peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


imagesl
a.rahat.indori.peperonity.net

♥`·.HAR MUSAFIR.·´♥

Har musafir hai sahaare tere,
Kashtiyaan teri kanaare tere...

Tere daaman ko khabar de koi,
Toottey rahte hain taare tere.....

Dhoop dariya mai ravaani thhi bahut,
Beh gaye chaand sitaare tere......

Tere darwaaze ko jumbish naa huyi,
Maine sab naam pukaare tere.....

Be talab aankhon mai kya kya kuchh hai,
Wo samajhtaa hai ishaare tere.....

Kab pasejenge ye behre baadal,
Hain shajar haath pasaare tere......

Mera ek pal bhi mujhe mil na sakaa,
Maine din raat guzaare tere.....

Teri aankhen teri beenaai hai,
Tere manzar hain, nazaare tere......

Ye meri pyaas bataa sakti hai,
Kyun samander huye khaare tere......

Jo bhi mansoob tere naam se thhe,
Maine sab karz utaare tere......

Tuney likkha mere chehre pe dhuaan,
Maine aaine sanwaare tere.....

Aur mera dil wahi muflis ka charaag,
Chaand tera hai sitaare tere..­...


This page:




Help/FAQ | Terms | Imprint
Home People Pictures Videos Sites Blogs Chat
Top
.