peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

shadad Laheen

Aksar muarikheen Hazraat ne shaddad ka zikar bhi Hazrat e Hod Alysalam ke zikar ke sath kiya hai.

Kiyu ke wo bhi Qom e Aad se tha aur Qom e Aah ke taraf he Hazrat e Hod Alysalam Ko bheja gya ..

Is liye main pervi ki waja ko mad e nazar rakhte huy ehl e tareekh ke is hal e ajib aur qissa e gharib ko tehreer karta hun ke ehl e iman ko is ehwal se ibrat ho aur KHUDA WAND E QUDUS ke Qudraton par yaqeen wasiq ho..

Haqiqat ye hai ke Aad ke 2 bete the ..

Aik ka naam shadid aur dusre ka naam shadad tha ..

Ye dono Haft Aqleem ke Badshah the aur in dono ka maskan mulk e shaam tha..

Shadid to takriban 700 saal tak badshai karke mar gya .

Aus ke shadad malhoon badshah hua is ne tamam rooh e zameen ko musakhir kiya aur jahan tak auski badshahi ka tahaluk tha auska hukam chalta tha ..

Din raat ausko hakumat se he kam tha wo esi khushi mein khush rehta tha ke aus ke man'ne wale agar che kufar aur shirk mein mubtila the lekin auske adal ki waja se sher aur bakri aik he jaga pani peete the ..

Dusra bola ke maine to zameen kharidi hai na ke khazana kharida hai . Ab ye auske lene mein bohat heely aur bahane karta hai .

Jub hakim e wakt ne pucha ke tumhare dono ki kuch aolad bhi hai ya sari umr tumhari lawaldi se barbad hai ..

Wo bole ke aik ki beti aur aik ka beta hai .

Hukam kiya ke dono ko aapas mein nikah bandh kar ye maal aunko dedo aur hisse ke mutabik dono pe barabar taqseem karo ..

Ayse insaf se aunka kaziya teh kiya .. Apne aap mein ausne dunya mein nek naam peda kiya ..

ALLAH PAAK Ne Hazrat e Hod Alysalam Ko aus ke Hidayet Ke liye bheja ..

Har Chand Hazrat e Hod Alysalam Ne ause iman ki dawat di par wo iman na laya aur kafar aur mushrik mara..

Hazrat e Hod Alysalam Ne farmaya ke HAQ TAHALA tujhko is ke badle bahesht e javedani inayet karega aur hamesha tujh par apna fazal aur mehrbani farmay ga

Hazrat e Hod Alysalam Ne aus ko achi achi baten batain jo aakherat mein aus ke liye nijat ka sabab ban sakti then

magar aus malaun ne aun baton par kuch khyal aur ehssas na kiya. Aur kehne laga ke ay
Hazrat e Hod Alysalam tu mujhe Bahesht ki taamah dilata hai

Aur maine bahesht ki tarif suni hai main bhi esi dunya mein misal aus ke bahesht banaun ga aur din raat hesh o ishrat karun ga . Mujhe tere KHUDA ke bahesht ki kuch hajat nahi ,

is mukalme ke bad aus malaoon ne ausi wakt har aik badshah wazeero aur akabireen ko khat likhe jo aus ke zer e tabeh the..

Aur aus me likha ke tumhare mulk me jis jaga zameen hamwar ho aur medan sahi ho aur aus me nasheb o faraz na ho to aus ki jald hum ko itelah do hum aus jaga par bahesht banane ka irada rakhte hain..

Is k bad foran he har jaga apne Qasid bheje take whan se sona chandi aur jawahirat le kar jald aayen .

Neez Qasidon se ye b keh diya ke jitne bhi mushk o anber aur murwareed hath aayen woh sub ke sub bhi sath le aayen ..

Kaha jata hai ke aus wakt shadad ke zer e hukam aik hazar mulk aur aik hazar bare shehr the aur har shehr mein takriban aik lakh aadmi maojud the ..

Bohat he shadid justaju ke baad khita e arab mein aik Qilaa zameen jis ki musafat chalees farsang ki thi mili

Is k bad foran amiro aumara ko hukam hua k 3000 austad pemaish karen aur aik austad ke sath 100, 100 behtreen karigar hon.

Ye hukam muqarar kardiya gaya aur sare mulk ka khazana whan la kar jama kardiya gya .

