peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮3╭☼╭☼.

Tafaseer me likha hai ke aazer ne kaha ay mere farzand mera khuda to siway namrood alylaanat ke aur koi nahi.

Hazrat e IBRAHEEM Alysalam Ne kaha..

Ay Mere abba jaan namrood tumhara KHUDA kesy ho sakta hai ..

KHUDA To wohi ho sakta hai jo zameen o asman kwakab (sitare) aur jumla makhluqat ka peda karne wala hai aur wo hasti bela sharik hai ..

Jub Hazrat e IBRAHEEM Alysalam ne apne baap ko gumrah dekha to bohat afsos karne lage aur kaha ..

*ay mere abba jaan tumko aus sari qom ko bohat bari gumrahi mein dekhta hun.. (Al_QuraaN)

Baap ne bete ki ye baat sun kar kaha..

* wo bole ay ibraheem kya tu hamare pas koi sachi baat le kar aaya hai ya hum se mazaq aur khel karta hai ya kisi aur se ye baaten sun li hain..(Al_QuraaN)

Hazrat e IBRAHEEM Alysalam Ne apne Baap ki ye baten sun kar jawab mein kaha..

* nahi ay mere abba jaan balke RAB Tumhara wohi hai jo RAB Hai asman o zameen ka jisne in ko banaya aur main is baat ka qayel hun..

Hazrat e IBRAHEEM Alysalam Ke bawajud samjhane se aur batane ke aazer ne kisi tarha bhi nahi mana aur apni gumrahi ki zid par israr karta raha

aakhir majburan Hazrat e IBRAHEEM Alysalam ne Qasam kha kar kaha ke ay mere abba jaan mein tumhare buton ka kuch ilaj karun ga ..

* Qasam hai
ALLAH TAHALA ki ke main fikar karunga tumhare buton ki jub tum kahin jao ge..
Ye bat aunho ne chupke mein kahi pher jub wo shehr se bahir aik mely mein gye tub Hazrat e IBRAHEEM Alysalam ne but khane mein ja kar sub buton ko torh dala ..

Jaisa ke
ALLAH TAHALA Ne Farmaya..

* phir Hazrat e IBRAHEEM Alysalam Ne aunke buton ko tukre tukre kar dala (Al_QuraaN)

magar aun buton mein se jo sub se bara tha ause sabut chora is liye ke shayed is ke pas wo mely se wapsi mein phir aayen aur apne tamam buton ko zalil o khwar dekhen aur aunke pujne se baaz aajayen aur aunko ibrat aur nasihat ho ke ye hmare maabud kesy ho sakte hain jo aapas mein larte hain..

Aur Hazrat e IBRAHEEM Alysalam ko jis qom ki taraf PEGHAMBER bana kar Bheja gya tha aun mein har sal 2 martaba EID ka jashan manaya jata tha ..Yaani aik roz aarfe ki din aur dusre EID ke din..

Aik roz aazer ne kaha ay bete IBRAHEEM Tum mere sath mely mein chalo aur wo azeem ul shaan mela bohat bare medan mein lagta hai aur hazaron log aus jashan e mela mein whan shareek hote hain aur tumhari bohat achi tafreeh bhi ho jay gi. Aur aus mely ke jashan se waqfiyat bhi ho jay gi.

Hazrat e IBRAHEEM Alysalam Ne apne baap ki farmaish par mely mein jane se auzar kiya aur kaha..

* phir Hazrat e IBRAHEEM Alysalam ne nigah aik bar taron par aur kaha ke mein bimar hun.. (Al_QuraaN)

Ye jawab sun kar Hazrat e IBRAHEEM Alysalam se wo naraz ho kar chale gye ..

Aur ye bat Hazrat e IBRAHEEM Alysalam se kai bar kaha gya take aun ke feham o smajh mein aajay aur wo hamare sath mele mein chalen take aun par hamare aqaid e batila ka asar ho aur wo apni baton ko chhor den ..

Lekin wo bawajud e kaseer israr barabar na jane par auzar karte rahe aur aun ka smjhana aun ke samjh me nahi aaya .Aur aazer apne tamam sathiyon ko lekar bare medan ki taraf chaly gye..


is ka khulasa tafseer mein yun likha he ke wo log aksar aun mein najumi the is waste aun se ko dikhane ke taron ki taraf dekh kar kaha ke main bimar hun .. Yani ke main ankarib bimar ho jaun ga..

Kiyun ke wo log eid ke roz shehr se bahir jate aur aik bohat bare medan mein buton ki puja karte the ye aun ka aabai dastur tha . (baap.dada.ka.riwaj) is ko karna wo bohat zaruri samjhte the aur apne buth khane ke mabudan e batil ko chorh jate the.


aun ke jane ke baad Hazrat e Ibraheem alysalam ne aik teer (moti.Lakri) le kar sub buthon ke hath paun ko torh tarh kar tukre tukre kardiya par jo sub se bara buth tha ause chorh diya aur teer (moti.Lakri) aus buth ke kandhe par rakh kar khud buth khane se nikal aaye .

Shetan malhun ye hal dekh kar aus bare medan mein gya jahan wo sub kafar log apna jashan mana rhe the .

Shetan insan ki surat le kar aun kafaron ke pas ja kar rone laga aur rote huy kehne laga ke tumhare maabudon ke hath per torh tarh kar zero zabar kar diya gya hai..

Ye sunte he wo sub kafar mardud ghamzada hogye aur apni apni sawariyon ki taraf bhage take jaldi se sawar ho kar buth khane pohanch kar apne bhagwano ka hashar dekh len. Magar aun ke swariyon ke janwar bhag gye aur hath na aaye tub wo pareshan ho kar pedal he shehr aaye aur seedhe apne buth khane ki taraf pohnche aur wahan ja kar jub aunho ne apne buthon ka ye hal dekha to bohat afsos aur fikar mein dub gye aur kehne lage ..

* woh sub ke sub bole ye kam kis ne kiya hai ? Hamare maabudon ke sath ye kam jisne bhi kiya hai nihayet mazmum hai aur wo sakht mujrim aur zalim hai ham albata aus se is ka badla zarur lenge. (Al_QuraaN)

Phir wo aapas mein bohat kuch mashore karne lage ..

* wo sub aapas mein kehne lage ke hum ne suna hai ke aik nojawan ko jis ka zikar kiya jata hai aur naam aus ka IBRAHEEM alyslam hai.. (Al_QuraaN)


Ho sakta hai shayed wohi ho. Kiyun ke wo nojawan hamare pathar ke jo maabud hain aun ka sakht dushman hai isliye ziyada guman ausi nojawan par he.. mumkin he hamara ye guman sahi ho..

Is lambi guftagu ke baad Hazrat e Ibraheem alysalam Ko bulaya gya aur sub aun ki taraf mutawaja huy aur aun se kaha..

* wo sub log aus nojawan par barham (ghussa) ho kar kehne lage is nojawan ko sub logon ke samne lao take hum sub is nojawan ko dekhen ke is ne ye jurrat kese ki.. (Al_QuraaN)

Aagr fil_haqiqat ye kam is nojawan ne hi kiya hai to wo sakht zalim hai aur hum sub ke sub auske zulam par gawahi denge take isko is jurm ki padash mein sakht saza di ja sake take wo aayenda kabhi is zulam ka irtakab (irada) na kare



This page:




Help/FAQ | Terms | Imprint
Home People Pictures Videos Sites Blogs Chat
Top
.