peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮4╭☼╭☼

Phir jub le kar chale aur aage na far maya ke kya hua is liye ke layeq e bayan nahi

Jo kuch in ke bhaiyo ne in ke sath saluk kiya

Aur raste mein buri tarah marte aur bura bhala kehte hue le gye the

Na aunho ne Hazrat e Yusuf ke rone par rahem khaya na faryad par

Kuven mein dala tho wo kuven ke kinare ko pakar kar reh gye aur bohut roye

Magar ba jaye reham khane ke rassi mein bandh kar esi kuven mein latka diya

Aur jub aadhi door pohnche tho rassi kat diya

Aur sub bhaiyon ne mil kar in ke kapre utar liye the bilkul nanga kar diya tha

Jis waqt aunho ne rassi kati Allah Tallah ne Hazrat e Jibrail aly salam ko Hukam diya ke jao mere pyare Bande ke pas

Hazrat e Jibrail aly salam ye hukam milte he foran Hazrat e Yusuf aly salam ke pas aaye aur Hazrat e Yusuf aly salam se kehne lage ke ay Yusuf aly salam Khuda Tallah farmata hai ke ab tum kuch andesha mat karo

Bal ke tum ko apne bhaiyon ke zulam se nijat mil gayi

Aur Khuda wand e Qudus ne tum ko nihayet e bar guzeeda kiya hai

Aur in ke bhaiyon ko aysa waqt an qarib aaye ga ke woh tere sub ke sub mateeh aur farman bardar hon ge

Audhar Hazrat e Yusuf ke sub bhai aapas mein kehne lage ke ab ye batao ke apne baap ke pas ja kar kya jawab den ge

Jo kuch hum ne kar na tha woh tho kar diya . Ab kya karna hai agar hmare baap ne Hazrat e Yusuf ko talab kiya tho is ki tad beer kya ho gi.

Aapas mein mashore ho te rahy lekin is ka kuch jawab samajh mein na aata tha

Aakhir aik bhai ne majburan kaha ke bhai jaan hum sub ko yehi kehna ho ga ke Yusuf Aly salam ko tho bheriye ne kha liya

Aur aik bacha bakri ka zibah kar ke aus ke khun se perahan Yusuf ka jo ke aunho ne bar waqt kuven mein dalte hue utar liya tha

Aaluda kar ke aur yehi kurta Yusuf aly salam ka Hazrat e Yaqub aly salam ke pas yani Hazrat e Yusuf aly salam ke walid e buzurg vaar ke samne le ja kar rakha taake kisi had tak aun ko yaqeen ayr etminan ho jaye . Aur aun sub bhaiyon ne kuch makar bhi kiya

(Al.Quraan) aur aaye apne baap ke pas andhera ho ne par . Aur bohut e rote hue sub ke sub . Aur nihayet aajizi se kehne lage ay mere baap hum sub daurne lage aur aik dusre se bazi le jane ki koshish mein lag gye aur chhote bhai Yusuf ko apne saman aur asbab ke pas chhor diya

Hum log aun ki taraf se kuch der ghaflat mein par gye. Itne mein koi bheriya aun ki taraf aa nikla aur Yusuf aly salam ko akela aur bacha samajh kar aus par hamla kar diya. Aur aus ko kha liya

Aur hum log ye samajh rahe hain ke ap hamare kahe hue ko bavar nahi karen ge . Agar che hum sub kuch keh rahe hain

Ausi raat woh kurta jo bakri ke khun se aaluda kiya tha. Hazrat e Yaaqub aly salam ko pesh kar diya

Aur phir baaz kehne lage ay hamare baap hum bakriyo ke gale mein gaye the aur Yusuf ko asbab ke pas chhor diya tha . Na gahan bheriya is taraf aa gya aur yusuf ko kha gya. Aur ay hamare baap hum ko malum hai ke aap hamari baat ko nahi manen ge bal ke takzeeb karen ge agar che hum hazaron tareeko par sach kahen

Lekin pihr bhi ap hmari bat ka yaqin nahi kren ge

Phir aun logon ne Yusuf ka kurta jo khun aalud tha nikal kar dikhaya

Hazrat e Yaqub aly salam ne is bat par Qataan yaqin nhi kiya aur bohut mutafakir rahe

(Al.Quraan) aur Hazrat e Yusuf ke kurte par lahu laga kar jhut moot laye

Pas Hazrat e Yaqub aly salam ne jub aus kurte ko dekha aur ghor kiya ye kurta khun aalud tho be shak hai lekin kahin se phata hua nhi hai. Aakhir ye kya bat hai

Beton se ap ne farmaya ke is perahan mein Yusuf ke khun ki bu nhi aati

Aur aus bheriye ne khate waqt kurta ko phara bhi nhi. bilkul sabut utar diya jo tum log mere pas laye ho

Shayed bheriya Yusuf par tum se zyada mehrban ho ga . Kiu ke Yusuf ko tho kha liya aur aus ke perahan ko nhi phara. Agar tum log apne kehne par sache ho tho aus bheriye ko mere pas Hazir karo.

