peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

IDREES ALYSALAM

Waja e Naam Idrees ki Ye Hai ke Parhane Ki Kasrat Ke Waja Se Aap ka Laqab Idrees Huwa ..

ilm e Najoom aap ke Mojizat Mein Se Hai .. Wo Zameen Par Ibadat Karte aun Ko Farishte sub Aasman Par le jate ..

ALLAH TAHALA Ne Farmaya: aor Yad kar Kitab Mein Idrees Ko Ke Wo Sacha Nabi Tha (al'Quraan)

Rozana Kapre Seete The . Har Dam Seene Mein Tasbeeh Parhte The . Aor Wo Silai Ki aujrat kisi se Na lete the..

Aik Roz ka zikar hai ke woh apne Kam se Fraghat pa kar Baite The ke ausi wakt Malak-ul-maut (Maut ka Farishta) ALLAH TAHALA Ke Hukam Se Aadmi ki Ban Kar Mehman ke Tor Par Raat Ko Hazrat Idrees a.s ke Darwaze Par aa pohanche ..


Aan'Hazrat Saim-ul-duhar The Jub Shaam Hoti Iftar Karte Waqt Khana Aap ka Bahesht Se aata . .

Jis Qadar Chahte Kha lete Baqi Khana pher Bahesht Mein Chala Jata ..

Aor aus din ka khana jub Bahesht Se Aaya To Hazrat Idrees a.s ne Wo Khana Musafir Ko pesh Kardiya ..

Musafir ne kuch na khaya aor Qadam par Qdam Rakh Kar Ibadat Karta Raha..

Hazrat Idrees a.s aun ki ye Halat dekh kar mutaajub Huy ke Ye Shakhs Kon Hai ?

Jub Roz Roshan (subah) Huwa Hazrat Idrees a.s Ne aun se kaha ke ay musafir Tu Mere Sath chal ke Khuda Ki Qudrat Sehra Mein Chal Kar Dekhun ..

Tub Dono Buzurg Ghar Se Medan Ki Taraf Nikal Pare . Raste Mein Gehon ki Khet mein Ja Pohanche ..

Hazrat Malak-ul-Maut ne Kaha Chalo is Khet se Chand Khosay Gehon ke le kar hum tum mil kar khayen..

Hazrat Idrees a.s ne farmaya ke Ajab Hai ke Tune Guzishta Shub Mere Sath Halal ka khana Nahi Khaya Ab Haram Khana Chahta Hai ..

Pher Wahan Se Dono Buzurg Aik Dusre Bagh Mein ja Pohanche aor Whan Angoor Dekh Kar Hazrat Izraeel a.s (malak-ul-maut) Ne Khane Ka Irada Zahir Kiya .

Hazrat Idrees a.s ne Famaya Ke Tasaruf Mulk e Ghair Mein Haram Hai

Pher jate jate Aik Bakri Dekh kar Hazrat Izraeel a.s Ne Khane Ka irada Kiya .

Hazrat Idrees a.s Ne kaha ke Begani Bakri ko Zibah kar ke Khana mamNuh hai ..

Is tarah 3 din tak dono Baham Guftagu Karte Rahe. Jub Ke Hazrat Idrees a.s Ne Malum Karliya ke Ye Shakhs Kon Hai kiyun ke Bani Aadam mein Malum Nahi.

Tub Hazrat Idrees a.s ne Farmaya Ke Khuda Ke waste Zahir To Karo ke Tum kon Ho?

Aus Ne Arz kiya ke Main Izraeel Hun . Tub Hazrat Idrees a.s Ne Farmaya ke Bhai Kya Sub Makhluqat Ki Jaan Tum he Qabz karte Ho?

Aunho ne kaha: Han

Hazrat ne Farmaya: Shayed ke Tum Meri Jaan Qabz Karne Ke Liye Aaye Ho ?

Aunho Ne kaha ke Nahi main To Tumhare Sath Khosh Tabhi karne Aaya Hun .

