peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮6╭☼╭☼

Hazrat Jibrail a.s ko ALLAH PAAK ka irshad huwa ke Aadam a.s aor Hawa a.s ko Sanp aor Tahus (Mor) ke sath Bahesht se Nikal Kar Dunya Mein Bhej do..

Hazrat Jibrail a.s Hazrat Aadam a.s ke pas gye aor aun se ye Hal Bayan Kiya..

wo Ye Bat sunte he Ghabra Gye aor Bahesht ki judai se Zaro'Qatar Rone Lage ...
Aakhir aik lakri ka tukra miswak (danto pe burash) karne ke waste Wahan Se Liya aor Wo Lakri Pusht Ba Pusht Aun ke Khandan Mein Chali aai Yahan Tak Ke Hazrat E Moosa a.s ke Hath Ka As'sa (chhari) Bani . . .

Aadam aor Hawa a.s Mor Aor Sanp aor shaitan Mardud . In panchon ko Bahesht se Nilal kar Pehle Hazrat Aadam a.s ko india ke aik Jazeera Sarandeep mein autara .. Aor Bibi Hawa Ko Khurasan Mein ... Taus yani Mor ko Seestan Aor Sanp ko Asfahan Mein autara .. shaitan iblees ko Koh-e-wama-wand mein dala . .

Aus wakt sanp ke char hath aor paun aunt ke jaise the .. Saza ke tor pe aus se paun hata diye gye . .ALLAH TAHALA Ne ause aysa bana ke Zameen pe Bheja ke wo pet ke bal chale aor khak chhane aor khaye ..

Aadam a.s ko sarandeep mein dala wo apne Gunah par 40 sal tak rote rahe ..

Dusri riwayet mein hai Ke 300 Baras tak aysa Rote rahe ke Aun ke aansuwon se Nehren jari huwen aun Nehron ke kinaron par Khajoor long aor jayefal ke darakht Paida huwe ..

Bibi Hawa ke Aansuwon se Mehndi wasma aor Surma Paida huwa.

Aor Aansu ke jo Qatre Darya Mein Gire Aunse Murwareed Paida Huwa take in ki Larkiyon ke zewarat Banen ..

Aik Roz Jibrail a.s Hazrat Aadam a.s ke pas aaye aor kaha . . Ay Aadam a.s apni Maut se Pehle Haj Karlo ,, Maut ki Khabar Sunte He Wo Dare aor auth kar Khare Huwe Aor Haj Ka Qasad Kiya ,, Jis Jaga Par Aun ka Qadam Jata Wahan Gaun aor Basti ho jati .. Aor jis jaga par woh Taherte aor apni musafat ki manzil karte to aus jaga Par KHUDA WAND E KAREEM chand Roz Mein Shehar Bana Deta ,

Bahot se Ulamah ne Likha hai ke Makka Muaazama Tak Hazrat e Aadam a.s ke 30 Qadam Huwy The aor Jub Wo Makka Ke Nazdeek Pohanche to Sub Farishte Wahan Hazrat Aadam a.s ke Pas Aaye Aor kaha .. Ya Aadam a.s 1000 Baras Huwe Hum is Ghar ka Tawaf Karte Hen .. Aus Wakt Kaaba Shareef ka Naam Bet-ul-Maahmur Tha ..

Is ka andar bahir zahir tha Auske Aupar Khema Zabarjad ka saja huwa tha aor aus ki Tanaben Sone (Gold) ki Theen..

Aor auski jo mekhen (keelen) then, Aaj wo Satoon hain .. Aor Harm Shareef mein Dakhil hain .. Aor jo shikar is mein Panah le auska Marna Haraam hai . .

Aadam a.s Maidan e Arafat Mein jabal e Rehmat par jub Aaram ke liye baithe toh Bibi Hawa a.s ko Dekha ke Jeddah ki Taraf aati hain . .

Aunho ne auth kar Godh mein aunhe Autha liya Aor Dono Zar Zar Rone Lage chuna'nche aun ke Rone Se Aamsan Ke Farishte Bhi Roye . . Tub Dono Ne Aasman Ki Taraf Nigah ki aor KHUDA WAND E TAHALA Ne Ijab ko aun ke aankhon se autha liya..

