peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

IBRAHIM A.S AATISH KADE SE NIKALNA

Ravi Kehte hen ke musalsal 40 din tak aatish kada e namrud mein rehne ke baad jub Hazrat e IBraheem aly salam aus aatish kade se bahir aaye aur mulk e shaam ki taraf chal diye aur waha ja kar aik shehr jo khazayen al waja kehlata he aap ne wahan Qaiyam kiya.

Is shehr mein pohanchne ke baad kya dekhte hen ke hazaron aadmi saaf suthre aur nafees libas pehan kar aik azeem ul shaan medan ki taraf chaly ja rahy hen .

Hazrat e IBraheem aly salam ne ye dekh kar wahan ke logon se pucha ke tum log sub ke sub nafees nafees libas pehan kar kahan jate ho?

Aunho ne kaha ke yahan aik badshah ki shehzadi hy aur woh sahib e jamal (bohut Khubsurat) he aur khyal ye kiya jata he ke aus jesa is sare aalam mein koi nehi he

Aur har mulk ke badshah aur shehzade sub aus ki khwastgari karte hen aur woh shehzadi kisi ko Qabul nehi karti aur yeh kehti he ke main apni pasand se shadi karun gi

Aur aaj barabar 7 din ho chuke hen log har din whan jate hen aur aus ka tareeka ye he ke jub sub jama ho jate hen to woh shehzadi khud nikel kar dekhti he lekin pasand kisi ko bhi nehi karti

Yeh baat Hazrat e IBraheem aly salam ne jub suni toh inhe logon ke saath Holiye aur ausi medan ke aik goshe (side) mein ja baithe

Do peher hogai sub log Hazir ho gye woh shehzadi apne saath 70 khwasen le kar aur Taaj e Zareen Sar par rakh kar aur naqab chehre par daly aik tehranj zareen jawahirat se jura hua Hath mein le kar medan mein aik sire se sub ko dekhne lagi.

Jub Hazrat e IBraheem aly salam ke pas pohanchi toh dekh ke aik Noor aun ki peshani (mathe) per chamakta he

Woh Noor Hazrat MOHAMMAD salalao aly wasalam ka tha

Woh shehzadi aus Noor ko dekh kar aun ke Husn o jamal par Aashiq hogai aur tehranj e zareen ko Hazrat e IBraheem aly salam ki Goad Mein dal diy aur khud takht par ja baithi.

Aus ke baad Badshah e waqt ke log Hazrat e IBraheem aly salam ko Badshah ke pas le gye

Dar haqiqat woh Noor jis ki wajah se woh shehzadi Hazrat e IBraheem aly salam par aashiq hui woh Noor Hazrat MOHAMMAD salalao aly wasalam ka tha jo Hazrat e IBraheem aly salam ke Peshani par Namoodar Hua tha

Badshah ne ause dekh kar apni beti se kaha ay beti nek shohar tune paya he

Magar mard ghareeb he kuch faida nahi

Aakhir kar sub ameero ne mil kar Hazrat e IBraheem aly salam se aus ki shadi kardi aur tamam Rasoomat Badshahana tareeke se ada keen aur sare shehr mein dhum dham se khushiyan manai gayeen

Baaz Riwayeton se malum hota he ke aorton mein Bibi Hawa aur Saira khatoon jesa Husan o jamal mein hua he na hoga illah Masha Allah.

Aur Shadi ke Chund Maah baad Hazrat e IBraheem aly salam ne Mulk shaam ki taraf jane ka Faisla kiya.

Saira Khatoon Ne kaha Ke main Bhi Tumhare sath chalun gi Aur Bagher tumhare Meri Zindagi Muhaal he lehaza mujhe bhi apne sath le chalo

Hazrat e IBraheem aly salam ne farmaya ke tumhara baap tumhe nehi chhore ga

Saira khatoon boleen ke mere baap ki Qadar tumhare wajud ke samne mere nazdeek kuch bhi nehi he agar chhore ga to theek he warna be hukam tere sath chalun gi kyu ke zindagi tumhare bina muhaal aur wabal he

Pher saira khatoon ne apne baap se Rukhsat mangi aus ne ijazat dedi.

Hazrat e IBraheem aly salam saira khatoon ko le kar shehr se nikly aur Allah ka Hukam bhi yehi tha.

Raste mein Kuch logon ne kaha ay Hazrat e IBraheem aly salam misar ka badshah bara zalim he aur aorton ki khwahish bohut rakhta he

Bilkhasus aaros e no ka bohut zyada shoq rakhta he aur bohut jald mayel ho jata he

Aus ke mulk se jane wale raston par 10. 10 admi diuty par khare rehte hen aur jo koi whan se maal aur waghera whan se misar le jata he to aus ko pakar kar aus se aus maal ka tax wasool karte hen aus agar koi sodagar apni aorat sath le jata he to woh aus aorat ko aus se chheen lete hen.

