peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮9╭☼╭☼

Woh bole ke hum kis chiz ko pujte hain

Hazrat e Yusuf ne kaha ke tum aysi chiz ko pujte ho jo khudai ke layek nahi

Aunho ne is bat ko sun kar kaha ke Tum Peghambar Zade kehlate ho aur tum ghulam kis tarah hue

Tho hazrat e Yusuf ne aun dono se kaha ke mere bhaiyo ne mujh se hassad kar ke mujhe bech dala hai aur bil tafseel aun ko apna pura waqiaa bayan kar diya

Yeh sun kar aun logon ne kaha ke aap hum ko kya farmate hain ke hum log apne deen par sabit rahen ya apne deen se pher jayen

Hazrat e Yusuf ne aun logon se kaha ke pehle tum log apne dil mein tasavor kar ke dekho ke kis deen behtar hai

Jesa ke Allah Tallah Ne Farmaya:

(Al.Quraan) ay Rafiqo bandi khane ke bhala socho tho ke kayi maabud juda juda behtar hain ya aik Allah Behtar Hai ?

Pas Hazrat e Yusuf aly salam ne Farmaya ke ay doston bandi khane ke tumhare sath rehne ka itefaq hua . Bhala dekho tho tumhare kitne Khuda hain aur tum apne hatho se button ko bana kar pujte ho aur aunhi ko khuda bhi kehte ho

Aun se na kuch nafa ho sakta hai na zarar . Aun button ko jo tum apne hathon se bana lete ho pujna tumhara aur tumhare baap dada ka bilkul e aabs hai

Aur pujna siwaye Allah Tallah ke kisi aur ko rawa nahi hai aur woh Wahid e Mutaaliq hai

Misdaq is ayat ke :

(Al.Quraan) tum nahi pujte ho siwaye aus ke magar naam e rakh liye hain tum ne aur tumhare baap dadon ne . Aur nahi utari Allah ne aun ki koi sanaad. hakumat nahi siwaye Allah Tallah ke kisi ki . Aus ne farma diya ke na pujo magar esi ko Yehi hai seedhi o lekin bohut log nahi jante

Tub woh dono qaidi Hazrat e Yusuf ke deen par iman laye aur phir bole Hazrat e Yusuf aly salam se ke hum apne deen ko chhor kar tumhare aaba o ajdad ke deen par iman laye aur mosalman hue . Ab tho humare khuab ki taabeer bayan kar dejiye

Tub Hazrat e Yusuf aly salam ne Farmaya ay rafiqo bandi khane ke tum dono mein se aik ne jo dekha hai sharb bharte khuab mein aus ki taabeer yeh hai kal badshah aus ko qaid khane se khalas bhi kare ga aur khush bhi kare ga . Khilaat de kar aur woh apne khuda wand ko bhi pilaye ga sharab

Aur dusre ne jo dekha ha hai ke sar par apne roti rakhi hai aur aurte janwar is ko kha jate hain . Tho is ki taabeer yeh hai ke kal woh sooli par charhe ga aur aurte janwar is ke maghaz ko kha jayen ge

Misdaq is ayat e Sharifa ke :

(Al.Quraan) ay rafiqo bandi khane ke aik jo hai tum dono mein se. So pilaye ga apne khuda wand ko sharab . Aur dusra jo hai woh sooli par charhe ga . Phir khayen ge janwar aus ke sar se maghaz ko . Ab faisal ho gya woh kam jis ki tum tehqiq chahte the

Hazrat e Yusuf ne keh diya tha jis ko khuab ki taabeer kahi thi ke kal qaid se khakasi pao ge aur apne Khuda wand ko sharab pilao ge . Aur humari bat bhi tum apne badshah se kehna ke aik nojawan be gunah qaid mein para hai

Pas is bat ko Allah Tallah ne na pasand kiya aur bezar hua ke hum ko bhul kar Yusuf ne Gher se nijat mangi . Tub saaqi ke zahin se is bat ko bhula diya ke Yusuf ki bat apne badshah se kahe

Jesa ke Allah Tallah ne farmaya :

(Al.Quraan) aur keh diya Hazrat e Yusuf ne aus ko jo bache ga aun dono mein se . Mera zikar karna apne khuda wand ke pas . So bhula diya shetan ne zikar karna apne khuda wand se . Phir reh gaya Yusuf qaid mein kayi baras

Aksar muarikh kehte hain ke Hazrat e Yusuf aus qaid mein taqriban 7 baras rahe

Murvi hai ke Hazrat e Jibrail aly salam ne kayi dafaa qaid khane mein aa kar dekha