Is bat ko sun kar apne baap ke hukam ke waste aunho ne aik bheriye ko pakar kar aur aus ke munh mein lahu laga kar baap ke samne pesh kar diya

Hazrat e Yaqub aly salam ne aus bheriye se pucha ke tu ne mere farzind e jigar band Yusuf kokhaya hai

Aur tu ne aus nazuk badan par kuch bhi rahem nhi kiya aur meri zaiefee par tujh ko kuch afsos na hua

Bheriya Allah Tallah ke Hukam se bola

Ay Rasool Khuda ki kasam maine tumhare Yusuf ko nhi khaya kiu ke gosht o post Anbiyah aly salam ka Hum par khana Haram hai . Aur ya Hazrat main tho main tho aik bohut bare bala o ranj mein mubtila hun


Qabil e arz ye hai ke baaz Anbiyah e kiram ko Allah Rabb ul izzat ne mojizat attah farmaye hain.

Aur Hazrat e Yaqub aly salam ko ba thor e mojiza ke aus bheriye se guftagu karne ka mojiza attah farmaya gya

Aus bheriye ne jo ke Yusuf aly salam bhaiyon ne apne baap ke pas lahu laga kar hazir kiya tha woh kehne laga ke mera aik bhai tha chund roz hue mujh se juda ho kar kahin nikel gya . Main aus ki talash ke waste nikla hun

Aur ba waja e gardish ke jis ko aaj taqriban 3 din ho rahe . Khana pina bhi nhi khaya nhi piya

Bhuka pyasa daurta hua 3 farsang raah se shub e guzishta ko is sehra mein aa pohncha hun

Aaj aalal subah sahibzadon ne mujhe pakar kar mere munh mein bakri ka lahu laga kar be gunah aap ke hazur pesh kar diya

Aur main ye samjhta hun ke agar che chughli durust nhi magar ba sabab be gunahi ke Hazur aap ki peghambari ke lehaZ se jo jo baten ke sach thin woh maine aap ke samne arz kar deen' bus aap malik hain

Hazrat e Yaqub aly salam jub ye baten aus se suni tho farmane lage ke bheriya sach kehta hai

Phir hazrat e Yaqub aly salam ne aus bheriye ko apne pas se khana khila kar aus ko rukhsat kar diya. Aur apne beton ko farma diya ke maine Hazrat e Yusuf ko Khuda par sonpa aur apne Rabb ul Aalamein se sabar mangta hu

(Al.Quraan) aur kaha Hazrat e Yaqub ne ke koi bhi thek bat tum ne hum ko nahi batai . Jis par tumhare dil khud gawah hain . Lehaza main sabar e jameel aur Allah Tallah ki madad mangta hu. Aus bat par jo tum mujh se aa kar btate ho .

yani kurte par lahu ka lagana in ka bilkul jhut hai

Is ke baad Hazrat e Yaqub aly salam ne aik bait.ul.ehzan banaya . Aur ausi mein Allah Tallah ki ibadat karne ke liye ja baithe

Aur shub o roz Firaq e Yusuf mein rote rote aun ki aankhen bhi jati rahin

Yani woh is qadar Hazrat e Yusuf ke liye roye ke na beena ho gaye

esi jaga Hazrat e Yaqub aly salam ke pas aik roz Hazrat e Jibrail aly salam Tashrif laye

Aun se Hazrat e Yaqub aly salam ne daryaft kiya . Ya aukhi (ay.bhai) Hamara Yusuf kahan mile ga . Main kidhar jaun. Mere Yusuf ko Allah Rakhe tho behtar hai

Itne mein Bari e Tallah se ilhaam hua

Ay Yaqub Tera beta mehfuz hai aur aus ki Hifazat wohi kar rha hai jise tu ne sonpa aur tum aun se malum karo

Kaha Ilahi main qasur vaar hun maine khata ki hai mujh par reham farma

Hazrat e Jibrail aly salam ne kaha ke malik ul maut ko jante ho . Woh har shakhs ki jaan ko Qabz karte hain

