peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


images
a.rahat.indori.peperonity.net

♥`·.WAFA KO AAZMANA.·´♥

Wafa ko aazmana chahiye tha,
humara dil dukhana chahiye tha..

Aana na aana meri marzi hai,
tumko to bulana chahiye tha..

Humari khwaahish ek ghar ki thi,
use sara zamaana chahiye tha..

Meri aankhein kaha nam hui thi,
samundar ko bahana chahiye tha..

Jaha par panhuchna main chahta hoon, waha pe panhuch jana chahiye tha..

Humara zakhm purana bahut hai, charagar bhi purana chahiye tha..

Mujhse pahle wo kisi aur ki thi,
magar kuch shayrana chahiye tha..

Chalo mana ye choti baat hai,
par tumhe sab kuch batana chahiye tha..

Tera bhi shaher me koi nahi tha,
mujhe bhi ek thikana chahiye tha..

Ke kis ko kis tarah se bhoolte hain,
tumhe mujhko sikhana chahiye tha..

Aisa lagta hai lahoo mein humko,
kalam ko bhi dubana chahiye tha..

Ab mere saath rah ke tanz na kar,
tujhe jana tha jana chahiye tha..

Kya bus maine hi ki hai bewafaai,
jo bhi sach hai batana chahiye tha..

Meri barbadi pe wo chahta hai,
mujhe bhi muskurana chahiye tha..

Bas ek tu hi mere saath mein hai,
tujhe bhi rooth jana chahiye tha..

Humare paas jo ye fan hai miya,
hume is se kamana chahiye tha..

Ab ye taaj kis kaam ka hai,
hume sar ko bachana chahiye tha..

Usi ko yaad rakha umar bhar,
ke jisko bhool jana chahiye tha..

Mujhse baat bhi karni thi usko,
gale se bhi lagana chahiye tha..

usne pyaar se bulaya tha hume,
mar ke bhi aana chahiye tha..

Tumhe 'satlaj' use pane ke khatir,
kabhi khud ko gawana chahiye tha!!


This page:




Help/FAQ | Terms | Imprint
Home People Pictures Videos Sites Blogs Chat
Top
.