ek nazar tum mera mahbub-e-nazar to dekho,
wo jo ab chak gareban bhi nahin karte hain,
dekhane walo kabhi un ka jigar to dekho,
daman-e-dard ko gulzar bana rakha hai,
ao ek din dil-e-purkhun ka hunar to dekho,
subah ki tarah jhamkata hai shab-e-gam ka ufaq,
“Faiz” tabindagi-e-dida-e-tar to dekho..

♥-----K.Shahzad-----♥

"Dil main ab yun tere bhule huye gam ate hain,
jaise bichre huye kabe main sanam ate hain,
ik ik kar k huye jate hain tare raushan,
meri manzil k taraf tere qadam ate hain,
raqs-e-may tez karo, saz k lay tez karo,
su-e-maikhana safiran-e-haram ate hain,
kuch hamin ko nahin ehsan uthane ka dimag,
wo to jab ate hain mail-ba-karam ate hain,
aur kuch der na guzare shab-e-furqat se kaho,
dil bhi kam dukhta hai wo yad bhi kam ate hain..

♥-----K.Shahzad-----♥

"Buhat mila na mila zindagi se gam kya hai,
mata-e-dard baham hai to besh-o-kam kya hai,
ham ek umr se waqif hain ab na samjhao,
k lutf kya hai mere meharban sitam kya hai,
kare na jag main alaw to sher kis maqsad,
kare na shahar main jal-thal to chashm-e-nam kya hai,
ajal k hath koi aa raha hai parwana,
na jane aj k fehrist main raqam kya hai,
sajao bazm gazal gao jam taza karo,
buhat sahi gam-e-geti sharab kam kya hai,
lihaz main koi kuch dur sath chalta hai,
wagarna dahar main ab khizr ka bharam kya hai..

♥-----K.Shahzad-----♥

"Chand roz aur meri jan faqat chand hi roz,
zulm k chanw main dam lene par majbur hain ham,
ik zara aur sitam sah len tarap len ro len,
apne ajdad ki miras hai mazur hain ham,
jism par qaid hai jazbat pe zanjir hai,
fikr mahbus hai guftar pe taziren hain,
aur apni himmat hai k ham phir bhi jiye jate hain,
zindagi kya kisi muflis k qaba hai,
jis main har ghari dard k paiband lage jate hain,
lekin ab zulm k miyad k din thore hain,
ik zara sabr k fariyad k thore hain,
arsa-e-dahar k jhulsi hui wirani main,
ham ko rahna hai par yun hi to nahin rahna hai,
ajnabi hathon ka benam garan-bar sitam,
aj sahna hai hamesha to nahin sahna hai,
ye teri husn se lipti hui alam ki gard,
apni do roza jawani ki shikaston ka shumar,
chandani raton ka bekar dahaktahua dard,
dil k besud tarap jism ki mayus pukar,
chand roz aur meri jan faqat chand hi roz..

♥-----K.Shahzad-----♥

"Bol k lab azad hain tere,
bol zaban ab tak teri hai,
tera sutawan jism hai tera,
bol k jan ab tak teri hai,
dekh k ahangar k dukan main,
tund hain shole surkh hai ahan,
khulne lage quflon k dhane,
phaila har ek zanjir ka daman,
bol ye thora waqt bahot hai,
jism-o-zaban k maut se pahle bol k sach zinda hai ab tak,
bol jo kuch kahna hai kah le..

♥-----K.Shahzad-----♥


This page:




Help/FAQ | Terms | Imprint
Home People Pictures Videos Sites Blogs Chat
Top
.