peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

.☼ SUALEH ALYSALAM ☼

QURAAN E MAJEED FURQAN E HAMEED Mein ALLAH RAB UL IZZAT Ne Irshad Farmaya ..

* Aur Samud ki taraf bheja aun ke bhai Sualeh Alysalam ko aunho ne kaha ke ay Qom Bandagi karo ALLAH TAHALA Ki Aur Nahi Hai Maabud Siway ALLAH TAHALA Ke. (Al_QuraaN)

Qom e Samud darhaqiqat aik sahib e maal jamaat thi. Aur wo bakriyon aur aunton se aasuda haal the..

Jub Qom e Aad ko HAQ TAHALA Ne is dunya se gharat kiya to aus ke baad Qom e Samud Ne aun ke Shikista Makano par Qabza karliya aur aunko naye sire se tameer kiya . Phir ye Qom Bhi kasrat e maal aur kasrat e aolad se gumrah hui..

Wo apni dolat ke gharur par nazan rehte the aur buton ke puja mein masruf rehte the zulam aur fasad kasrat se karte the ..

Hazrat e Sualeh Alysalam ne Qom e samud ko Dawat e IL ALLAH Di aur aus Qom se kaha ke Ay Qom iqrar Karo ke KHUDA Aik Hai aur koi auska shariek nahi ..

Munkiron ne kaha tuhari peghambri ki Kya daleel hai.

Hazrat e Sualeh Alysalam Ne kaha ke Hod alysalam ki Qom ko ALLAH TAHALA Ne be imani aur but parasti ke waja se Halak kiya aur Mujhe ALLAH TAHALA Ne Hazrat e Hod Alysalam ke Baad tum par khalifa bana kar bheja hai.

Qom e samud ke sardar bole ke ay Hazrat e Sualeh Alysalam Agar tum ko ALLAH TAHALA Ne Peghambar bana kar bheja hai to Hum ko Kuch Mojize Dikhao.

Hazrat e Sualeh Alysalam Ne kaha ke tum bato kya mojiza dikhaun ?

Ye sun kar wo aapas mein mashora karne lage aur pher kuch der baad Hazrat e Sualeh Alysalam Se kehne lage ke tum ye mojiza dikhao ke aik auntni is pathar se nikle aur esi wakt wo bacha bhi jane aur doodh bhi de. Tub hum jane ge ke Tum ALLAH Ke RASOOL e Bar HAQ Ho ..

Ye guftagu ho rahi thi ke Hazrat e Jibrail alysalam Nazil Huy aur kaha ay Sualeh Tum in se Iqrar karlo ke aur in se kaho ke Bagher e Hukam e KHUDA ke wo auntni ko na maren aur siway doodh ke aus se kuch na khayen kiyun ke aun par koi cheez auski halal nahi hai ..

Pher Hazrat e Sualeh Alysalam Ne aun se iqrar liya aur aus iqrar ke baad HAQ TAHALA Ka Hukam Hua ke Ay Sualeh Tum Duaa Karo aur Meri Qudrat ke Nazare Dekho ke Maine Tujhse Char Hazar Baras Tak Pehle Aik Auntni Is Pathar Ke Andar Peda Kar rakhi Hai Take Tera Mojiza Zahir Ho aur Teri Peghambari Ke daleel Mazbut Ho.

Bas Hazrat e Sualeh Alysalam Ne KHUDA Ke Bargah Mein Duaa ki aur sare Momino ne Aameen kahi.

Itne main aus pathar se ajib si aawaz nikli aur achanak aik Nihayat hi khubsurat auntni aus pathar ke Niche se nikal aai ..

Wo itni khubsurat aur Hassin Thi ke Sare Aalam Mein Aus jaisi Dusri Na thi..

Aur aik lamhe baad ausne aik Bacha diya .. Auntni ke pas taza ghas bhi Nazar aai jo aus ne khai thi.

KHUDA Ke Hukam se Foran Wahan aik Chashma aur Chara Gaah peda Hogai aur auntni aus mein charne lagi

aus Qom ke Sath Qabile The Aur Sathon Qabile aus Chashme Se Pani Peete the par pani kuch kam na hota tha ..