Sub se pehle 40 gaz zamin niche se khod kar bahesht ki bunyad sang e marmar se rakhi gai aur aus ki deevar chandi aur sone se authai gai . Chhat aur sutoon zabjad aur zamarud e sabz se banay gye

HAQ TAHALA Ne HAZRAT MOHAMMAD SWALALAO AALY WAALE EE WASALAM Ko sadad laheen ki bahesht ke hal se aur sutoono aus ke khabar di ke dunya mein kisi ne aysi bahesht nahi banai .

ALLAH TAHALA Farmata hai ke

* kya tune nahi dekha kysa kiya RAB Tere Ne Aad se jo aram ke bare sutoon banate the jo kisi shehr mein wesa bana nahi (Al_QuraaN)

Aur ye b khabr hai ke 40'000 khazane chani aur sona bahesht ke ghumane ke liye the yahan tak ke bahesht ko tyar karne ka kam 300 sal me sar anjam paya.

Aur wakeelon ko har mulk mein bheja ke darham bhar chandi kisi mulk me na chhoro

Aakhir me ye nobat pohnchi ke aik gharib miskeen budhi aorat ke yateem beti ke gulu bandh mein aik dirham chandi thi zalimo ne ause bhi na chhora .

Aakhir wo larki ro peet kar kehne lagi ke main gharib faqeerni hun siway aik dirham chandi ke aur kuch nahi hai hamare pas lehaza ye aik dirham mujhko bakhsh do..

Magar aunho ne kuch na suna tub aus ghariba ne KHUDA Ki Bargah Mein Faryad ki Ke YA ILAHI Tu Is Ka Insaf kar..

Is zalim ke shar se is mazlum ko bacha aur is ki be insafi ka tu insaf kar ise dafa kar..

Aah o Faryad auski KHUDA WANDI E QUDUS Ki Dargah Mein Qabul Hui..

* parhez karo mazlum ki bad duaa se beshak woh maqbul hoti hai (Al_QuraaN)

Khabr hai ke shadad ne sare mulk ke larke larkiyan khubsurat aur hassin dekh kar damishq mein jo auska makan tha mein jama keen take JANNAT Ke Hoor o ghulamo ki tarha aus ke banay huy bahesht mein auski khidmat mein rahen..


Mukamal 10 sal tak wo kafar shadad intezar karta raha ke bahesht ja kar dekhen.

Lekin KHUDA TAHALA Ko Manzur Na tha ke Wo apni banai hui Bahesht mein jaye ..

Aik Roz kamal khwahish se 200 ghulamo ko charon medano mein bheja aur aik ghulam ko sath le kar chaha ke bahesht mein jayen .

Wahin bahesht ke darwaze par aik shakhs ko khara hua dekha

aus se pucha tu kaun hai ?

Aus ne jawab diya ke main Malak Ul Maut Hun !

Shadad ne kaha tu yaha kiyu aaya ?

Malak Ul Maut Ne Jawab Diya Ke Main Teri Jaan Qabz Karne Aaya Hun !

Shadad Ne Aus Se Kaha Tu Mujhe Zara Mohlat De Take Main apni Banwai Hui Bahesht Ko DekhLun ?

Malak Ul Maut Ne Kaha Ke KHUDA WAND Ka Hukam Nahi Ke Tu Apni Banwai Hui Bahesht Mein Jay kiyun ke Tujhko Dozakh Mein Jana Hai !

Phir shadad ne kaha ke chhor main ghore se autrun !

Malak Ul Maut Ne kaha ke Nahi .. Tub ausi halat mein auska aik paun ghore ki rakab mein raha aur dusra paun bahesht ke darwaze par tha ke auski Jaan Qabz karli gai,

wo Mardud Bahesht Na deeda Dozikhi hua aur aik Farishte Ne Aasman Se aik aysi Sakht Zor Se aawaz Ki ke shadad mardud ke sub sathi bhi Halak hogye..Aur khane ka aik luqma khane ki fursat na hui.. Aus wakt na maal raha na mulk na adna aala faqeer o ameer sub barabar hogye . Mulk gharat hogye aur woh sub dozikhi hogye aur auski bahesht ko zameen ke niche daba diya take qayamat tak auska koi asar baqi na rahe ..

Is ke Waqiaa ke baad Hazrat E Sualeh Alysalam Ko Qom E Samud Ki Taraf RASOOL Bana Kar Bheja Gya..



This page:




Help/FAQ | Terms | Imprint
Home People Pictures Videos Sites Blogs Chat
Top
.