peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮5╭☼╭☼

Soda giron ne jub aus ke sahib e jamal o kamal surat dekhi tho woh puchne lage ke tum kon ho Bani e aadam ho ya farishte ?

Woh bole main nasal e bani aadam se hun

Aur aus ke bhai bhi aus waqt sub ke sub kuven ke kinare par the

Ye shor o ghul sun kar aun ke pas aaye Yusuf ko aunho ne dekha aur bole ye ghulam hamare ghar ka hai .
mare dar ke hamare ghar se bhag kar is kuven mein aa gira hai

Hazrat e Yusuf ne jub jhuti bakwas suni tho chaha ke kuch bolen

Aun ke bhai shaamon ne arbi zuban mein kaha tum kuch kaho ge tho jaan se maar dalun ga

Phir Hazrat e Yusuf ne khof ki wajah se aun se kuch na kaha

Malik zaaghar ne aun ko soda giron ke qafile mein le ja kar chupa diya . Logon ne apne sardar se pucha yeh kon hain aur kahan se aaye hain

Phir logon ne Hazrat e Yusuf se pucha ke tum e batao kon shakhs ho aur kahan se aaye ho

Aur sardar ne soda giron ko jawab diya ke bohut Qeemati mataah hai

Dusre din aun ke bhaiyon ne aus soda giron se ja kar kaha ke aus ghulam ko hum bechen ge

Malik zaaghar ne kaha ke is ko khareed lu ga .lekin is waqt mere pas 18 dirham missar ke hain aur woh dirham kharid o farokht mein chalte bhi nahi hain . Tum agar chaho tho le lo

Pas aus qafile ke sardar ne woh dirham aun ke hawale kiye

Aur aik lutf yeh bhi hai ke missar ke 2 dirham kanaan ke 1 dirham ke barabar hain . Aur is hissab se kanaan ke sirf 9 dirham hote hain

Hazrat e Yusuf ko esi Qeemat par becha aur aun ke bhaiyon ki yehi gharaz thi ke kisi tarah Baap ki nazron se door kar dalen . Warna woh mohtaj na the

(Al.Quraan) aur bech aaye aun ko na qas mol mein yani ginti ki chava'niyo mein

Aur woh Yusuf se bezar ho rahe the dusra qol ye hai ke Agle din Hazrat e Yusuf aly salam ke bhai ausi kuven par gye

Aur Hazrat e Yusuf ko qafile walon mein paya tho ye sub bhai kehne lage ke ye hamara ghulam hai

Aur hum ise bechna chahte hain kiu ke ye hum se bhagta rehta hai agar tum ise kharidna chahte ho tho kharid sakte ho

Qafile walon ne kaha ke hum tho ise 18 dirham mein kharid sakte hain . Agar tum ko manzur ho tho hamare hath bech do aur ye 18 dirham le lo

Chuna che sub bhaiyon ne mashora kar ke Yusuf ko 18 dirham mein de diya . Phir woh drham aunho ne aapas mein bant liye . Aur aik bhai ne apna hissa na liya

Phir Yusuf ko aage ja kar missar mein qafile walon ne becha

Lekin Allah Tallah ne sirf aik mar'taba saree'han bayan farmaya aur phir parda poshi ke liye dusri martaba nahi farmaya

Lekin ishare se malum hota hai ke saste mol tho pehli bar e becha gaya

Aur mamluk hone ka aik sabab yeh bhi hai ke aik din Hazrat e Yusuf ne aaine mein apne jamal ko dekh kar kaha tha ke agar main ghulam hota tho koi shakhs meri qeemat na de sakta tha

Hazrat e Yusuf ke Husan o jamal ka yeh aalam tha ke ba waja e latafat o nazakat jo cheez bhi woh khate gale se utarti hui nazar aati

Jub ye Husan o jamal apna dekha tho fakhar se kaha ke agar main ghulam hota tho koi meri qeemat na de sakta

Jub apne dil mein yeh tasavor kiya tho Allah Baari Tallah ko na pasand hua

Esi ki padash mein aun par ye aitaab aaya aur aun ko bataya gaya ke ay Yusuf aly salam tum ne bari shekhi ki bat ki . Aysi bat kehna Nabi ki Shaan se baeid hai