Hazrat Idrees a.s Ne Farmaya Ke Aaj 3 din Se Tu Mere Sath Hai kya is arse Mein Bhi Tune Kisi ki Jaan Qabz ki hai ?

Hazrat Izraeel a.s Bole Sub Makhlukat Ki Jaan Qabz Karna Hamare Liye Aysa Hai Jaisa ke Tumhare Dono Hathon Ke Niche ye Roti Rakhi Huwi Hai.

Yani Jis ki ajal aajati Hai Time Pura Hojata He ALLAH TAHALA Ke Hukam Se Hath Barha Kar aus ki Jaan Qabz Karleta Hun .

Aor Farmaya Ay Hazrat Idrees a.s Main Chahta Hun Ke Tere Sath Rishte Dari Karun

Hazrat Idrees a.s Ne Farmaya ke Maine Tere Sath Brotheri Ka Rishta Tub Karunga ke Tu Mujhe Maut ka Maza aik Bar Chaka De Take khof Aor Ibrat Ziyada Ho Aor Apne KHALIQ ki Ibadat Ziyada karun

Malak-ul-Maut Ne kaha Ke ALLAH TAHALA Ke Hukam Ke Bina Main Kisi Ki Jaan Qabz Nahi Karsakta .

Tub Hazrat Idrees a.s Ne KHUDAWAN E QUDUS ke Bargaah mein Arz Ki ..

Tub Malak-ul-Maut Ko Hukam Huwa Hazrat Idrees a.s Ki Jaan Qabz Kar.

Aunho Ne Hazrat Idrees a.s ki Jaan Qabz Karli . Pher Malak-ul-Maut Ne KHUDA Ki Bargaah Mein Dua Mangi .

ALLAH TAHALA Ne Hazrat Idrees a.s Ko Phir Se Zinda Kiya .

Hazrat Idrees a.s Ne Auth kar Malak-ul-Maut ko Apni Goad Mein Le Liya.

Dono Ne Aapas Mein Brotheri Ka Rishta Laga liya..

Malak-ul-Maut Ne Aunse Pucha Ay Bhai Maut Aor Jaan Nikalne Ki Talkhi Kesi Thi ?

Wo Bole Jaise ke Kisi Zinda Janwar ki Khal sar Se paun Tak Khenchi Jati Hai.

Malak-ul-Maut Ne Kaha Ay Bhai Qasam Hai RAB-UL-AALAMEEN Ki Jaisa Ke Maine Tere Sath ehsan kiya hai aysa kisi ke Sath Nahi kiya.

Hazrat Idrees a.s Ne Farmaya ay Bhai Mujhe Dozakh Dekhne Ka Shoq Hai Tu Mujhko Is Ke Darwaze Tak Le Chal Take Ause Dekhne Se Khaof E ILAHI ziyada Ho Aor Main Pher IBadat Ziyada karun ..

Malak-ul-Maut Aun Ko Dozakh ke Darwaze par Le gye..

Pher Bole Mujhe Bahesht Dikhao ..

Bahesht Ke Darwaze Par Le gye Aor Aunho Ne Bahesht Ke Manazir Apni Aankhon Se Dekhe .

Pher Kehne Lage Ay Bhai Main Takhi e Jaan kuni Ki Dekh Chuka aor Dozakh Bhi Dekhi.. Magar Jigar Mera Mare Pyas Ke Jal Gya . Ijazat Ho to Bahesht Mein ja kar Aik pyala Pani piyun ..

Malak-ul-Maut ne Kaha Tum wahan Se Wapas Aane Ka vaada karo..

Shadeed Piyas ki waja se Hazrat Idrees a.s Ne wapas aane Ka vaada Kiya ke Main Wapas Aajaun Ga..

Aor Ba Hukam e ILAHI Apne Naalen Mubarak (juthe) darkht e Tuba ke Niche Chhor kar Bahesht Mein Dakhil Hogye. Kiyun ke vaada wapas aane Ka Kiya Tha.

