peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

HAZRAT ISAAQ O YAQUB ALYMA SALAM

Riwayat ki gai hy k Hazrat e Isaaq aly salam ne Hazrat Ismail Aly Salam k baasd dunya se parda farmaya aur Hazrat e Isaaq aly salam ki umer 160 bars ki hui aur Haq Taala k taraf se aun ko ehl e kanaan par paighambar bana k bheja gya aur Hazrat e Isaaq aly salam ki biwi bhi ehl e kanaan k sardar ki beti thi aur in se 2 bete paida huy ...

Aais aur Yaqub...

Waja e tasmiya ye hy k Aais k aaqab yani baad mein paida huy ..

Jub dono hazrat bare huy to Hazrat e Isaaq aly salam ne Aais ki Hazrat Ismail Aly Salam k beti se shadi karwa di aur Hazrat e Yaqub aly salam ko kaha k tum ko kanaan k sardar ki beti se byah dun ga ....

Aur aun ki maa ne kaha k tumhare mamu ki beti de tumhari shadi kar dun gi k wo bara maldar hy mulk e shaam mein aus k barabr koi nhi ...

Hazrat e Yaqub aly salam is bat ko sun kar talul karte rahy k shadi nahi karun ga

Aur Hazrat e Aais aly salam ko Hazrat e Isaaq aly salam boht chahte te aur wo aksar aokat shikar kiya karte te lekin Hazrat e Yaqub nahi karte te

Aik roz halat e zaifi mein Hazrat e Isaaq aly salam ne Aais aly salam k aaj ail bakri ya hiran shikar kar k lao aur aus k kabab bana kar mujhy khilao to main Allah Rabul izzat se duaa karu ga ke Khuda Taala Tujh ko paighambri inayat farmay

Ye sun kar Aais apna teer o kaman le kar Baap k waste shikar k liye bahir nikly aur aun ki maa Hazrat e Yaqub aly salam se zyada pyar karti thin

Aunho ne Hazrat e Yaqub aly salam se kaha k apni bakri jo moti tazi aur farba hy aus ko la kar ziba kar k jaldi jaldi kabab bana kr apne Baap ko khila do to wo tum ko duaa den ge..

Hazrat e Yaqub aly salam apni walida ka farman sun kar foran bakri ziba kar k jaldi jaldi kabab bana kar laye

Hazrat e Isaaq aly salam to ankho se mazur te .. Kabab pa kar kehne lage ye kabab kon laya hy..

Hazrat e Yaqub aly salam ki walida ne kaha Aais aly salam laya hy ...

Farmane lage k in kababon ko samne lao ...

Hazrat e Yaqub aly salam ne samne la kar rakh diye ...

Jub Hazrat e Isaaq aly salam in kababo ko kha kar khosh huy to Hazrat e Yaqub aly salam ki walida ne kaha k ya Hazrat ap gosht khilane wale k waste duaa kejiye ..

Aun k kehne se Hazrat e Isaaq aly salam ne Allah Taala se duaa farmai k Ya Rabb mujhe jis bete ne ye gosht khilaya hy aus ko aur aus ki aolad ko Paighambar kejiye ..

Is k baad Hazrat e Aais shikar se wapis aaye .. Kabab bana kar Hazrat e Isaaq aly salam k samne rakh diye ... Phir aus waqt Hazrat e Isaaq aly salam ko malum hua k meri biwi ne hela bana k Yaqub k hath se kabab khilay the aur aus k haq mein duaa karwai thi kyu k wo Hazrat e Yaqub aly salam ko bohut chahti thin ..

Phir Hazrat e Isaaq aly salam ne apne bete Aais aly salam se kaha k ay Aais alysalam teri duaa tere bhai Yaqub ne ly li ...

Aais ne is bat ko sun kar taish mein kaha main Yaqub aly salam ko mar dalu ga ...

Tub Hazrat e Isaaq aly salam ne kaha k Hazrat e Yaqub aly salam ko mat mar main tere liye bhi dua karu ga k teri nasal se bohut mkhluq paida ho......


Jub Hazrat e Isaaq aly salam ne Hazrat e Aais ko duaa di to aus duaa ki barkat se Hazrat e Aais ki aolad bohut barhi ..

Maghrib aur sikandarya aur darya k kinare tak in ki aolad phel gai ..

Aik bete ka name rom bhi tha. Ab jis shehar ka name rom hai aur isi ko istanbol bhi kehte hain

chun k ye shehar aunho ne e basaya tha is liye is shehr ki nisbat bhi inhi ki traf hy aur aun ki aolad bohut hai ...

Hazrat e Isaaq aly salam ne 160 baras k umer mein wafat pai
Aur apni walida Saira khatun k maqbare k pas madfun huy..

