peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


kaba
a----in.the.name.of.allah7860.peperonity.net

♥•.JANNAT kya hai.•♥

Hazrat ABU HURAIRA RAZIALLAHO TA AALA ANHO se riwayat hai ke. RASOOL ALLAH ALAIYHISHSALATU WAS SALAM ne irshad farmaya ki, ALLAH TA AALA ne Irshad farmaya hai ki maine apne naik bando ke liye aisi chiz taiyyar kar rakhi hai jisko na kisi nazar ne dekha hai aur na uske achchhaeyon ko kisi kan ne suna hai aur na kisi insan ke dil pe uska khyal guzra hai.
[BUKHARI-MUSLIM]

**************

Hazrat BURIDA raziALLAHO tala anho se riwayat hai.
SARKAR E AQDAS SALLALLAHO TALA ALAYHI WASALLAM ne irshad farmaya ke Jannatiyon ki 120 safe (katar/line) hongi. Usme se 80 safe UMMAT E MUSLIMA ki hongi aur 40 dusri ummato ki.
(TIRMIJI)

***********

Hazrat ANAS RAZIALLAHO TA AALA ANHO se riwayat hai ke. NABI E KARIM ALAIYHISH SALATO WAS SALAM ne irshad farmaya: agar jannatiyon ki auraton me se koe zamin ki taraf jhank le toh pure zamin me raushni fail jaye. aur zamin se aasman tak khushboo fail jaye. Aur jo duniya hai aur jo kuchh bhi duniya me hai un sub se behtar uske sar ki Odhani (dupatta) hai.
(BUKHARI)

**************

Hazrat SAAD ibn e ABU WAKKAS raziALLAHO tala anho se riwayat hai ke. NABI E KARIM ALAIYHISHSALAM ne irshad farmaya: agar JANNATIYON ke chizo se koe chiz jaise nakhun wagairah zahir ho jaye toh zamin wa aasman me har taraf un nakhuno se sajawat paida ho jaye. Aur agar koe JANNATI zamin ki taraf jhanke aur uske hatho ke kangan zahir ho jaye toh uski chamak suraj ki chamak ko mita de, jaise suraj ki chamak taro ki chamak ko mita deti hai.
(TIRMIZI)

****************

Hazrat ABU SAYYID aur hazrat ABU HURAIRA raziALLAHO TA AALA ANHUMA se riwayat hai ke. RASO0L E PAK SAL ALLAHO TA AALA ALAIYHISHSALAM ne irshad farmaya: pukarne wala ALLAH ki janib se pukar kar kahega, aye JANNAT walo tum hamesha tandrust rahoge kabhi bimar na padoge, tum zinda rahoge kabhi maut na aayegi, tum hamesha jawan rahoge kabhi budhapa na aayegi, aur tum hamesha aaram se rahoge kabhi mehnat mashakkat ...
...na uthawoge.
(SAHI MUSLIM)

***************


Hazrat JABIR raziALLAHO TA AALA ANHO se riwayat hai ke. HUZUR E AQDAS RASO0L ALLAH SALLALLAHO TA AALA ALAIYHI WASALLAM ne farmaya: JANNATI jannat me khayenge, piyenge par na thukenge na peshab pakhana hi karenge aur na hi unhe chhink aayegi. sun kar SAHABA ne pucha toh khane ka fazul kya hoga ? Ap ney irshad farmaya: achchi dhekaar aayegi aur pasina nikalega par wo pasina bhi mushk ki tarha hoga. SubaHaanALLAH wa AlHamduLILLAH har waqt kahtey rahna unke Dil me dal diya jayega. Jo unki zuban pe be takalluf jari rahega, jaise saanse jari rahti hain.

[SAHI MUSLIM]


***************
Hazrat ABDULLAH bin UMAR raziALLAHO TA AALA ANHO se riwayat hai ke. Ap HUZUR E PAK NABI E KARIM SALLALLAHO ALAIYHI WASALLAM ne irshad farmaya: martabe ke lehaj se sub se kam darze ka JANNATI wo shakhs hoga jo apni bibiyon, apni baago, maal, asbab, apne khidmatgaro aur apney aaram karne ki jagah ko ek hazar sal ke rastey me faila huwa dekhega. aur ALLA TA AALA ke nazdik subse bade darze ka JANNATI wo shakhs hoga jo subah o sham ALLAH ki jiyarat karenge.

[TIRMIZI]


***************


This page:




Help/FAQ | Terms | Imprint
Home People Pictures Videos Sites Blogs Chat
Top
.