Hazrat e Yusuf ko ibadat karte aur Duaa mangte . Tub aun se kaha ke Hazrat e Yusuf tum ne kiun nahi nijat mangi thi Allah Tallah se is se pehle

Aur tum ne makhluq se apni nijat chahi ke mera zikar kar na apne badshah se aur yeh aupar guzar chuka hai. Ab is ke badle 7 baras tak qaid khane mein raho ge

Hazrat e Yusuf ne farmaya ke mera khuda jis mein razi hai aus par main bhi shakir hu

Aur bole ay Hazrat aap tho sub makhluq se bar tar hain aur aap kiun kar is qaid khana e kaseef mein tashrif laye

Hazrat e Jibrail aly salam ne farmaya Ay Hazrat e Yusuf aly salam kis gunah se mujh ko Allah Tallah ne is ghar ko pak o saaf kiya

Phir Hazrat e Yusuf aly salam ne farmaya ay Hazrat e Jibrail aly salam kis gunah se mujh ko Allah Tallah ne is qaid khane mein dala hai . Aur apni shafqat o rehmat se is zilat o kharabi mein rakha

Hazrat e Jibrail aly salam ne farmaya ke tum ne shaoq se zilat ko ikhtiyar kiya hai . Aur apne kam ko Khuda ke Tawakal par na chhora . Halan ke wohi Qazi ul Hajat hai . Jo aus se mango ge so pao ge . Aur dar haqiqat tum ne qaid e mangi thi wohi tum ko mil gai

Qaula Tallah:

(Al.Quraan) bole Yusuf Ay Rabb Humare mujh ko qaid pasand hai aus bat se ke mujh ko bulati hain taraf aus ke aur agar Tu dafa na kare ga mujh se aun ka fareb tho shayed main mayel ho jaun aun ki taraf aur ho jaun be aqal . Yeh Duaa aus ke Rabb ne Qabul karli . Phir dafa kiya in se aun ka fareb wohi hai sun ne wala Khabar daar

Pas zahir hua ke apne mangne se qaid mein pare

Lekin Allah Tallah ne aun ka jo fareb jo woh Hazrat e Yusuf aly salam par chalana chahti thi . Chal na saka

Aur Hazrat e Yusuf ki Duaa ko Rabb ul Izzat ne qabul farma liya . Aur aun ka fareb Hazrat e Yusuf se dafa kar diya aur qaid hona aun ki qismat mein tha wohi hua

Yahan se yeh baat wazeh hoti hai ke aadmi ko ghabra kar apne haq mein burai na mangni chaiye . Balke aus ko lazim hai ke har waqt bhalai talab karta rahe

Phir Hazrat e Jibrail aly salam se Hazrat e Yusuf ne puchha ... Ay Jibrail aly salam Mere walid e Buzug war ki khair tum ko kuch malum hai ..?

Hazrat e Jibrail aly salam ne kaha ..

(Al.Quraan) kaha Jibrail ne woh apne ghar baithe ghum karte hain aur rote rote aun ki aankhen bhi jati rahi hain

Aur mash'ghala aun ka raat din ibadat karna hai . Is ke ilawa dusra koi kam nahi karte

Phir puchha ..ke mere Baap ko Haq Tallah ne is mein kiun mubtila kiya hai

Kaha ke Tumhari Mohobbat ne aysa kiya hai . aur yeh chiz Khuda ko pasand nahi ke Khaliq ko chhor kar makhluq se yaari o madad talub kare

Hazrat e Yusuf ne yeh sun kar kaha ke is qadar ranj utha te hain aakhir aun ko kuch falah hogi ya nahi

Tho Hazrat e Jibrail aly salam ne kaha ke aun ko har roz aik shaheed ka darja mile ga

Yeh sun kar Hazrat e Yusuf ne kaha ke phir koi muzaiqa nahi

Riwayet ki gai hai ke Hazrat e Yusuf jub taabeer khuab ki aun dono nojawano ko bata di

Aus ke aik din baad . Malik raiyan ne aun dono nojawano ko qaid se khalas tho saaqi ko qaid se nawazish farmai aur khilaat bakhsha aur bawarchi ko sooli par charha diya

Tamam janwaro ne aa kar aus ka maghaz aur gosht aur aankhen aus ki kha leen

Aur saaqi ke dil se woh baat jo Hazrat e Yusuf ne kahi thi shetan ne bhula di

Aur woh baat Hazrat e Yusuf ki apne badshah se na keh saka

Is liye Hazrat e Yusuf aly salam qaid khane mein taqriban 7 baras tak rahe

Aur baazon ne kaha hai ke Hazrat e Yusuf aly salam qaid khane mein 9 baras tak rahe

Esi qaid o band ki halat mein bhi shab o roz Allah Tallah ki ibadat karte aur logon ko waaez onasihat karte aur har waqt dars dete rehte the

