peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮6╭☼╭☼.

Ausi waqt bari thala ka hukum hua ke ay farishto (angels) tum agar chahte ho to is ko amman do .

Iblees shetan laanati ne gophan ko durust karke 400 rasiyan aus mein lagayen.

Wazir ne namrud ko kaha ke perahan apna aus ko kyu ke agar wo na jala to log kahen ke namrud ke libas ke barkat ki waja se na jala.

Is mashore ko haqiqat ka roop diya gya aur namrud mardud ka libas Hazrat E IBraheem aly salam ko pehna diya gya.

Aur hath paun bandh kar munjanik (gophan) mein rakh diya gya . 400 admi mil kar zor lagane lage magar gophan apne jaga se nahi hili.

Hazrat E IBraheem aly salam ke baap aazir ne bhi aa kar kaha mujhe bhi aik rassi do main bhi zor lagata hun agarche woh mera beta hy lekin humare deen dharam ka mukhalif he aur aik rassi pakar kar khenchne laga..

Hazrat E IBraheem aly salam ne jub apne baap ko bhi munjanik ki rassi khenchte huy dekha to kaha ya Ilahi Mera baap bhi mera dushman he ay mere Khuda Main aaj sub se begana hun .

Siway tere mujhe koi panah dene wala nahi he ..

4000 admi mil kar aus munjanik ko khench rahy the shetan mardud aik budhe admi ki soorat mein aun ke pas aaya aur kaha agar tamam admi mashriq aur maghrib ke mil kar bhi khenchen ge to munjanik ko nahi hila saken ge ..

Tub logon ne pucha aakhir pher kya karen.. Shetan laheen ne kaha ke main tum ko aik rasta batata hu agar tum log aus par amal karoge to is gophan ko autha kar aag mein dal sakoge.

Chaiye ke pehly kuch log zina karen aus ke bad pher munjanik ko authayen to aasan hoga.

Pas aus qom ke 40 mardo aur aorton ne aapas mein mil kar zina kiya.

Ausi waqt Farishte (angels) is bure kam ko dykh kar nafrat kar ke chaly gye aur shetan ne bhi aunhe logon ke sath mil kar zina kar ke munjanik ko pakar kar khencha .

Tub kafiron ne Hazrat E IBraheem aly salam ko autha kar jalte huy aag mein daal diya .

Ausi waqt farishte aasman ke ye manzar dykh kar sajde mein gir pare aur boly Ya Rab Tere Khaleel (Dost) ko kafiron ne aag mein dala hy.

Jub hazrat jibrail aly salam 70'000 farishte (angels) ko sath le kar aunke pas pohanche aur kaha ay Hazrat E IBraheem aly salam agar tu chahta hy toh main apna aik par aag par marun aur darya e muheet mein dal dun .

Hazrat E IBraheem aly salam ne Hazrat jibrail aly salam se kaha ay jibrail ye bat Khuda thala ne farmai hy ya nahi jo ap mujh se keh rahy ho?

Ay jibrail jo Khaliq e Barhaq ne Farmaya hy woh tum karo kyun ke main ausi mein khush hun jis mein mera Rab Khush hy.

Ye bat sun kar Hazrat e jibrail ne kaha keAy Hazrat E IBraheem aly salam tumhara matlab kya hy.

Hazrat E IBraheem aly salam ne farmaya kuch matlab hy zarur lekin tum se koi hajat hy to aus Rab ul Aalimeen se jis ka sara aalam muhtaj hy .

Hazrat E IBraheem aly salam jub aag mein gire aur jama e napak namrud laanti ke kapre ausi waqt jal gye aur aus aag mein jo zabardast shola zan thi Hazrat E IBraheem aly salam ko ALLAH PAAK ke Fazal O karam se koi nuqsan na pohncha yehi ALLAH paak ke Doston Ke mohjzat hen Ke aag jesi cheez se bhi mehfooz rahy.