Sarban aus auntni ko aus chashme par le gye . Aus auntni ne aus chashme ka sub pani pi liya

Hazrat e Sualeh Alysalam Ne apni Qom se kaha ke tum log is ka doodh piyo

sathon Qabile aus se doodh dho kar garhe aur matken bhar bhar ker apne ghar lejate the.

ALLAH TAHALA Ne Hazrat E Sualeh Alysalam ko Farmaya ke wo apni Qom se keh den ke aus chashme ka pani aik din auntni ka hai . Jis Roz auska Doodh Doha Jay .

ALLAH TAHALA Ne Farmaya

* aur kaha ye auntni hai isko pani peene ki aik din bari hai aur tumhari bari dusre din muqarar ki hai aur is auntni ko kisi tarha se chherna mat warna tum ko aik bare din ki aafat gher le gi..

ALLAH TAHALA ki Qudrat se auntni pathar se peda hokar Hazrat E Sualeh Alysalam ki Duaa se Charti pherti thi aur jis jungal mein wo auntni charne jati thi sub maveshi (janwar) wahan se bhag jate the pyase reh jate the ..

Tub aik mashora kiya aur ye bat teh pai ke aik din pani par auntni jay aur dusre din in logon ki maweshiyan (janwar) jayen aur ye khulasa tafseer se likha hai..

Is ke baad Hazrat E Sualeh Alysalam ne qom e samud se kaha ke khabar daar ye auntni
ALLAH TAHALA ki hai aur isko kabhi bhi mat chherna aur is ko koi taklif bhi mat dena warna is ke padash mein KHUDA WAND E KAREEM Tum par Sakht Azab bheje Ga..

Hazrat E Sualeh Alysalam Ki ye bat sunkar wo log aus auntni ko pyar karte the aur bohat hifazat se rakhte the aur auske doodh se makhan aur ghi jamah karke shehron mein leja kar bhchte the aur aus se fayede hasil karte.

Esi tarah wo sub log maaldar hogye aur esi tarah takriban 400 saal guzar gye ..

Aik Roz Hazrat E Sualeh Alysalam Ne Farmaya is maheene ke andar jis ghar mein larka peda hoga aus se sari Qom Tabah aur Halak Ho jay gi

Itefaq se wahan Hazir o maojud logon ki biwiyan sub hameela then ..

Marzi e ILAHI Se ausi maheene mein aorton ne bache peda kiye to 9 aorton ne apne bachon ko mar dala . Aik aorat ke be aoladi ki waja se apne bache ko nahi mara aur ause zinda rakha ..

Is bache ka naam Qaddar rakha . Jub wo baligh hua to shehzor nikla..

aur wo 9 aorten jinho ne apne bache mar dale the sakht pasheman huin aur kehne lagin ke Hazrat E Sualeh Alysalam Ki bat jhuti thi

is waja se aun logon ka iman Hazrat E Sualeh Alysalam Aur aun ki auntni se hat gya ..

Aik Din Qaddar aur aik shakhs jis ka naam musadeh tha aus ke sath mil kar aur har qabile se aik aik shakhs ne baham mutafiq ho kar aur khub sharab pi kar auntni ke mar dalne ki salah ki aur ye kaha ke ye pani peene ke liye jub kunve ke kinare par jaye gi to hum log is ko ausi wakt mar dalen ge..

* aur the aus shehr mein 9 shakhs kharabi karte mulk mein Sanwarte (Al_QuraaN)

dusre din auntni ne pani peene ke liye apna sar jhukaya aur qaddar bin salif mardood ne aaka auski gardin par teer mar kar zakhmi kardiya .

Auntni ne aus par hamla kiya to sub bhage aur musdaah bin dehar mardood ne piche se aakar aus ke paun par talwar mardi ..

Aur auntni gir parhi aus ke tamam malhoono ne mil kar ausko jaan se mardala..

Auntni ka bacha apni maa ka ye haal dekh kar bhaga .. Sub mardoodon ne aus ka bhi picha kiya ..

Lekin wo ausko pakar na sake aur bacha ausi pathar mein chala gya jis pathar se auski ma nikli thi ..

