peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮8╭☼╭☼

Is bat ko sun kar Hazrat e Yusuf ne kaha ke main yeh behtar samjhta hu main qaid mein parun

Jesa ke Allah Tallah ne irshad Farmaya :

(Al.Quraan) Hazrat e Yusuf bole ke ay Rabb Mujh ko qed pasand hai . Aus bat se jis taraf yeh mujh ko bulati hai aur agar Tu na dafa kare ga mujh se in ka fareb tho shayed mein kabhi mayel na ho jaun aun ki taraf . Aur main ho jaun be aqal

Yahan par aik ehtiraz hai ke missar ki auraton ne jamal Yusuf ka dekh kar be hosh ho kar leemun tarashne ke aevaz apne hath kat dale

Aur zulekha ba wajud aashiq hone ke aus ka koi hath na kata . Yeh kya majra hai

Jawab aus ka yeh hai ke jis shakhs ka kisi chiz mein dil laga ho aur hamesha ause dekhta ho tho ause kuch khaof o khatar nahi rehta

Aur jis shakhs ne ke woh chiz na dekhi ho tho aus par dehshat hoti hai

Chunke Yusuf par zulekha aashiq thi aur aun ke waste bohut mehnat utha ti thi . Aur aun ke sath mudato rahi thin is liye zulekha apne haal par bar qarar thin

Aur aun auraton ne is se qabal Yusuf ko na dekha tha . Is liye surat aun ki achanak dekh kar be hosh ho kar leemun tarashne mein apne hath kat dale

Kiun ke aun auraton ne aysa khub surat sahib e jamal shakhs kabhi na dekha tha

Aur baazon ke ishare se yeh murad hai ke Khuda Tallah Momino ko aind.al,maut farishto ke hath se taklif dilva de ga

Aur phir Malak.ul.Maut se bhi darye ga aur Qabar ke andar Munkir o Nakeer sawal o jawab karen ge

Aur Qayamat ke din Dozakh ko bhi dikhaye ga Lekin Momin aus se nahi dare ga

Jub Momin aik bar dekhe ga tho jan le ga kiun ke esi liye Hamare Pyare Rasul e Maqbul Mohammad Salalao Alye wa'aal e ee Wassalm ko maairaj mein tamam ehwal e Aalam e Arwaah aur Bahesht aur Dozikha ko dikhaya . Taake woh ehwal Qayamat ka dekh kar Hashar ke din Qaalb aun ka dusri taraf mayel o mashghul na ho . Aur apni ummat ki Shifaat se Baaz Na Rahen

Aur yeh bhi aik riwayat hai ke missar ki auraton ne Yusuf ko dekhte e Aashiq ho kar leemu Tarashne mein apne hath kat dale

Yeh dekh kar aatish e ghairat ne gareman e ishq se zulekha ke sar mara

Woh manind murgh neem bismil ke tarapne lagin aur ro ro kar kehne lagin ke maine yeh kya bura kam kiya

Saad afsos hai ke be waqufi hai . Main maashuq ke liye beech darya e ranj o bala ke ghote khati hun ke hanuz kashti e murad kinare mein maqsud ke na pohnchi

Aur gheron ko yeh mathaa dikhana mehaz be khabri hai aur is se koi fayeda bhi na ho ga

Aur ab meri salaah yeh ke Yusuf ko in se chupaya jaye aur behtar yehi hai ke in ko jail khane mein bhej diya jaye

Yeh sub haqiqaten jub aziz e missar ko malum huin ke missar ke log is waquh majire se aa gah hue. Tub na dam ho kar ba itefaq e zulekha ke Hazrat e Yusuf ko Qaid khane mein bheja

Chunache Allah Tallah Ne Irshad Farmaya:

(Al.Quraan) phir yeh socha logon ko aun nishanion ke dekhne par qaid rakhen aus ko aik mudat tak

Fayeda:

Agar che nishan sub dekh chuke ke gunah sub aurat ka hai tho bhi aun ko e qaid kiya taake khulq bad nami aurat ki na ho aur Yusuf bhi Zulekha ki Nazron se door rahe

Phir Hazrat e Yusuf ko Taaj mukamal sar par rakh kar aur libas e fakhira pehna kar kamar band zari ka kamar mein bandh kar bohut acha saja kar qaid khane mein bheja

Qaid khane ke nigehban o nigran logon ne Hazrat e Yusuf ko dekha tho bara taajub kiya

Aur phir Zulekha ke pas aadmi bheja ke qaidi ko is shan o shaukat se qaid mein na bheja jaye

Hukam hua ke sub poshak aus ke badan se utar wa dalen

Aur sath e yeh bhi hukam diya ke Yusuf qaidi nahi hain balke Hissari hain

Aur maine is liye wahan bheja hai ke koi aus ko na dekhe aur logon ki nazron se mehfuz rahe

Is ishare se aik aur fayeda muaqiqo ne likha hai ke har Momin ki Maut ke waqt Amama e Shahadat ka sar par aur libas e Maarifat ka badan par aur kamar band Khidmat ka kamar mein aur moza islam ka paun mein pehna'ya jaye ga

Phir Farishte kahen ge Ya Haq e Tallah is ki is libas e umda aur khasa'yel e Hamida ke sath kiun kar jaan Qabz ki jaye gi . Agar hu ho tho sub utar leven