Ausi waqt sholy marti hui aag Hazrat E IBraheem aly salam ke liye gul o gulzar hogai is mein bagh mein bulbulen bhi Hazaron ki taadad mein aurti hui Hazrat E IBraheem aly salam ko nazar aayen .

Aur in bulbulon ne bhi ausi bagh e aatishi mein apne nasheman banaye aur ausi wakt ghaib se awaz aai.

(Al-Quraan) Hum Ne Kaha Ay Aag Thandi Ho ja -

Salamati ho Hazrat e IBraheem Aly Salam par aur jin logon ne aun ka bura chaha toh Hum Ne aunhe logon ko Nuqsan Mein Dala..

Pher Aus mein aik chashma pani ka jari hua aur Hazrat e IBraheem Aly Salam ke waste Hazrat e jibrail aly salam ne aik takht bahesht se bhi la diy..

Aur aik aala kisam ka libas bahesht se la kar pehnadiya.

Ausi takht par Hazrat e IBraheem Aly Salam ko bitha diya aur jis rassi se kafiron ne Hazrat e IBraheem Aly Salam ke hath aur paun bandhe the wo ausi aag mein jal gai aur aus aag se Hazrat e IBraheem Aly Salam ko aik baal barabar bhi ALLAH Paak ke Fazal aur karam se Sadma ya Takleef na pohncha ..

Ye dekh kar Hazrat e jibrail aly salam bare mutaheer huy aur Hazrat e IBraheem Aly Salam ki taraf nazar autha kar dekha ..

Toh Hazrat e IBraheem Aly Salam kehne lage ay bhai kya dekhte ho .

Wo bole ke mujhe bara taajub he ke ayse wakt par jo sakht mushkil wakt tha log is wakt sakht pareshani ki waja se na malum kya kuch karte hen lekin tum Ba fazal e Khuda Sabit Qadam Rahe aur apne paye istakamat mein Zara Bhi Laghzish Na aane di aur mujhe aus wakt ALLAH Paak ke Qudrat par Taajub aaya aur aap ka sabar bhi ajib sabar raha ke ayse ahem mukam mein aap ne siway KHUDA Thala Ke kisi se koi bhi hajat Talab na ki

Aur na koi madad mangi aur na aus ke mutalik kisi se kuch kaha is liye ye mojiza aur Rehmat e ALLAH Thala ne tum par bakhsha aur tum se pehly aysi inayat kisi par nahi hui thi .

Aur kehte hen ke jo darkht jaly the aun ki shakhen tar o taza ho kar mewe layen aur Hazrat ko Charon taraf Nargis O Banafsha ke Phool khily huy mily .

Aur Namrud lanati ne aik meenar pe char kar Hazrat e IBraheem aly salam ko aik nigah dekha toh dekhte he bara hyran aur pareshan hua .

Apne dil mein kehne laga ke itni zyada taadad mein lakriyan jama ki gayen aur itne buland shola zan aag mein dala gya lekin Hazrat e IBraheem aly salam ko koi bhi nuksan na pohancha aur ap Hazrat e IBraheem aly salam gul e Rehan ke beech saya darakht ke niche takht par bethe huy hen.

Ye dekh kar aus mardud ne kaha ke afsos meri mehnat barbad hogai . tub woh malhoon (lanti) namrud Hazrat e IBraheem aly salam ko pathar phenk phenk kar marne ki koshish karne laga.

Aur Ba hukam e Khuda woh pathar jo namrud lanati phenk raha tha hawa par e mohalik rahy aur aik gehre badal ne ap par saya bhi kardiya aur aus badal se itna pani barsa ke namru lananti ki jalai hui zabardast aag bilkul bujh gai

Aur aus ka wazeer Haman aus Buland meenar pe charh kar Aunchi Awaz se chilla chilla kar kehne laga

Ay IBraheem Naik He Tumhara Parwardigar (ALLAH Thala) Tumhara ke aysi Aag se tumhe nijat bakhshi aur Tamam Aalam Mein Buzurg Banaya..








This page:




Help/FAQ | Terms | Imprint
Home People Pictures Videos Sites Blogs Chat
Top
.