peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮2╭☼╭☼

Do baras ke baad aun ki behan ne wafat pai. Phir baad e wafat apni behan ke Hazrat e Yusuf Aly Salam ko apne ghar wapas le aye ore sub farzindo se zyada Hazrat e Yusuf Aly Salam ko aziz rakhte the .

Aik din Hazrat e Yusuf ne apne walid se ye bayan kiya ke maine shab e guzishta ko khuab mein dekha hai ke suraj chand ore 11 sitaro ne asman se utar kar mujhe sajda kiya .

Jesa ke Allaha Tallah ne Farmya:
(Al.Quraan) jis waqt kaha Yusuf ne apne baap se ay mere abba jaan . Maine khuab dekha hai ke shub ko 11 sitare ore suraj chand ne mujhe sajda kiya .

Hazrat e Yaqub aly salam ne jub malum kiya ke bhai sub in ko zalil karen ge tub kaha..

Jesa ke Allah Tallah ne farmaya:
(Al.Quraan) ore kaha ke Yaqub aly salam ne ay bete mere mat bayan kar khuab apna bhaiyo se

Kiu ke is khuab ko sun kar tere waste al bata kuch fareb bnayen ge Ore shetan insan ka khula dushman hai .

Yani is khuab ki tabeer sunte e woh smajh len ge 12 bhai ore 1 baap ore 4 maao se .

Ore woh smajh len ge ke sub teri taraf muhtaj hue hain ore shetan laanti aun ke dil mein assad dal de ga .

Ore Hazrat e Yaqub aly salam ne is khuab ki taaber Hazrat e Yusuf Aly Salam ko batai .

Jesa ke far maya Allah Tallah ne:

(Al.Quraan) ore esi tarah nawaze ga tera Rabb ore btaye ga tujh ko thek ore durust bat yani khuabo ki taaber ore pura kare ga apna inaam tujh par .
Ore Hazrat e Yaqub ke jesa ke pura kiya tere do bapon par jo tujh se pehly the yani do dade Ibrahim o ishaq alyma salam par ore al bata tera Rabb Bohut Khabar wala Hai ore Hikmat wala Hai .

Jub is khuab ki taaber Hazrat e Yusuf Aly Salam ke bhaiyo ne suni tho bohut e assad karne lage ore bole..

(Al.Quraan) Ore jub kehne lage aun ke bhai al bata Yusuf ore aus ka bhai zyada pyara hai baap ko hum se ore wo kehne lage hum log Quwat wale hain ore Humara Baap apni aolad ke maamle mein sareeh ghalti par hai .


Ore hum e log waqt par in ke kam aane wale hain ore humara bhai Yusuf abhi chhota hai ore dusra bhai bhi jo aus ka haqiqi hai woh bhi abhi chhota hai ore hum sub sotele hain . Ore ye baten Hazrat e Yusuf Aly Salam ki na balighi mein kahi gai thin . Halan ke ye baten Taana zani par maamul hoti hain.

Lehaza ye baten bhaiyon ko kehna kisi tarah durust na tha .

Halan ke Hazrat e Yusuf Aly Salam ke sub bhai bane ore aik ne Allah Tallah ki taraf se bara martaba paya.

Lekin ibteda mein sub ne ranj uthaye apne baap ke bhi ore apne bhai ke bhi ore woh sub kehne lage
(Al.Quraan) bhaiyo ne aapas mein sulah ki ke bas ab Yusuf ko kisi tarah mar dalo ya kisi aysi jaga phenk aao jahan se woh wapas na aa sake.

Ore kisi dusre mulk mein akela rehta rahy take walid e muhtaram ki puri tawaja hum logon par rahy ore baaz ne ye bhi kaha hai ke agar munasib khyal karo tho meri samajh mein ye aata ke kahin jungal mein ja kar kisi kuven mein phenk den taake woh apne baap ko dikhai na de ore phir tauba kar lo apne baap ki hamesha muteeh ore farman bar dar raho taake ye Haalat dekh kar Allah Tallah bhi hum ko is harkat e na shaista se dar guzar farmaye..