Saheed bin masib r.a riwayat karte hain ke Sualeh alysalam ki Qom Sharab na peeti to har giz auntni ko na marti aur ye gunah e kabeera mehz sharab peene ki waja se hua ..

Aik Hadees mein aaya hai ke sharab tamam buraiyon ki maa hai..

Tafseer mein likha hai ke aik bad_kirdar aorat ke ghar mein gaye aunt bakri waghera bohat the aur chare pani waghera ki taklif se apne yar ko sikhaya ke jao auntni ke paun kat dalo. chuna_che ausne wesa he kiya . Aur is waqiaa ke 3 din baad aun par Dard_Naak Azab aaya ..

Hazrat E Sualeh Alysalam ko khabar di gai aur aun se kaha gya ke aus Qom se keh do..

* pher auske paun kat dale tub kaha faida authao apne ghar mein 3 din aur ye waadah jhoota na hoga .. (Al_QuraaN)

Hazrat E Sualeh Alysalam Ne kafaron se kaha tumhari Zindagiyan 3 din se zyada nahi hain .

Wo hyran ho kar bole is ki Halamat kya hai ?

Hazrat E Sualeh Alysalam Ne kaha .. Pehle Roz Rang O Roop Tumhara Surkh Ho jay Ga .. Aur dusre Roz Zard Hojay ga.. Aur teesre Roz Kala hojay ga .,

jub 3 din baad ye Halamat Zahir huin to jin logon ne auntni ko mara tha wo mardood sub ke sub Hazrat E Sualeh Alysalam Ke ghar aaye take aunhe bhi mar dalen ..

Tub Aus wakt Aun par Ghazab e ILAHI Nazil Hua Aur Jibrail Alysalam Ne aakar aunke gharon ki tamam deevaren hila deen..

Aur wo tamam kafar apne apne makano se nikal bhage.

Ausi wakt Hazrat E Jibrail Alysalam Ne Aysi Cheekh Mari Ke Aik he Aawaz Se Wo Sub Ke Sub Khak Mein Mil Gye ..

Hazrat ibn e Abbas Ne Riwayat Ki Hai ke Aun Sathon Qabilon ne Hazrat E Sualeh Alysalam Se pucha kis tarah se hum log halak honge ?

Hazrat E Sualeh Alysalam Ne Farmaya Hazrat E Jibrail alysalam ke Aik Hi Aawaz Se Tum Sub Khak Mein Mil Jaoge.

Ye Sun Kar Ausi Wakt Aus Qom Ne Aik Bohat Bara Kunvan Khoda Aur Bivi Bachon Ko Aus Mein Rakh Diya .

Aur aun ke kaano ke waste Roovi kafi taadad mein dedi aur aus Roovi ko aun ke Saron par Bhi Achi Taraha Rakh Diya take Aawaz kaano tak na pohanch sake .. Kiyun ke jub aawaz kaano tak na aay gi Azab se nijat mil jaygi..

Ye tadbeer karke wo khuda bhi aus kunve ke andar ja kar rehne lage..

Baad mein Ausi Farishte (Hazrat_Jibrail_Alysalam) Ne wahan ja kar aik he aawaz se sathon Qabilon ko filana walsaqar kiya ..

Chuna_che
ALLAH TAHALA Ne Farmaya ..

* Hum ne Bheji Aun par Aik Chingharh phir Reh gye Jaise Roovi Dhani Hui Gaale ki Manind aur Kuch Bhi Naam wo Nishan aunka Zameen Par Baaqi Na Raha (Al_QuraaN)

Baad Mein Hazrat E Sualeh Alysalam Mulk e Shaam Mein Chaly Gye Jis ko Aaj Kal Shehristan e Aoj kehte hain wahan jakar sakunat Ikhtiyar ki ..

Is ke baad kafi mudat baad inteqal Farmaya aur Jameh Masjid ke daheni Taraf MadFun Huy ..

Hazrat E Sualeh Alysalam Ke Sath Jo Momenin Hamrah The Wo Bhi Waheen Ja kar Sub Madfun Huy ..



This page:




Help/FAQ | Terms | Imprint
Home People Pictures Videos Sites Blogs Chat
Top
.