peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮6╭☼╭☼

Zulekha har tad'beer se tang aa gai aur koi tad'beer kar gar sabit na hui aur is fikar mein raat din nidhal rehne lagi

Itefaqan aik burhi aurat hamsai ne zulekha se kaha ke ay zulekha khair tho hai . Pehle tu main tujh ko bohut khosh o khuram dekhti thi ab chand roz se tum ko bohut fikar mand dekhti hu . Aakhir aysi kon si khatar naak bat samne aa gai hai . Jis ki fikar tum ko gham'zada kiye hue hai . Aur tum ko bohut e be qarar dekh rahi hu . Esi gham o fikar mein teri surat bhi tab'deel ho gai hai . Aakhir is mein kya majra hai

Nihayet dabi hui aawaz mein zulekha aus burhi aurat se boli ke aik ghulam e ibrani ke ishq ne mujh ko ranj o ghum mein dala hai . Aur aus ne apne ishq mein aysa phansa diya hai ke main har waqt aus ke chehre ko dekhti rehti hu . Lekin fil'haqiqat woh aysa sangdil hai ke meri taraf aik nazar bhi nahi dekhta aur na kuch bolta hai . Main tum se puchhti hun ay meri khala is ka kya ilaj karna chaiye

Zulekha ke israr par woh burhiya boli ke ay zulekha main tujh ko aik surat bata ti hun agar is ko amal mein lao gi tho tumhara maqsad pura ho ga aur tumhari jo dili tamana hai woh bhi puri ho gi . Magar is mein kharch ho ga

Yeh bat sun kar zulekha ne kunji khazane ki qufal khazane ka aus ke hawale kar diya

Pas aus khazane se raqam e khateer le kar aik haft khana munaqish tala kari ka khush numa aur dil chasp bnaya gaya . Aur aus ke dar o deewar chhat parde farsh o farush tak tala kari ke . Aur surat e Yusuf o zulekha ki aik jaga baham tasavor khenchi . aur woh haft khana aysa banaya gaya aus mein koi jaga in donon ki tasveer se khali na thi . Aur zar e baft mash'jar kapre se tamam ghar aa rasta kiya gaya . Aur is mein takht e zarin bhari mukamal jawahir ka aus makan mein rakh diya gaya . Aur farsh bhi go'na'gon bichh waye . Aur anber ki khushbu'von se basaya gaya

Al gharz asbab e badshahi haft khana mein sub mojud the . Bil aakhir mubashirat ke irada se Hazrat e Yusuf aly salam ko aus ke andar le gai . Aur aun ki jamiyet par kamar bandhi . Tamam darwaze muqafil kar diye gaye . Aur phir Hazrat e Yusuf ko sath le kar baithi

Hazrat e Yusuf ne nazar kar ke dekha ke haft khana ke dar o deewar chhat o parde o farsh o farush par tamam tasveeren dono ki aavezan hain . Aur tamam makan bhi khushbu se muaatir ho rha hai . Jis taraf bhi nazar karte tho dekhte ke surat apni aur zulekha ki aavezan hain

Yeh dekh kar Hazrat e Yusuf aly salam ne socha ke shayed yeh kuch raaz hai . Jis ki wajah se yeh sub kuch kiya gaya hai

Chuna che Hazrat e Yusuf aly salam ne malum kiya ke mere liye kuch fareb kiya gaya hai

Aur apne dil mein pukhta khayal kiya ke agar mujh ko tukre tukre bhi kar diya jaye tub bhi is ke qabze mein na aaun ga . Aur main apni pak damuni par e rahun ga

Kehte hain ke aus waqt Hazrat e Yusuf aly salam ne Khuda ko yad kiya . Is liye shetan laahin ne aun ke dil mein zulekha ke liye kuch viswas dala . Phir Allah Tallah ne apne fazal o karam se aun ko maasiyat se baaz rakha aur zulekha apne na pak irade mein kamiyab na ho saki

(Al.Quraan) aur phisla diya aus ko aurat ne aur woh aus ke ghar mein tha apne jhi thamne se aur band kiye darwaze aur boli zulekha Hazrat e Yusuf aly salam se shabab kar.

Hazrat e Yusuf ne foran kaha ke khuda ki panah woh aziz malik hai mera aur main is mein albata bhalai nahi pata . Aur jo log be insaf hain woh aysa karte hain

Aur albata aurat ne khuaish ki . Aur phir aus ne bhi khuaish ki ke jub Hazrat e Yusuf aly salam haft khane mein gaye zulekha ki taraf nazar na ki aur aasman ki taraf dekha ke chhat par zulekha ki tasveer apne sath musaver hai

Phir dayen bayen nazar ki phir wohi tasveer dono ki baham dekhi . Al gharz tamam ghar mein faqat tasveeren nazar aayen

Phir na char ho kar zulekha ki taraf nazar ki aur zulekha ko ba ghor dekha . Aur phir apne dil mein khayal yaqin karne lage ke afson giri ne mera ye kam kiya hai