Hazrat e Yusuf Aly Salam ke bhaiyo mein se aik bhai ka naam yahuda tha ore tamam bhai aus ke farman bar dar the .Aus ne kaha ke mat maro ye hmare bhai hain .

Allah Tallah ka Farman hai ke :

(Al.Quraan) aik bola bolne wala ke mat maro Yusuf ko aur phenk do aur phenk do aus ko aik gum naam kuven mein ke utha le jaye is ko koi musafir ..

Ore ye baten aun ke bare bhai ne ki ke agar tum ko apne bhai Yusuf ke sath karna hai tho bas ye hi karo . Itna e kafi hai kiu ke jaan se mar dalna bohut bara gunah hai .

Ore meri raye tho sirf ye hai ke raste ke kinare par kisi kuven mein jo kisi medan par waqeh ho aus mein dal na aik had tak durust ho sakta hai . Taake koi raah chalta soda gir pani ke waste kuven par aye ga aur esy utha kar apne hamra kisi dusre mulk mein le jaye ga ore is tarah Yusuf apne Baap ke nazron se dur ho jaye ga.

Ore hum ko is tarah bad nami bhi kum ho gi ore khun e na haq se bhi humara chhut'kara ho jaye ga.

Ye raye taqriban sub bhaiyon ko pasand aai ore sub ne aik jaga ho kar sulah o mashora kiya ke Yusuf ko aus ke baap se kesy ore kiu kar liya jaye ore kub ore kis waqt door medan mein ly jaya jaye jo humare dilon ki gharz o ghayet or maqsad hai .

Sub bhai Hazrat e Yusuf Aly Salam ke liye apne walid buzurg'vaar ko har waqt samjhate ore tasali ore etminan dilate .

Yahan tak ke aik din aus ke bhaiyon ne kaha ke thori der ke liye Aziz Yusuf ko humare hamrah kar di jiye take kisi medan mein ja kar hum kuch khel dikhayen.

Lekin Hazrat e Yaqub aly salam kisi tarah se qabul na karte the.

Phir sub bhaiyon ne aapas mein itefaq kiya ke Yusuf e ko fareb de na chaiye tho woh khud apne baap se chalne par israr karen ge.

Is mashore ke baad aun ke bhaiyo ne Hazrat e Yusuf Aly Salam se kaha ke ay humare bhai humare sath ser ko ore tamasha medan ka dekhne chalo hum log tum ko khub tamasha ore khel medan mein dikhayen ge Ore wahan bakri ka dudh bhi khub pilayen ge .

Yusuf aly salam ne apne bhaiyon se kaha ke be shak mein ap logon ke kehne se aus jaga jana chahta hun lekin walid sahab ka Hukam nahi hai is liye main kiun kar jaun.

Aun ke bhaiyo ne Hazrat e Yusuf Aly Salam se kaha ke tum khud e apne walid sahab ke pas ja kar bolo tho albata tum ko woh hukam de den ge .

Phir aun ke bhaiyon ne Hazrat e Yusuf Aly Salam ke sar mein kanghi waghera kar ke walid ke pas bhej diya.

Hazrat e Yaqub aly salam ne aun ko dekh kar gaod mein utha liya aur aun ke sar aur ankhon ko chuma aur Hazrat e Yusuf bhi apne Baap ke Hath pau ko chum kar kehne lage ke ay mere Abba jaan main apne bhaiyon ke sath medan mein jana chahta hu taake mein kuch ser medan ki kar lu aur wahan tamasha bhi dekhu aur wahin bakri ka dudh bhi piun ga . Agar Hazur ki ijazat ho tho main aun ke hamrah jau aur apna dil khush kar aau.



This page:




Help/FAQ | Terms | Imprint
Home People Pictures Videos Sites Blogs Chat
Top
.