Nabi mein Ghorur aur fakhar nahi hota woh tho apne farz e mansabi ko baja lane mein hama'tan masruf rehta hai . Taake Makhluq e Khuda ko Hidayet ho

Aur ay Yusuf tum ne tho fakhar yahan tak kiya ke apni surat aaine mein dekh kar khud e apni qeemat tehrai

Aur tum ne apne haqiqi musaver ki taraf kuch bhi khayal na kiya

Yeh esi ka natija hai jo tu ne fakhar kiya ke dekh ab tujh ko kaisa ghulam bana'ta hu aur kitni mamuli qeemat par farokht karta hun

Taake log dekhen ke aysi soorat aur itni thori qeemat par farokht ho rahi hai

Dusra sabab yeh hai ke saltanat missar ki aun ki taqdeer mein likhi ja chuki thi

Aur ye dunya ka dasturi asul hai ke jub tak kisi ki khidmat na kare aus waqt tak khadimo ki qadar woh kya jane . Aur phir wohi khadim kisi waqt Makhdum kehlata hai.
Al gharz mali zaghar ne Yusuf ko ba shart e khidmat mol liya tha

Aur aik qabala is mazmoon ka aun ke bhaiyon se likhwaya tha

Aur wo ye hai ke malik ibn e zaghar ne Yusuf bin Yaqub bin Ishaaq bin Ibrahim aly salam ke beton se aik ibrani ne 18 dirham mein kharid liya hai

Yeh gawahi gawahan mohtap'berien ke malk bin zaghar ke hathon mein ause supurd kiya

Is ke baad malik bin zaghar ne Hazrat e Yusuf aly salam ke pau mein beriyan dal kar aunt par sawar kiya aur aik mota pashmina aorha kar chal diya

Kuch door ke baad jub raste me Hazrzt e Yusuf aly salam ki walida mohtarma ki Qabar aai tho woh aunt ko rok kar autar pare aur apne Maa ke Qabar ki zyarat ki aur Qabar se chimat kar rone lage aur kehte rahe ke Ammi bhaiyon ne mujh par ba waja e assad bohut zulam kiya hai aur is qafile walon ke hath bech diya hai aur mujhe in qafile walon ne zanjeeron ore beriyon mein jakar diya hai Aur Baap ki khidmat watan aur Tumhari Zyarat se mujhe mehrum kar diya hai

Itne arse mein qafila soda giro ka thori door wahan se nikel chuka tha
aik shakhs ausi qafile se piche daurta hua aaya aur yeh ke aus shakhs ne Hazrat e Yusuf aly salam ko aik aysa tamancha mara ke aus waqt Hazrat e Yusuf aly salam ke ankhon ke samne andhera sa ho gya

Yeh halat dekh kar Hazrat e Yusuf aly salam ne aus waqt asman ki taraf nigah ki aur ro ro kar kehne lage ke Khudaya in zalimo ke shar se mujhe bacha

Aur yeh taklif main bardasht nahi kar sakta jo mujh par guzar rahi hai aur Ay Mere Khuda ye Tujh ko khub malum hai ke Main be Qasur hu . Aur is ke baad Hazrat e Yusuf aly salam ausi qafile mein ja mile
Yeh alfaz Allah Tallah Rabb ul Izzat ne Hazrat e Yusuf aly salam ke Qabul farmaye aur aik dam abar e muheeb jis mein hawa bhi sakht tez thi aur abar aun par itna shadeed barsa ke woh sara karwan halak ho gya

Aur jo kuch aun mein se bache woh aapas mein kehne lage ke dekho tho kis Ke gunah se hum is aafat e na gahani mein mubtilah hue

Woh jis ne Hazrat e Yusuf aly salam ko tamancha mara tha abhi mra na tha wohi bola ke maine gunah kiya hai

Jis ghari maine ghulam ko tamancha mara tha tho yeh ghulam asman ki taraf munh kar ke kuch bol raha tha Aur baad is ke foran e ye bala e muhalika o na gahani aa pohanchi

Yeh sunte e sub ne jo baqi bache the Hazrat e Yusuf ke pas ja kar apni taqseer ki muafi mangi