Tub Hazrat e Jibrail aly salam ne Malik ul maut se ja kar pucha ke Hazrat e Yusuf salamat hain ke nahi

Malik ul maut ne kaha ke Hazrat e Yusuf salamat hain aur aun ki Rooh qabz karne ka abhi tak koi Hukam nhi Hai

Ye bat sun kar Hazrat e Yaqub aly salam ko tasali aur bharosa hua

Lekin ba waja e firaq ke aah wa zari karte rhe

Riwayat yun ki jati hai ke Yusuf gum hone ki ka sabab yeh tha ke aik din Hazrat e Yaqub aly salam ne kisi ki ziyafat ki thi

Ausi aik waqt faqeer bhuka mohtaj aun ke dar par hazir hua . aur aus mohtaj ne khane ka sawal kiya

Hazrat ne farmaya ke Shah ji betho khana hazir hai . Itna bol kar Hazrat e Yaqub aly salam kisi kam mein mashghul ho gye aur aus aane wale mohtaj jo khana na khila sake Woh faqeer mehrum ye duaa kar ke chala gya

Ilahi tu is ki aarzu'von ko is se door rakhiyo . Ye duaa Khuda ke Darbar mein Qabul ho gai

Pas agar faqeer ko khana khilate tho aus ki Quwat 40 din tak rehti ab is ke badle tu 40 baras tak Yusuf ke Ghum mein rahe ga .. Yeh Ba zariya e ilham mutelah kiya gya ..

Ye ilham sunte e Hazrat e Yaqub aly salam ne Khuda Ki dargah mein ilteja ki .. Tu Raheem o kareem Aalim ul Ghayeb hai . Jo khata mujh se hui woh Qasadan nhi hui Ghaflat se hui hai

Yeh ilteja Darbar e ilahi mein Hazrat e Yaqub aly salam kar rahe the ke Foran Jibrail aly salam Hazir hue aur farmaya ke ay yaqub tum par jo Ranj guzarta hai aus se bat ko sochna chaiye taake bandon ko ilam ho ke khuda jo chahta hai woh karta hai . Aus ke kam mein kisi ko dakhal nhi. Riwayat hai ke jub Hazrat e Yusuf aly salam ke bhaiyon ne aun ke badan se kapre utar kar nanga kar ke aunhe kuven mein dala .

Ausi waqt amar e ilahi se Hazrat e Jibrail aly salam ne perahan hareer ka bahesht se la kar aunhe pehna diya

Aur woh perahan Khalil ullah ka tha jis ki barkat se aatish e namrud aun par gulzar hui thi aur Hazrat e Ibraheem khalil ullah ne nijat pai thi.


Muarikhein ne likha hai ke Hazrat e Yusuf aly salam san e mubarak aus waqt 12 baras ka tha . Aur baazo ne likha hai ke 13 ve baras ka tha . Aur baaz ne likha hai ke 17 baras ka tha aur ye bhi likha hai ke is andhere kuven mein Hazrat e Yusuf aly salam 3 din raat rahe

Itefaq se aik qafila soda giron ka madiyen se asbab tijarat ka misar ko le ja rha tha

Mandagi ke sabab se rasta bhul kar is kuven ke pas aa pohncha is jaga ki aab o hawa khush'gawar pa kar manzil ki

Lekin woh kuvan sanp bichhu'von pur aur shehar ki aabdi se door tha aur pani bhi is ka talkh aur shur tha

Magar Hazrat e Yusuf aly salam ke girne se is ka pani sherin ho gya tha
aur sodagiro ke sardar ka naam malik zaghar tha , aur basheer naam ka aik ghulam tha

Woh ba gharaz e pani is kuven par aaya aur pani ke waste is kuven mein doll dala

Tub Hazrat e Jibrail aly salam ne khuda ke hukam se aa kar kaha ke ay Yusuf tum is doll mein beth jao

Jub ghulam ne doll khench kar uthaya dekha ke aik larka nihayet khubsurat aus mein baitha hai.

Aus ne dekh kar kaha ke hum ne tho khubsurat larka pehly kbhi nhi dekha aur na e kbhi suna
Aur na is ka koi sani hai .

Hadees sharif mein aaya hai ke Haq tallah ne jumla Hussan ko 2 esson mein Taqseem kiya . Aik hissa Hazrat e Yusuf aly salam ko bakhsha aur dusra hissa sare jahan ko diya


This page:




Help/FAQ | Terms | Imprint
Home People Pictures Videos Sites Blogs Chat
Top
.