Tub Hukam ho ga Yeh Hissari Hain Zindani nahi hain aur libas is ka wesa e Rehne do . Aur Tum jan lo ke woh mere Nek Bande Hain Bad Nahi Hain

Aur is Qisse mein aaya ke Zulekha ne Hukam kiya tha is bandi khane ko achhi tarah se pak o saaf aur durust kar ke aik emarat aali'shan pur taka'luf bana kar aur aus mein aik Takht jhrao murseh ka wahan rakh wa do aur deba e nafees aus par bichho do anbar o aaud go'na'gon khush'bu ke liye jila do

Phir is ke baad Hazrat e Yusuf ko aus Takht par Bitha do

Aus zamane mein Badshah missar ka malik Riyan tha

Aus ke do ghulam aqal mand sahib e hosh the aur kisi khata mein badshah ne aun ko qaid khane mein bheja tha . Dono ke naam yeh the . Aik ka naam saaqi tha aur dusre ka naam tabakh tha

Jesa ke Allah Tallah Ne Farmaya :

(Al.Quraan) aur dakhil hue bandi mein aun ke sath do nojawan

Tho dono Yusuf ka Haal dekh kar aun ke jamal par mutaher ho gye. Aur seerat o ibadat dekh aun ki dekh kar aun ke pas ja baithe aur baten karne lage . Aur har aik in mein se apne apne qisse bayan karne lage

Aur jub 3 din guzre tho saaqi ne khuab mein dekha ke khosha angur ka nichhorte hain

Aur tabakh ne dekha tha ke Roti sar par aus ke rakhi hai aur parind sub hawa par se aage le ja ke khate hain

Dusre din is khuab ko aapas mein qabal o qaal kar ne lage . Taabeer is ki Yusuf se puchhna chaiye . Dekhen woh is khuab ki taabeer kya banate hain

Yeh khyal kar ke dono Hazrat e Yusuf ke pas gye aur Hazrat e Yusuf se kehne lage ke hum logon ne raat ko khuab dekhe hain aur hum log is wajah se aap ke pas aaye hain ke aap hum ko is khuab ki taabeer batayen ke kya hai

Hazrat e Yusuf ne aun ke Khuab sune aur sun ne ke baad aun se Farmaya ke tum dono sahib zara tehro tub main is ki taabeer bataun ga

Jesa ke Allah Tallah Ne Irshad Farmaya :

(Al.Quraan) kehne laga aik aik aun mein ke main dekhta hun main nichhorta hun sharab .aur dusre ne kaha ke main dekhta hun ke utha raha hun raha hun apne sar par Roti ke janwar khate hain aus mein se . Lehaza aap hum dono ke khuab ki taabeer batayen kiun ke hum aap ko neki wala dekhte hain

Hazrat Yusuf ne kaha ke na aane paye ga tum ko khana jo har roz tum ko milta hai magar main bata chukun ga tum ko taabeer aus ke aane se pehle Yeh ilam hai ke sikhaya mujh ko Mere Rabb Ne aur maine chhora deen aus qaum ka Yaqeen nahi rakhte Allah Tallah par aur Aakhirat se bhi woh munkir hain

Yaani jis ne sharab dekhi thi . Woh badshah ka sharab saz tha aur dusra naan paz tha

Lekin khilaf e aadat dekha ke sar par se janwar nochte hain

Zehar ki tohmat mein dono qaidi the aakhir naan paz par sabit hua

Dusri bat ke qaid mein Haq Tallah ne yeh hikmat rakhi thi ke aun ka dil kafiron ki mohobbat se toota tho dil par Allah ka ilm roshan hua

Aur chaha ke awal aun ko deen ki bat suna dun aur is ke baad khuab ki taabeer bataun ga

Dar asal qissa yeh hai ke Hazrat e Yusuf aly salam ne jub dono jawano ko dekha ke bohut aqalmand hain tho aunho ne yeh chaha ke awal aun ko islam ki daawat di jaye

Aur esi liye aun ke khuab ki taabeer mein shamil kiya aur aun se aap ne farmaya ke dekho yeh chiz jo tum mujh se puch rahe ho woh Khuda e ne mujhe sikhai hai is baat par dono bole ke mujhe batao tumhara Khuda kon hai

Hazrat e Yusuf aly salam bole ke Khuda mera wohi hai jo sare jahan ka peda karne wala hai

Wohi har shakhs ko Rozi deta hai aur wohi marta hai aur jilata hai

Phir woh dono bole ke aap hum ko batayen aap ka kon sa deen hai jo tum humare button se bezar ho

Hazrat e Yusuf aly salam ne farmaya ke main muafiq hun apne baap dada ke Raah ke

Phir woh bole tumhare baap dada kon hain

Tho Hazrat e Yusuf aly salam ne farmaya mera baap Hazrat e Yaaqub bin Ishaaq bin Ibrahim khalil ullah aly salam hain

(Al.Quraan) aur pakra deen maine apne baap dada ka Ibrahim aur ishaaq aur Yaaqub aly salam ka aur humara kaam nahi ke shareek karen Allah Tallah ka kisi chiz ko yeh Fazal Hai Allah ka Hum par . Aur sub logon par lekin bohut log shukar nahi karte . Humara is deen par rehna sub khulq par afzal hai aur hum se Raah seekhen.



This page:




Help/FAQ | Terms | Imprint
Home People Pictures Videos Sites Blogs Chat
Top
.