Aur audher Zulekha ke liye ghum o andoh mein raat din pech o taab khati rehtin

Aur woh 5 auraten jo Hazrat e Yusuf par aashiq thin

Woh Hazrat e Yusuf ke liye do no waqat khana qaid khane mein pohanchaya karti thin

Hazrat e Yusuf aly salam aus khane mein se kuch tho kha lete aur jo baqi bachta woh qaid khane ke qaidiyon ko de dete

Quraan e Majeed mein aaya hai ke aik shab malik riyan ne khuab mein dekha ke 7 gaayen farba moti . Aun ko 7 gaayen dubli kha gayen . Phir is ke sath e 7 baaliyan ghale ki harri taazi dekhin ke aun ko 7 biliyan sukhi aa kar kha gayen

Suba ko badshah bohut e mutahair hua. Aur apne mulk ke tamam najumiyon ko talab kiya
Jub tamam najumi badshah ke darbar mein hazir ho gye tho badshah ne bohut muthair ho kar apne khuab ka pura majra aun najumiyo ke samne pesh kar diya

Aur tamam najumi aus khuab ki taabeer batane hyran ho gye

Aakhir kar kehne lage ke badshah salamat yeh tho bare achanbe ka khuab hai Aur hum log is khuab ki taabeer nahi bata sakte

Is bat ko sun kar badshah aur bhi hairan ho gya ke aa khir kar is khuab ki taabeer kon bataye ga hum kis se puchhen

Wohi saaqi jo do nojawano mein aik bacha tha woh badshah ke pas aus waqt hazir tha

Aus ko aus waqt woh bat jo Hazrat e Yusuf aly salam ne khuab ki taabeer batane ke waqt kahi thi woh itne mudat baad yad aa gayi

Phir aus ne aus waqt apne badshah se kaha ke is khuab ki taabeer aik shakhs bata sakta hai

Aus ne badshah se kaha ke aik din hum dono ne khuab dekha ke main tho jam sharab ka bharta hun kham se pyale mein

Aur bawarchi ne dekha tha ke sar par apne Roti ka khuan aur janwar aa kar ause khate hain

Chuna'che bayan is ka auper guzar chuka hai

Badsha salamat Yusuf naam ka ek shakhs hai aus ke pas hum ne ye bayan kiya

Chuna'che aus ne khuab ki jo taabeer kahi thi tho woh hatho hath bilkul sach sabit pai . Agr hukm ho tho ause bula wen

Woh khuab ki taabeer bata sakta hai

Phir badsha ne kaha ke acha is khuab ki taabeer malum ki jaye

Saqi ne Hazrat e Yusuf aly salam ke pas ja kar bohut auzor khuahi ki ke main aap ki bat badsha ko kehna bhul gaya tha

Ye sun kar Hazrat e Yusuf aly salam neaus saqi se kaha ke ye bhul chook hona tumhara Humare liye ba'is e gardish thi . Aur meri qismat mein abhi qaid khane mein rehna tha

Aus ne kaha ke baad mudat ke mujhe tumhari yaad aai

Hazrat ji Buzurgiyan aap ki maine apne badsha se bayan ki tho badsha ne khush ho kar mujhe tumhare pas bheja Aur kaha ke is khuab ki taabeer malum kar lijiye

(Al.Quraan) aur kaha badsha ne maine khuab dekha 7 gayen moti ko 7 gayen khati hain dubli aur esi tarah dekha ke 7 bali hari tazi ko 7 baliyen sukhi khati hain ay mere darbariyo is khuab ki taabeer batao agar ho tum taabeer batane wale . Woh kehne lage yeh tho aurte huy khuab hain hum logon ko in khuabo ki taabeer nahi malum hai

Phir ye sun kar Hazrat e Yusuf aly salam ne aus aane wale saqi se kaha ke main tum ko is khuab ki taabeer batau ga wo tum apne badsha se ja kar keh dena

Aur is khuab ki taabeer ye hai ke is mulk mein 7 baras tak arzani rahe gi aur kheti khub ho gi phir is ke baad bara zabardast Qahet ho ga aur zaraat bohut kum ho gi aur log shadeed takalif mein mubtila hon ge aur dukh o aziyat authayen ge

Sare log jo badsha ke darbar mein hazir the ye sun kar hyrat mein aa gaye

Pas malik raiyan ne kaha ke phir is ki kya tad'beer karni chaiye ay saqi tum batao ' balke meri raye tho ye hai ke aus shakhs ke pas phir jao aur aus se phir achi ...


This page:




Help/FAQ | Terms | Imprint
Home People Pictures Videos Sites Blogs Chat
Top
.