Ye sun kar Hazrat e IBraheem aly salam andesha karne lage kyu ke Hazrat e IBraheem aly salam Peghamber e Waqt the aur namoos mein Buzorg the aur Saira khatoon ke Barabar Haseena sari dunya mein koi aorat nehi thi aur is rah ke siwa jane ke waste koi dusri rah bhi nehi thi

Aakhir kar lachar ho kar aik sanduk bana kar saira khatoon ko aus mein chupa kar Qufol (tala) laga diya aur sanduk aunt par kas ker bandwa diya

Jub shehr mein ja pohnche to mehsool waly aa kar sanduk kholne lage take aus ki jins dekh kar aus ke muafiq aus ka tax wasool karen

Is par Hazrat e IBraheem aly salam ne kaha ke sanduk mat kholo is ka mehsool jo ho ga main dunga

Agar tum ye chaho ke sanduk ke wazan ke barabar sona chandi lo toh bhi tum ko de di jayegi

Yeh sun kar aur bhi zyada ishtiyak hua ke na malum is mein kya cheez he zarur kholna chaiye

Aunho ne aus sanduk ko khol he diya kya dekhte hen ke aik bohut he khubsurat sahib e jamal o Husan se aaftab ke manind aus mein baithi he

Jis ka sani agar talash bhi kiya jaye to milna na mumkin he pas aus aorat ko badshah ke pas le jaya gya

Chuna che Rasool Allah Hazrat MOHAMMAD salalao aly wasalam ne esi waste farmaya

Bad tareen aadmiyon mein raah ke nigehbaan hote hen.

Yani es se murad he mehsool (tax) lene waly

Jub mehsool waly Hazrat e IBraheem aly salam aur saira khatoon ko le kar badshah ke pas le gye toh aus malhoon badshah ne pucha ye aorat tumhari he?

Hazrat e IBraheem aly salam ne jawab diya jo islami jawab tha


(biwi ko behan bna ke ause zaher karne ka maksad yeh tha ke shayed es tarah woh badshah malhoon apni harkat se baaz aajaye)

Ye jawab sun kar aus malhoon ne kaha ke apni behan ko mujhe de do

Tub Hazrat e IBraheem aly salam ne farmaya ke woh apni zaat ki malik he..

Saira khatoon ne kaha maaz Allah yani main panah mangti hu Allah thala se .

Ye sun kar woh malhoon hansne laga aur hukam kiya ke in ko hamam mein le jao aur nehla dehla kar aur saaf suthra libas pehna kar khoshbu se muhater kar ke mere pas lao

Aus malhoon ke hukam ke mutabik aysa he kiya gya

Jub woh tamam kam se faraghat pa chukin toh ausi wakt Allah paak neHazrat e IBraheem aly salam ke aankho aur kaano se parde hata diye take Hazrat e IBraheem aly salam woh tamam guftagu jo woh malhoon saira khatoon se kare sun saken aur aun ke tamam halat apni aankho se dekh saken

Jub jamal e mubarak saira khatoon aus malhoon ne dekha toh foran aus ne dast darazi ka kasad kiya

Ausi wakt aus ka hath shal aur khushk ho gya

Pher ausne chaha ke be adabi kare Tub Allah Thala ke hukam se apne zano tak zamin mein dhans gya

Jub aus ka koi bas na chal saka toh foran kehne laga yeh aorat toh jadugar he

Hazrat e saira khatoon ne aus malhoon se kaha ke ay bad bakht main jadugar nehi hun

Magar shohar mera Khuda wand e Qudoos ka Dost he

Jo sub ki nigehbani karne wala he aur khawond (shohar) mera Khuda wand e kareem ke bar gaah mein duaa karta he take tu mujhe be izzat na kar sake

Ye sun kar badshah ne tauba ki ausi wakt aus ka hath theek ho gya aur zamin ne bhi ause chhor diya aur phir jub dusri martaba Hazrat e saira khatoon par buri nazar dali toh ausi wakt andha hogya

Tub aus malhoon ne kaha ay masoom aur paak bibi mera haal par duaa karo aur main hamesha ke liye tauba karta hun

Jub aap ne Allah thala se duaa ki toh aus ke hukam se aus ki aankhen achi hogayen

Pher jub aankhen theek hogyen toh ghalba e shetani se ehad shikni karna chahi ke main Hazrat saira khatoon par dast daraz hun

Toh ausi wakt tamam badan khushk aur shal hogya aur pher aankho ki roshni bhi chali gai

Pher kehne laga ay Bibi Paak Daman mere waste Duaa apne Khuda se Duaa kijeye

Hazrat Saira Khatoon boleen ke ay Bad Bakht ye Duaa meri nehi he balke mere Shohar ki he jo mere saath hen aun ki Duaa he

Aur woh Khuda Wand e Kareem Ke Dost hen agar woh chahen toh tujhe muaf karen ya Na karen

Tub ausne kaha ke Hazrat e IBraheem aly salam ko yahan le aao

Aus ke bulane par Hazrat e IBraheem aly salam whan Tashrif le gye

Badshah bola ke Hazrat e IBraheem aly salam mujhe muaf kijeye maine ap par bara zulam kiya aur ab main Taubat ul nasuh karta hun

Hazrat e IBraheem aly salam ne aus badshah se kaha ke yeh mere Hukam se nehi He ye Sub Khuda wand e Qudus Ke Hukam Se Hota he Jo Tamam Jahano ka Rab aur Malik He

Dekho Khuda Ki Marzi Kya Hoti He Ausi Ke Mutabik Karna hoga

Ausi wakt Hazrat e Jibrail Aly salam Ne aa kar farmaya ke ay Hazrat e IBraheem aly salam Khudaye Thala Ne Tumhe Salam Kaha Aur Farmaya He Ke Jub Tak Ye Tamam Mulk aur Khazana apna Tum Ko Na De dy Tum Har giz is se Razi Na hona


This page:




Help/FAQ | Terms | Imprint
Home People Pictures Videos Sites Blogs Chat
Top
.