Hazrat e Yusuf aly salam ne taras kha kar aun ko muaf kar diya aur ausi waqt Allah Tallah se duaa ki Tub woh foran e abar khula aur hawa bhi kum ho gai aur halat mamul par aa gye

Baqi maanda jub woh wahan se chale tho qabal is ke k woh qafila missar pohnche wahan yeh khabar ho gai ke aaj jo qafila malik bin zaghar ka aa raha hai au mein malik bin zaghar aysa aik ghulam e ibrani la raha hai ke aus ki khubsurati aur husan o jamal la'sani hai Aur parda e zamin par na aysa aaj tak hua hai aur na ho ga

Yeh khabar sun kar tamam ehl e missar sodagar ke istaqbal ko aaye tho tamam ehl e missar ne Hazrat e Yusuf aly salam ko dekha jo sifaten ke suni thin aus se bhi kahin ziyada aun mein payein

malik bin zaghar ne apne ghar ko achi tarah sanwara aur ba qayeda apne ghar mein farsh o farush deeba e romi ke bichhaye

Aur Hazrat e Yusuf aly salam ko libas e fakhira pehna kar Taaj e Zareen sar par rakha

Is ke baad malik bin zaghar ne pure shehar mein manadi kara di ke main ghulam nihayet 'khubsurat ' khush khalq ' aqalmand ' daana ' chalak ' farman bardar ' haya daar ' bechta hun jis ki khuaish is ke khareedne ki ho woh waqt e muqarer par hazir hove

Yeh manadi sun kar ehl e missar adna o aala malik bin zaghar ke ghar par aa kar sub jama ho gye

Itefaqan Hazrat e Yusuf aly salam ne bhi aun logon ki taraf dekha ke meri qeemat mein yeh log bohut si pas o pesh kar rahe hain

Aur Hazrat e Yusuf aly salam aus waqt apne dil mein khayal kiya ke yeh malik bechne mein mere ajab khata mein para hai. ke aus din mere bhaiyon ke hath se jo asal qeemat meri in sub ko malum thi 9 dirham ko mol kharida tha . Aur aaj mujh ko koi nahi pehchanta hai. Kiu nahi yeh mujh ko 50 dirham mein bechta

Aur ye qeemat Hazrat e Yusuf aly salam ne apni inkasari se tehrai

Tub Allah Tallah ke taraf se ilham hua ke Ay Yusuf Tu ne aik roz aaine mein apni shakal o surat dekh kar fakhar se apni qeemat ka mol ap e zyada kiya tha .aur aaj ijz o inkasari se apni qeemat kum kahi . Aur ab esi wajah se Tujh par fazal e Khuda Hota hai

malik bin zaghar ne Hazrat e Yusuf ko libas e Fakhira pehna kar kursi par bitha diya aur logon ki taraf mukhatib ho kar bola( من ‏يشترى غلامأ ) min yash'tari ghulaman

Yeh sun kar Hazrat e Yusuf aly salam ne kaha ke ay malik bin zaghar yun mat kaho aur yun kaho (من يشترى غلامنأ ضعيفأ غريبأ مظلومنأ مثله فى دنيا)

Ye sun kar dalal bole ke aysa dastoor nahi hai kehne ka

Tho phir yun kaho (من يشترى يوسف ‏صديق الله ابن يعقوب اسرائيل الله ابن اسحاق صفى الله اخى اسمعيل ذبيح الله ابن ابراهيم خليل الله)

(min yashtari Yusuf sidiqu ullah ibn e Yaaqub israil ullah ibn e ishaaq safie ullah aukhi Ismail zabieh ullah ibn e Ibraheem khalil ullah)

Yeh sun kar tamam dallal ne kaha chhup raho . Aysa mat kaho agar log sunen ge tho woh kharidne se inkar kar den ge

Phir is ke baad pukar lagai gai ke aik 1000 badarse ashrafi is ghulam ki qeemat hai . Kya koi hai is ko kharidne ke waste taiyar

Aur lughaat mein badara kehte hain aik theli ko . jis mein aik 1000 dirham bhi hote hain . Aur 10'000 dirham bhi hote ...


This page:




Help/FAQ | Terms | Imprint
Home People Pictures Videos Sites Blogs Chat
Top
.