Aunhon ne arsh ki taraf nazar ki jaisa ke ALLAH PAAK Ne Farmaya ..

* Phir Seekh leen Aadam a.s ne apne RAB se kayi Baten pher Mutawaja Huwa aus par Haq wohi hai Muaaf karne wala MEHARBAN.. (al'Quraan)

aor saq e Arsh Pe Ye kalma likha Huwa Dekha ..
LA ILA IL ALLAH MOHAMMAD UR'RASOOL ALLAH (s.a.w.w)

Tub Aadam a.s ne Kaha Ya RAB is kalma e Mubarak Ke Barkat se Jo Tere Naam ke Sath Hai Hamare Gunah Bakhs De Aor Hamari Toba Qabul Farma ...

Filhal Jibrail a.s aun ke Pas aaye aor kaha ke HAQ TAHALA Ne Tujh par SALAM Bheja Hai Aor Farmaya Hai Ke Agar Tu Bahesht Mein Is Naam ko Shafi Banata Toh Tumko Har Giz Dunya Mein Na Bhejta ..

Aor Riwayat Hai Ke Hazrat Moosa a.s apni Manajat Mein Yeh Kehte the ..

* aik Roz Moosa a.s Manajat Mein Kehte The.. Ya RAB Bahesht Mein Deevaren Hain Ya Nahi . . HAQ TAHALA Ne Farmaya . Deevaren Hain .. Phir Kaha . . Jannat Mein Darban Hain . . FARMAYA HAIN .. Tub Moosa a.s ne Kaha Ke Iblees Laheen kiyunkar Bahesht Mein Gya Aor Aadam a.s ko Fareb Diya . .

KHUDA WAND E KAREEM Ne Farmaya . . Ay Moosa a.s Meri Marzi Se Muzir Nahi kiyun ke Meri Marzi Yehi Thi . . Aor phir Farmaya Phir Khench Liya aun ko Fareb Se . (al'Quraan)

Jub Aadam a.s ne HAJ se Furaghat Pai To aun ke pas Hukam Aaya ...Ay Jibrail a.s Hazrat Aadam a.s Ko wadi-e-Numan Mein Jo aik maidan Ka naam hai le ja kar apne paron ko aun ke pusht par malh de ..



Jub Jibrail a.s Ne Malah To Beshumar Zariyat aun ki Pusht se Nikleen is trah pur ke Tamam Aalam In ki Aolad Se Bhar Gya .. Aadam a.s Bole Ye Sub Kon Hen ? Jibrail a.s Ne Farmaya Ye sub Tumhare Farzand Hain . . .Aadam a.s ne kaha ke Itni Makhluq ki Gunjaish Zameen Par Kiyunkar Hogi ? TUB aawaz aai . . Ay Aadam a.s in ki Tadbeer Maine Pehle Se Kar Rakhi Hai .. Aadam a.s Ne Arz kiya . . Ya RAB UL AALAMEEN kya Tadbeer hai ?

HAQ TAHALA Ne Farmaya . . Baazon Ko Aun ke Aslab Mein Aor Baazon Ko ummhat ke arhaam mein kisi ko Rooh-e-Zameen Par aor kisi ko Zer-e-Zameen Rakhun Ga

Phir Aadam a.s ne Kaha ..KHUDA'WANDA Mere Farzind ke Liye Kya Farmate Hen ..

FARMAYA : Koi Momin Hai To Ko Kafar Hai Aor Koi Tawangar Hai Aor Koi Faqeer Hai. koi Khosh'Hal Hai To Koi Ghum'nak ,

Aadam a.s Ne Kaha: Ay ALLAH agar Ye Sub aik Se Hote To Kya khoob Hota ..

ALLAH PAAK Ka Irshad Huwa ke Ay Aadam a.s Main Aus Se Khush Hun Jo Mera Shukar Kare . Is liye khosh'Hal ko Ghum'nak Aor Tawangar Ko Darwesh Aor Mateeh Ko Aasi Na Kiya Take shukar karen.


This page:




Help/FAQ | Terms | Imprint
Home People Pictures Videos Sites Blogs Chat
Top
.