peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

HAZRAT E YUSUF ALY SALAM

Dar Haqiqat Hazrat e Yusuf Aly Salam ka waqia eham ore nasihat aamoz waqia hai.

Jis ke sun ne se nek kamo ki mohobbat ore gunaho se bachne ki hidayat o rughbat ore tabiyet ko farhat hasil hoti hai.

Ore kiu na ho jis ko Khuda Tallah ne ehsan ul qisas farmaya hai ore ulama e haq'da'men ore fazalan mutakhirein ke kitabon mein ba khubi ye zikar aya hai.

Kiu ke Haq Subhana Tallah ne Hazrat e Yusuf Aly Salam ke qisse ko Quraan e Majeed mein ehsan ul qisas keh kar bayan farmaya hai ore Humare Rasool e Akram Salalao aly wa aale e wassalam ko is Azem ul shan waqia se khub waqif farmaya hai

Jesa ke irshad e Bari Tallah hai ke..

(Al.Quraan) Hum ap se behtar qisson mein se aik behtar qissa bayan karte hain is waste ke bheja Hum ne Teri taraf Quraan ore Tu tha pehly is se be khabron mein se.

Baz ulama e kiram ne is mein ikhtilaf kiya hai ke Haq Tallah e Subhana ne is qisse ko sub qisson mein Quraan e Majed ka behtar Qissa kiu Farmaya.

Ore baazo ne ye kaha ke ye qissa sub peghambaro ke qisson se ehsan hai.

ore baazo ne kaha ke sabar e jamel Yaqub aly salam ka Quraan e Majed mein mazkur hai ore sabar sub se behtar cheez hai is liye Allah Tallah ne is Qisse ko ehsan farmaya.

Ore baazo ne ye bhi kaha ke pehli baten khuab ki thin ore tamam haqiqaten is qisse mein bayan hoi hain.

Khair jo kuch bhi ho behr haal ye qissa ajeb o ghareb ore nihayet muasar hai.

Is ke parhne se har insan nek ban sakta hai ore dunya ki tamam buraiyon se mehfuz reh sakta hai .

Ore sura e Yusuf ke nazil hone ka sabab ye tha ke aik roz 7 yahudiyo ne aa kar Hazrat Umar Razi Allah Tallah Anho ibn e Khitab se mubahisa kiya .

Yani yahudio ne Hazrat e Umar Razi Allah Tallah Anho se kaha ke humari Tauret behtar hai tumhare Quran e Majed se ore Hazrat e Umar ne farmaya ke Humara Quran e Majed Behtar hai tumhari Tauret se.

Is ke jawab mein yahudio ne kaha ke Hazrat e Yusuf Aly Salam ka qissa Tauret mein mazkur hai ore ap ke Quran e Majed mein nahi hai. Halan ke woh behtar qisso mein se hai.

Hazrat e Umar Razi Allah Tallah Anho is bat ko sun kar bohut e ranjeda o ghamgen hue ore Rasool e Khuda Salalao aly wa aal e wasalam ke pas aye munazira ka hal bayan kiya.

Rasul e Khuda ye sun kar ore Hazrat e Umar Razi Allah Tallah Anho ko Ghamgin dekh kar bohut zyada mutafikar hue.

Itne mein Hazrat e Jibrail aly salam amin tashrif ly aye ore ba hukom e Rabb ul Aalamin pura qissa Hazrat e Yusuf Aly Salam ka bayan farmaya ore Qisse ka shoru yun tha ke.

Jub Hazrat e Yaqub aly salam baad mudat ke shehr e kanaan tashrif laye ore phir yhin muqem hue .

Ore bibi Rahel walida e muhtarma Hazrat e Yusuf Aly Salam ne baad e taulid hone bin yamin ke inteqal farmaya .

Aus waqt Hazrat e Yusuf Aly Salam ki umar e mubarak sirf 5 baras ki thi ore apne 11 bhaiyo mein sub se zyada Hasen o jamel the.

Ore Hazrat e Yaqub aly salam aun ko sub se zyada pyar karte the ore bin yamin aus waqt sheer khuar bache the ore aun ki khala laiya ne aun ki parwarish karti thi.

