peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


flowers.red.rose - Newest pictures Animals/Nature
a-------shayari.pk.peperonity.net

"DAAG DEHLVI"

*•.¸♥¸.•*.........*•.¸♥¸.•*
•´*•.¸(*•.¸♥¸.•*´)¸.•*´
♥«´¨`•°..'DAAG'..°•´¨`»♥
.¸.•*(¸.•*´♥`*•.¸)`*

♥-----K.Shahzad-----♥

"Dil gaya tum ne liya ham kya karen.
jane wali chiz ka gam kya karen.
pure honge apne arman kis tarah.
shauq behad waqt hai kam kya karen.
baksh den pyar ki gustakhiyan.
dil hi qabu main nahin, ham kya karen.
tund khu hai kab sune wo dil ki bat.
aur bhi baraham ko baraham kya karen.
ek sagar par hai apni zindagi.
rafta rafta is se bhi kam kya karen.
kar chuke sab apni-apni hikmaten.
dam nikalta hai ae mere hamadam kya karen.
dil ne sikha sheva-e-beganagi.
aise namuharim ko muharim kya karen.
mamala hai aj husn-o-ishq ka.
dekhiye wo kya karen ham kya karen.
kah rahe hain ahal-e-sifarish mujhse "Dag"..
teri qismat hai buri ham kya karen..

♥-----K.Shahzad-----♥

"Darte hain chashm-o-zulf, nigah-o-ada se ham,
har dam panah mangte hain har bala se ham,
mashuq jaye hur mile, may bajaye ab,
mahshar main do saval karenge Khuda se ham,
go hal-e-dil chupate hain par is ko kya karen,
ate hain khud khud nazar ik mubtala se ham,
dekhen to pahle kaun mite uski rah main,
baithe hain shart bandh k har naqsh-e-pa se ham..

♥-----K.Shahzad-----♥

"Batn-e-mahwash ujri hui manzil main rahte hain.
k jis ki jan jati hai usi k dil main rahte hain.
hazaron hasraten wo hain k rok se nahin ruktin.
bahot arman aise hain k dil k dil main rahte hain.
Khuda rakhe muhabbat k liye abad donon ghar.
main un k dil main rahta hun wo mere dil main rahte hain.
zamin par panw nakhwat se nahi nrakhte pari-paikar.
ye goya is makan ki dusari manzil main rahte hain.
koi nam-o-nishan pache to ae qasid bata dena.
takhallus "Dag" hai aur ashiqon k dil main rahte hain..

♥-----K.Shahzad-----♥

"Aarzu hai wafa kare koyi,
ji na chahe to kya kare koyi
gar marz ho dawa kare koyi,
marne wale ka kya kare koyi,
koste hain jale hue kya kya,
apne haq main dua kare koyi,
un se sab apni apni kahte hain,
mera matalab ada kare koyi,
tum sarapa ho surat-e-taswir,
tum se phir bat kya kare koyi,
jis main lakhon baras ki huren hon,
aisi jannat ko kya kare koyi.

♥-----K.Shahzad-----♥

"Ajab apna hal hota jo visal-e-yar hota.
kabhi jan sadqe hoti kabhi dil nisar hota.
na maza hai dushmani main na hai lutf dosti main.
koi gair gair hota koi yar yar hota.
ye maza tha dillagi ka k barabar aag lagti.
na tumhen qarar hota na hamain qarar hota.
tere wade par sitamagar abhi aur sabr karte.
agar apni zindagi ka hamain aitabar hota..

♥-----K.Shahzad-----♥

"Afat ki shokhiyan hain tumhari nigah main,
mehshar k fitne khelte hain jalwa-gah main,
wo dushmani se dekhte hain dekhte to hain,
main shad hun k hun to kisi ki nigah main,
ati bat bat mujhe yad bar bar,
kahata hun daur daur k qasid serah main,
is taubah par hai naz mujhe zahid is qadar,
jo tut kar sharik hun hal-e-tabah main,
mushtaq is ada k bahot dard-mand the,
ae "Dag" tum to baith gaye ek ah main...

♥-----K.Shahzad-----♥


This page:




Help/FAQ | Terms | Imprint
Home People Pictures Videos Sites Blogs Chat
Top
.