Aor Naalen Bhi Darkht e Tuba Ke Niche Chhor Aay the . Bahesht Se Baher Nikel Kar apne Naalen Ko le kar Bahesht Mein Ja kar Darkht Par ja Baithy.

Kuch Der ke Baad Malak-ul-Maut Ne aunko Aawaz di ke Ay Bhai der Mat Karo . Is ke jawab Mein Hazrat Idrees a.s Ne Farmaya Ay Mushafiq e JABBAR E AALAM Farmata Hai . . Ke Har Jaan Ko Maut Ka Maza Chakhna Hai (al'Quraan)

Ab To Main Jaana Nikalne Ka Maza Chakh Chuka Hun Aor HAQ TAHALA Farmata Hai. Nahi koi Tum Se Jo Na Pohanche Ga Is Mein so Main Dozakh Mein Bhi Pohanch Chuka Hun Aor Yehi JALEEL AO JABBAR Farmata Hai Ke Na Pohanche Ga aunko Wahan Koi Takleef Aor Na aunko wahan Se Koi Nikale Ga Yaani Jo Bahesht Mein Gaya Pher Wo Wapas Baher Nahi Aaye ga..

Ay Bhai Main Ab Har Giz Baher Nahi Aane Ka .. Dargah e BARI TAHALA Se Aawazi aai . Ay Izraeel Tu Idrees a.s Ko Chhor Kar Chala Ja maine In Ke Taqdeer Mein Yehi Likha Tha .

Hazrat Idrees a.s Maut ka Maza Chakh Kar Aor Dozakh Bhi Dekh Kar Jannat Mein Ja Rahe .

Tub Izrail Bole Bahesht Haram Hai Anbiyah Par Jub Tak Ke KHATAM UL NABIYEEN MOHAMMAD S.A.W.W Dakhil Na Hon..

Bahesht Mein Pher Aawaz Aai Ay Izraeel Main Bahesht Ko Daregh Nahi Rakhta Hun Awal Bahesht Mein MOHAMMAD S.A.W.W Dakhil Honge Baad Mein Aunki Sub Ummat dakhil Hogi.

Dusra Qol Ye Hai ke Tawaf Karne Wale Sub Tawaf Karte Rahen Bahesht Mein Aor HAQ TAHALA Ne Farmaya .. Aor Autha Liya Ausko Hum Ne Aunche Makan Par .. (Al'Quraan)

Hazrat Idrees a.s To Bahesht Meim Ja kar Rehne Lge . Yahan aun Ke Farzind Sub aun ki Judai pe Din Raat Garya ao Zari Mein The .

Aik din iblees laaheen (shaitan) mardud aun ke pas aaya aor kaha tum log mat roya karo main tumhari Baap ki si Aik Soorat Bana Deta hun tum aus ko din Raat dekha karo aor Pujo . Is se Tumhara sub dukh dard aor Ghum Jata rahe ga . Aor Tum Sub Khosh Rahoge.

Iblees laanati ne aik aysi soorat banai ke Hazrat Idrees a.s ki shekal mein aor aus mein koi Farq na tha .

Sirf itna he farq tha ke Shekal Baat na karti thi aor wo log ausko puja karte the yahan tak ke Rafta Rafta Buth Parasti Tamam Aalam Mein phel Gai .

Mashriq Se Maghrib tak ye Riwaj Jari Raha ..

Koi Aadmi ALLAH TAHALA ko Na Janta tha. Ilm ao amal aun mein mafqood tha..

Baad mein KHUDAYE TAHALA Ne Hazrat Nooh a.s ko Aun ka Peghamber Bana Kar Bheja Take aun Ko Rah E Hidayet Bata den .

Wallah Aalam Bilsawab


This page:




Help/FAQ | Terms | Imprint
Home People Pictures Videos Sites Blogs Chat
Top
.