peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


flowershali - Newest pictures
a-------shayari.pk.peperonity.net

"ALTAF HUSSAIN HALI"

*•.¸♥¸.•*.........*•.¸♥¸.•*
•´*•.¸(*•.¸♥¸.•*´)¸.•*´
♥«´¨`•°.."HALI"..°•´¨`»♥
.¸.•*(¸.•*´♥`*•.¸)`*

♥-----K.Shahzad-----♥

^Kahne ki bat ho to use kah sunayiye.
jo dil pe ban rahi ho, kyon kar dikhayiye.
dunya ki ho hawas to dil-o-din ginwayiye.
yan khoyiye bahut-sa to kuch jak payiye.
ye kya k dil hai dair mein aur kabe mein maqam.
ho rahiye bas wahin k, jahan dil lagayiye.
gar jan ka zarar hai mohabbat mein naseho.
ham jan hi se baithe hain bezar jayiye.
aur aitabar khote hi apna raha-saha.
bas a gaya yaqin hamein, qasmein na khayiye.
hoti hujum-e-gam mein hai, kyonzahar ki talash.
'Hali' batayen ap ko, gar kuch khilayiye..

♥-----K.Shahzad-----♥

^Haq wafa ka jo ham jatane lage,
ap kuch kah k muskurane lage,
ham ko jina parega furqat mein,
wo agar himmat azmane lage,
dar hai meri zuban na khul jaye,
ab wo baten bahut banane lage,
jan bachti nazar nahin ati,
gair ulfat bahut jatane lage,
tum ko karna parega uzr-e-jafa,
ham agar dard-e-dil sunane lage, bahut mushkil hai shewa-e-taslim,
ham bhi akhir ko ji churane lage,
waqt-e-rukhsat tha sakht "Hali" par,
ham bhi baithe the jab wo jane lage..

♥-----K.Shahzad-----♥

^Hai justaju k khub se hai khubtar kahan.
ab dekhiye theharti hai ja kar nazar kahan.
ya rabb is ikhtilat ka anjam ho bakhair.
tha us ko ham se rabt, magar is qadar kahan.
ik umr chahye k gawara ho naish-e-ishq.
rakkhi hai aj lazzat-e-zakhm-e-jigar kahan.
ham jis pe mar rahe hain wo hai bat hi kuch aur.
alam mein tujhse lakh sahi tu magar kahan.
hoti nahin qubul dua tark-e-ishq ki.
dil chahta na ho to zuban mein asar kahan.
'Hali' nishat nagma-o-mai dhundhte ho ab.
aaye ho waqt-e-subh, rahe rat bhar kahan..

♥-----K.Shahzad-----♥

^Dhoom thi apni parsai ki,
ki bhi aur kis se ashnai ki,
kyon barhte ho ikhtilat bahut,
ham mein taqat nahin judai ki,
munh kahan tak chupao ge ham se,
ham ko adat hai khudnumai ki,
lag mein hai lagw ki baten,
sulah mein cher hai larai ki,
dil bhi pahlu mein ho to yahan,
kis se rakhiye ummid dil-rubai ki,
na mila koi garat-e-iman,
rah gai sharm parsai ki,
maut ki tarah jis se darte the,
saat aa pahunchi us judai ki,
zinda phirne ki hai hawas "Hali"..
intaha hai ye be-hayai ki..

♥-----K.Shahzad-----♥

^Age bare na qissa-e-ishq-e-butan se ham.
sab kuch kaha magar na khule razdan se ham.
ab bhagte hain saya-e-ishq-e-butan se ham.
kuch dil se hain dare hue kuch asman se ham.
hanste hain us k giriya-e-beikhtiyar par.
bhule hain bat kah k koi razadanse ham.
ab shauq se bigar k baten kiya karo.
kuch pa gaye hain ap ki tarz-e-bayan se ham.
jannat mein tu nahin agar ye zakhm-e-teg-e-ishq.
badlenge tujhko zindagi-e-jawidan se ham..

♥-----K.Shahzad-----♥


This page:




Help/FAQ | Terms | Imprint
Home People Pictures Videos Sites Blogs Chat
Top
.