Hazrat e Isaaq aly salam k intaqal k baad Hazrat e Yaqub aly salam dar gye k mubada Aais mujhy mar na dale isi waja se wo sara din chupe rahte the....
Aur rat mein nikla karte the . Isi tra taqriban aik sal guzar gya . Ye hal dekh kar aun ki walida ne Hazrat e Yaqub aly salam se kahak behtar hai tum apne mamu k pas mulk e shaam chaly jao aur wahin raha karo kyu k wo whan ka bohut bara rais aur maldar hai aur aus ki beti se tumhari shadi bhi kar du gi . Aur tum apne baap ki wasiyat par amal karo. Aur yahan mat raho is tarah tumhari jan ki bhi ifazat ho jay gi ..

Hazrat e Yaqub aly salam apni maa k ye alfaz sun kar rat e rat kanaan se nikel kar mulk e shaam rawana ho gye..

Aur isi waja se Hazrat e Yaqub aly salam ka dusra name israil rakha gya kyu k aunho ne rat e rat safar teh kiya aur waja e tasmiya israil ki rat mein nikelne ki wja se hui..

Aur yaqub ka name apne bhai Aais aly salam k aqab me hone ki wja se hua... Aur ye sara bayan Toret mein bhi mojud hai ... Bs dono namo ki waja malum ho gai..
Hazrat e Yaqub aly salam jub apne mamu jan k pas pohanche to aunho ne Hazrat e Yaqub aly salam ko bohut tasali aur tashafi bhi di aur kaha k tum yahan raho aur aun k mamu aun se bohut pyar ao mohabbat bhi karne lage ...


Hazrat e Yaqub aly salam k mamu ki 2 betiya thin . Aik ka name leya aur chhoti beti ka name rahil tha.

Lekim rahil nihayet khubsurat aur hassin aur jamil thi..

Hazrat e Yaqub aly salam ne apne mamu se kaha k rahil ko mere sath byah do kyu k mere baap ki bhi yehi wasiyat thi k tum apne mamu jan ki beti se shadi karna ..

Ye bat sun kar Hazrat e Yaqub aly salam k mamu jan ne kaha k tumhare baap ki koi bhi chiz tumhare pas nahi hy main apni beti ki shadi tum se kyu kar karu ga .. Haq mehar waghera kahan se so ge .. Jub k mujhe dolat chaiye ..
Hazrat e Yaqub aly salam ne apne mamu jan se kaha k mere pas kuch nahi hai han magar aysa ho sakta hy k main chand sal tumhari bakriyan chara kar aus ki mazduri se den e mehar ada kar dun ga ..

Ye bat sun kar mamu jan ne kaha k mujhe batao k tum kon si larki se shadi karna chahte ho ..

Hazrat e Yaqub aly salam ne farmaya k main apne liye to munasib rahil lo samajhta hun ..

Hazrat e Yaqub aly salam ki famaish ko aun k mamu jan ne manzur kar liya ..

Aur shart ye rakhi gai k Hazrat e Yaqub aly salam 7 baras meri bakriyan chara kar rahil se shadi karen ge ...

Jub 7 baras pure ho gye to Hazrat e Yaqub aly salam ne apne mamu se darkhast ki ab 7 baras pure ho chuke hain ab ap mere sath rahil ki shadi kar dijiye ..

Ye bat sun kar mamu jan ne apni bari beti jis ka name laiya tha ko shub ko khilwat mein Hazrat e Yaqub aly salam ke supurd kar diya ... Halan k shart shadi ki rahil se thi..

Hazrat e Yaqub aly salam ne dusre din apne mamu jan se ja kar kaha k main to laiya ko nahi chata ap se to maine rahil ki darkhast ki thi..

Aun k mamu ne Hazrat e Yaqub aly salam se kaha k hamare qom ka dastur hai k pehly bari beti ka shadi karte hain phir aus k baad chhoti beti ki shadi karte hain.. Agar aysa hum na kren ge toh log hum par taane kasen ge. K dekho falan falan rais qom ne toh apni bari beti ko ghar mein bitha rakha hai aur chhoti beti ko byah diya he..

Ye bare aeb ki bat samjhi jati hai agar yum chahte ho k rahil se tumhari shadi ho jaye to phir tum ko 7 baras tak bakriyan charana hongi aur 7 baras tak tum laiya ko apne sath apni nikah main rakho .. Phir tumhe ikhtyar hoga chaho to do no behno ko apne sath nikah mein rakho ya na rakho ...

Aur ye hukm aus zamane mein jayez tha k aik shakhs 2 behno ko bhi aik waqt mein nikah mein rakh sakta tha aur ab shariyat e Muhammadiya s.a.w.w mein ba yak waqt 2 behno ko aik nikah mein nahi rakh sakte..


This page:




Help/FAQ | Terms | Imprint
Home People Pictures Videos Sites Blogs Chat
Top
.