peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


the lady of shallot - Newest pictures
a.all.solution.world.peperonity.net

♥`°(¯`°•.(Mera_Chehra).•°´¯)°´´♥

Kahan Tha Itna Azaab Ashna Mera Chehra
Jale Chirag To Bujhne Laga, Mera Chehra

Woh Tere Hijar Ke Din Woh Safeer Sadiyon Ke
Tu Un Dinoon Mein Kabhi Dekhta Mera Chehra

Judaiyon Ke Safar Mein Rahe Hain Saath Sada
Teri Talash, Zamane, Hawa, Mera Chehra

Mere Siwa Koi Itna Udaas Bhi To Na Tha
Khizaan Ke Chand Ko Achaa Laga Mera Chehra

Kitaab Khol Raha Tha Woh Apne Maazi Ke
Warq Warq Pe Bikharta Gaya Mera Chehra

Sehar Ke Noor Se Dhulti Hui Teri Aankhein
Safar Ke Gard Mein Lipta Hua Mera Chehra

Hawa Ka Akhri Boosa Tha Ya Qayamat Thi?
Badan Ke Shaakh Se Phir Gir Pada Mera Chehra

Jise Bujha Ke Hawa Sogwar Phirti Hai
Woh Shama-E-Shaam-E-Safar Thi Ke Mera Chehra

Yeh Log Kyon Mujhe Pehchante Nahi "Mohsin"
Main Sochta Hoon Kahaan Reh Gaya Mera Chehra...!!!
*******

Mujhse Waqif To Mere Jism Ka Saya Bhi Na Tha
Kaise Ho Jata Tumhara Main Khud Apna Bhi Na Tha

Jitna Mayus Hai Wo Shakhs Bikhar Kar Mujhse
Itni Shiddat Se To Maine Use Chaha Bhi Na Tha

Jaise Ilzaam Lagaye Hai Mere Sar Usne
Aisi Nazronse To Maine Use Dekha Bhi Na Tha,

Meri Awaaz Ka Gham Shaher Ne Jana Kyonkar
Main To Us Bhid Mein Khamosh Tha Bola Bhi Na Tha...!!
*******

Zamana Dost Ho Jaye To Bohat Mohtaat Ho Jana
Ke Is Ke Rang Badalnay Mai Zara Si Dair Lagti Hai
Koi Jo KHwaab Dekho To Usay Foran Bhula Dena
Ke Neend Ke Toot Jane Mai Zara Si Dair Lagti Hai
Kisi Ko Dukh Kabhi Dena To Itna Soch Kar Dena
Kii Ki Aah Lagnay Mai Zara Si Dair Lagti Hai
Bohat Hi Motbar hain Jinko Mohabbat Raas Ajaye
Kisi Ko Raah Badalne Mai Zara Si Dair Lagti Hai...!!!
*******
Aaj Uski Yaad Ne Humko Tadpaya Bohat
Aaj Na Chahte Hue Bhi Wo Yaad Aya Bohat
Uske Baad To Jaisay Vehshatoon Se Dosti Ho Gayi
Phir Kyun Aaj Tanhaiyoon Ne Daraya Bohat

Wo Mera Tha Mera Hai Mera Rahega
Hum Nay Is Khayal Se Khud Ko Behlaya Bohat
Shamma Ke Jalnay Par Hum Afsoos Karein Kyun
Hum Nay Bhi Maanind Shamma Khud Ko Jalaya Bohat
Hum Nay Jis Kisi Ko Bhi Hamdard Samjha
Woh Hamaray Dukh Par Na Janay Kyun Muskuraya Bohat...!!!
*******
Mujhe Mitti ke Ghar Bananay Ka Shoq Tha
Usay Ashiyaan Jalanay Ka Shoq Tha
Mai Khud Se Rooth Jata Hoon Aksar Isliye
Mujhay Roothay Hue Logo Ko Mananay Ka Shoq Tha
Usay Waadoon Ki Paasdari Pasand Na Thi
Lekin Mujhay Waaday Nibhanay Ka Shoq Tha
Main Masroof Tha Tanhaiyoon Ki Talash Mai
Usay Logo Se Milnay Milanay Ka Shoq Tha
Wo Bewafa Tha Ismai Hairat Ki Baat Kya Hai
Mujhay Bhi Bewafa Se Dil Laganay Ka Shoq Tha...!!!
*******
Aankhoon Ka Rang Baat Ka Lehja Badal Gaya
Woh Shaks Ek Shaam Mai Kitna Badal Gaya
Qadmo Talay Jo Rait Bichi Thi Woh Chal Padi
Usnay Churaya Haath To Sehra Badal Gaya
Koi Bhi Cheez Apni Jagha Par Nahi Rahi
Jatay Hi Ek Shaks Ke Kya Kya Badal Gaya
Hairat Se Saray Lafz Usay Dekhtey Rahay
Baaaton Mai Apni Baat Ko Kaisay Badal Gaya
Shayad Wafa Ke Khel Se Ukta Gaya Tha Woh
Manzil Ke Paas Aakar Jo Rasta Badal Gaya...!!!
*******
Meri Zindagi To Firaaq Hai, Woh Azal Sey Dil Main Makin Sahi
Woh Nigah-E-Shooq Sey Door Hain, Rag-E-Jaan Sey Lakh Qareeb Sahi

Sar-E-Toor Ho Sar-e-Hashar Ho, Hamain Intazar Qabool Hai
Woh Kabhi Milain Woh Kahin Milain, Woh Kabhi Sahi Woh Kahin Sahi

Jo Un Pey Mera Bas Nahi Ke, Ya Aashiqi Hai Hawas Nahi
Main Unhi Ka Tha Main Unhi Ka Hoon, Woh Merey Nahi To Nahi Sahi

Jo Ho Faisla Woh Sunaiye, Usey Hasher Per Na Uthaiye
Jo Karain Gey Aap Sitam Wahan, Woh Abhi Sahi Woh Yahin Sahi

Usey Dekhney Ki Jo Lao Lagi, To Dekh Hi Lain Gey Hum
Woh Hazar Aankh Se Door Ho, Woh Hazar Parda Nasheen Sahi...!!!
*******
Kabhi Yun Jo Ho Kisi Din Agar
Kabhi Tu Jo Sar E Raah Miley
Mein Hazar Lamhon Ko Khench Kar
Ye Jo Chalta Waqt Hay Bandh Don
Ye Jo Gardishein Hein Zameen Ki
Isi Aik Lamhay Pe Ruki Rahein
Mein Taka Karon Tujey Jazab Say
Yunhi Pyar Say Yunhi Shoq Say
Teri Har Ada Ko Samet Loon
Mein Hisar E Jaan Mein Saja Rakhoon
Tu Jo Pas Ho To Mein Jee Sakoon
Tu Jo Door Ho Na Jia Karoon
Kabhi Yun Jo Ho Kisi Din Agr
Merey Humsafar To Jo Na Milay
Mein Hazar Dharkanoon Ko Khench Kar
Ye Jo Chalta Dill Hay Bandh Doon
Ye Jo Silslay Hein Meri Sans K
Teri Doori Mein He Haar Doon
To Jo Paas Ho To Mein Jee Sakoon
To Jo Door Ho Na Jia Karoon...!!!






This page:




Help/FAQ | Terms | Imprint
Home People Pictures Videos Sites Blogs Chat
Top
.