Phir yeh dekh kar zulekha boli ke Ay Yusuf mujh par aik nazar kar ke main mustagh'ni hun aur ghamon se khalasi paun

Hazrat e Yusuf ne kaha ke main darta hun Qayamat ke din mera Khuda mujhe zina karon mein khara kare ga . Halan ke main Peghambar Zada hun

Aur yeh fel e bad mujh se na ho sake ga . Khuda na kare jo main ayse fel e bad mein giraftar hun . Kiun ke Qayamat mein Khuda Wand e Qudus ko Munh dikhana hai

Phir zulekha boli ay Yusuf zara mujh par nazar kar . Zara aa tujhe gaod mein lu'n aur apni chhati se lagaun . Mahir o Qatil zulf ko mere sath mila

Hazrat e Yusuf aly salam ne kaha ke mussaver ke taraf dekh yeh bal khak mein milen ge

Phit zulekha boli kiun mujhe sata ta hai aaram e jaan de

Aap ne kaha mujhe do baton ka ghum hai . Aik tho mujhe Khuda ka Darr hai aur yeh sub se bara darr hai aur dusre yeh haq aziz ka hai kesy istemal karun aur aus ne mujhe har tarah se aaram mein rakha hai . Meri ghairat taqaza nahi karti ke main aysi harkat karu

Aur is bat ko sun kar zulekha boli ke aziz e missar se mat darr main ause zehar e qatil khila kar mar dalun gi aur phir sare ghar ki saltanat bhi tum ko de dun gi . Aur tum tho mujh se yeh kehte ho ke mera Khuda tho Bara Rahim o Karim hai aur gunah'garon par hamesha Rahem karta hai . Aur main yeh vaada karti hun ke agar tu ne meri khuaish puri kar di tho jo kuch ke ganj o khazana mera hai sub tere Khuda ke naam par sadqa o kufara dun gi . Tub tho tera khuda khush ho jaye ga aur sare gunah bhi muaaf kar de ga

Yeh baten sun kar Hazrat e Yusuf ne Farmaya ay zulekha mera khuda rushwat nahi leta. jo tu irada rakhti hai ay zulekha yeh sub khurafat kehlate hain , mujh se har giz nahi ho sakte

Yeh sun kar zulekha mayus ho gai aur bohut e be taabi ke sath rone lagi

Aur Hazrat e Yusuf barabar inkar is fel e bad se inkar e karte rahe aur kisi lamha bhi aap ne is fel e bad ka irada ya qasad na farmaya . Aur yehi Shaan Nabi ki hoti hai . Pas bar bar israr par Hazrat e Yusuf kuch mayel hue lekin phir dil mein andesha karne lage .. Yahan par kuch ehtiraz hai

Hazrat e Yusuf peghambar the phir is gunah e qabeih par qasad kiya

Jwab is ka baaz ulamah muhaqeqein ne yeh diya ke Hazrat e Yusuf is taraf mayel hone ke waqt peghambar na the

Aur halat e shabab mein qasad e qabieh karna mu'taqazaye bashariyet se baeid nahi

Aur dusre yeh ke jo fel nahi kiya ho aus mein andesha karna muakhiza nahi hai

Aur baazon ne kaha hai ke shayed Yusuf is liye andesha karte the ke agar shohar aus ka na hota tho main is se nikah kar leta

Aur mufaserin ne tafseiron mein likha hai ke Hazrat e Yusuf ne jub zulekha ko had e darja muztarib dekha aur apni jaan dene par mustaid hui Tub aap ne irada kiya ke main zulekha se rehai paun

Baazon ne kaha ke daleil se yun sabit hota hai ke Yusuf aly salam ne jub dekha ke zulekha ne haft khane ke darwaze band kar diye aur apni jaan dene par mustaid hui tub na char is ke siwa koi rehai na dekhi aur tub aus ki taraf mukhatib hue aur raza di

Aur azar band mein apne sath sath girah de rakhi thin . Taake kholne mein is ke takheer hove

Aur Hazrat e Yusuf Allah ki taraf nazar kiye hue the ke itne mein khush o makhluth ho kar jaldi se aun ka hath pakar liya . Aur woh muta'qazi mubashirat ki hui

Pas Hazrat e Yusuf ke azar band ki aik girah kholne mein lagti aur dusri girah azar band ki lag jati . Aur Hazrat e Yusuf ka dheyan aus waqt bhi Khuda par e tha

Phir aik aawaz gheb se aai ke ay Yusuf mat is ke makar o fareb mein aa aur na is ki taraf koi tawajo kar . Agar tu ne is ki taraf tawajo ki tho fel e bad ka mura'takib ho jaye ga aur tera naam bhi khuda ke han is juram ki padash mein Anbiyahon ke daftar se mita diya jaye ga aur na malum Khuda tere sath kya muamla kare


This page:




Help/FAQ | Terms | Imprint
Home People Pictures Videos Sites Blogs Chat
Top
.