Ore Hazrat e Yaqub aly salam ki aik behan thi . Aik din aunho ne Hazrat e Yaqub aly salam ke ghar ja kar sub beton ko dekha lekin aunhe kisi par pyar na aaya. Magar Hazrat e Yusuf Aly Salam par farefta ho gain.

Ye dekh kar Hazrat e Yaqub aly salam ki behan ne Hazrat e Yaqub Aly salam se arz ki ke aap kaseer al taadad hain ore ap ki sirf aik e biwi hai ore sub beton ki khidmat aik biwi se nhi ho sakti lehaza aap agar chahen tho Hazrat e Yusuf Aly Salam ko mujhe de den Hum is ki parwarish kar len ge.

Hazrat e Yaqub aly salam ne behan ki farmaish par Hazrat e Yusuf Aly Salam ko aun ke supard kiya. Ore woh Hazrat e Yusuf Aly Salam ko apne ghar le gain or aun ki parwarish bohut naaz o mohobbat se karne lage.

Audher Hazrat e Yaqub aly salam ka Hazrat e Yusuf Aly Salam ko dekhne ke liye har ghari dil tadap ta rehta ore woh fart e mohobbat mein apni behan ke ghar ja kar dekh aate.

Ore esi tarah roz ba roz Hazrat Yaqub aly salam ki Mohobbat Hazrat e Yusuf Aly Salam se zyada barhne lagi.

Tub behan se kaha ke main bagher Hazrat e Yusuf Aly Salam ke aik pal bhi nahi reh sakta hu mere pas e Yusuf ko bhej do .

Is bat ko sun kar aun ki Behan ne kaha ke main bhi Bina Yusuf ke nahi reh sakti .

Is par Hazrat e Yaqub aly salam ne farmaya . Acha aysa karo ke Hazrat e Yusuf Aly Salam aik Hafta tumhare pas rahy ore aik Hafta mere pas Rahy . Aunho ne kaha Acha pehla Hafta mere pas e rahy ga . Hazrat e Yaqub aly salam ne ye bhi manzur kar liya .

Ore aik Riwayat mein hai ke Hazrat Ibraheem khalil ullah ka aik kamar band tha .

Hazrat e Yaqub aly salam ki behan ko wo kamar band apne dada ki meeras se aun ke Hisse mein pohncha tha .

Ore esi kamar band se Hazrat e Ibraheem Aly salam ne bar waqt e Qurbani Hazrat e Ismail aly salam ke Hath pau bandhe the.

Jub Hazrat e Yusuf Aly Salam apne phuphi ke ghar sath din rahy is ke baad Hazrat e Yaqub aly salam ne aun ko Talab kiya.

Tub aun ki behan ne heela sazi ki take Yusuf ko aun ka baap na le ja saken.

Wohi kamar band Hazrat e Yusuf aly salam ke kamar mein chupa kar kapre ke tale bandh diya tha ta ke Hazrat e Yusuf Aly Salam ko chor bana kar phir apne ghar le aaun.

Ore aus waqt shariat e ilahiya mein ye qanun tha ke jo koi kisi ki chiz ore woh pakra jata tho woh shakhs sahib e maal ka ghulam ho jata .

Pas sath din baad Hazrat e Yaqub aly salam ne Hazrat e Yusuf Aly Salam ko mang'waya.

Phit aun ki behan ne heela kar ke Hazrat e Yaqub aly salam se aa kar kaha ke mere baap ka kamar band gum ho gaya hai.

Ore ye yaqin hai ke Hazrat e Yusuf Aly Salam ke hamrah jo log the aunho ne churaya hai lehaza ap sub ko hazir kijiye .

Har aik se jhut mut puch kar Hazrat e Yusuf Aly Salam ke pas ja kar aun ki kamar se kamar band jhat khol dala ore kaha ke Yusuf mere pas mujrim hua . Ore ab woh 10 baras mere pas Qaid rahy ga ore hmari khidmat kare ga .

Ye hal dekh kar Hazrat e Yaqub aly salam ne khija'lat ki waja se apni behan ko Hazrat e Yusuf Aly Salam ko sath le jane ki ijazat de di.


This page:




Help/FAQ | Terms | Imprint
Home People Pictures Videos Sites Blogs Chat
Top
.