peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.peperonity.net

☼╮☼╮11╭☼╭☼

Ye sun kar Hazrat e Yusuf aly salam ne apne sar ko niche kar liya aur kuch der taamul mein rahe

Ausi waqt wahi Nazil hui ke Ay Yusuf tu kya mangta hai mang . Teri har duaa qabul ho gi

Tub Hazrat e Yusuf aly salam ne 2 Rakaat Namaz e Shukrana Ada ki Aur phir sajde mein chale gye aur kafi der tak Khuda wand e Qudus se Duaa Mangi

Abhi apna sar sajde se utha ya na tha ke Zulekha ne awaz di ke Ay Yusuf apna sar uthao sajde se jo tum ne chaha tha woh hasil ho gya hai

Aun ke kehne se Hazrat e Yusuf aly salam ne apna sar sajde se utha kar Zulekha ke taraf dekha tho dekhte kya hain

Ke surat jawani aur beenai e chasham ause Khuda ne Inayet Farmai hai

Zulekha ne apni surat ko jub aayeine mein dekha tho Khuda Ka shukar adaa karne lagin phir iman mein taraqi bhi ho gai

Aur phir Hazrat e Yusuf ke taraf khayal na kiya aur chali gai

Aus ke jane ke baad Hazrat e Yusuf aly salam far mane lage ay Zulekha tum kahan jati ho mujhe chhor kar

Woh bolin ke jis ne yeh shikl o surat o beenai e chasham ki mujh ko bakhshi hai . Aus ko chhor kar Yusuf se kiun apne aap ko bar bad karun aur mujhe chaiye ke main ausi par khayal karun

Kehte hain ke Hazrat Yusuf ne Zulekha par bohut khuaish ki magar woh bhagti rahi

Gheb se awaz aai ke Ay Yusuf sabar kar jaldi mat kar

Aus ke baad Zulekha Ghum khane mein ja baithi aur Hazrat e Yusuf aly salam ne khuast gaari mein aus ki logon ko bheja Lekin woh qabul nahi karti thin

Taqriban 40 roz esi tarah par guzre ke is 40 din ke andar Hazrat e Yusuf ne itna dard Zulekha ke liye kheencha ke Zulekha ne 40 baras mein bhi na uthaya tha

Audher malik raiyan ne Zulekha ke pas paigham bheja tha aur bohut se log aus ko ja kar wahez o nasiat kar te the . Baada chand roz ke aus ne Nikah qabul kar liya

Jaisa ke shub e zafaf ko salateen aur maluk ka rasm e sharai ho ta hai waisa e Zafaf e kath'khudai hua aur Zulekha ko do sheeza yani bakira paya

Aur kuch arse ke baad Hazrat e Yusuf aly salam ne Hazrat e Zulekha se guzishta haal malum kiya

Woh bolin ke aziz e missar zaaeif mard tha aur main aus waqt jawan thi . Jo kam zan o shohar ka thakh'liya mein ho tha hai . Wo mere aur aziz e missar ke beech na hota tha

Aur dusri Riwayet mein yun aa ya hai ke Khuda Tallah ne Hazrat e Yusuf aly salam ke liye Zulekha ko bacha kar rakha tha

Is liye aik shetan Allah ke hukum se aziz e missar aur Zulekha ke beech soya rehta tha . Aur aziz e missar ko yehi malum ho tha ke woh Zulekha hai Aur woh kuch kar bhi nahi sakta tha

Pas Hazrat e Yusuf aur Zulekha ne mil kar apne ghar ko bana ya aur rehan sahen shoru kar diya .Kuch arse baad aun se 2 larke peda hue

Malik raiyan jub bilkul burha ho gya tho tamam kar o bar bhi badshahi ka Hazrat e Yusuf aly salam ko de diya aur khud gosha nasheni ikhti'yar ki

Hazrat e Yusuf aly salam ko jub apni saltanat ke kul mukhtar mil gye tho woh Khalq Allah ki parwa'rish kar ne lage

Ba qadar e ha jat ke ghalla ko Reaaya ke hath bechte . Aur sadqa ba kasrat faqeero aur mohtajo ko de te

Kuch mudat baad qahet sali aai yahan tak ke aik manh yani 40 kilo ghalla ki qeemat 2 deenar ho gya

Aur tamam gird o navah yani charon taraf se missar ki awam aa kar jama hui

Phir tamam ehl e missar jama ho kar kehne la ge ke ghalla ko sara ghero ke hath na becha jaye

Agar aysa kiya ja ta raha tho wo waqt qareeb hai ke hum log bhuke mren ge

Yeh sun kar Hazrat e Yusuf aly salam ne Far ma ya ke tamam khalq Allah ka is mein haq hai . Agar hum na den ge tho log mohtaj rahen ge . Lehaza in ko de na lazmi hai . Aur ghalla se mehrum rakhna sakht gunah ka kam hai . Agar in logon ke hath na bechun ga tho ye log bhuke mar jayen ge

Tub ba qadar e ha jat ke bech te rahe . Yahan tak ke sare mulk mein kisi ke hath mein paisa dirham o deenar na raha . Aur sub ka sub Hazrat e Yusuf aly salam ke khazane mein dakhil ho gya

Phir jub dusra saal aaya tho tamam maveshi logon ke ba'ewaz e ghalle ke Hazrat e Yusuf aly salam ke pas bik gye

Aur teesre saal tamam laondi bandi ba'ewaz e ghalle ke Hazrat e Yusuf aly salam ke pas bik gye

Aur chaote saal mein tamam kapre waghera aur jo kuch tha Hazrat e Yusuf ke Hath bech khaya

Panchve saal mein jo kuch zamine thin bech dalin

Aur chhate saal mein logon ne apne bete beti ko ba'ewaz e ghalle ke heba kar diya

Aur saatve saal logon ne apni zaat ko Hazrat e Yusuf ke pas ujrat mein de diya

Aur koi admi bhi sare mulk mein aysa na raha ke tamam nokar chakar khidmat gaar laondi bandi Hazrat e Yusuf ke na ho gye hon

Yeh dekh kar tamam khalaiq taajub mein thi aur kehti thi ke hum ne kabhi aysa bara Badshah nahi dekha aur na kabhi suna

Hazrat e Yusuf aly salam ne jub khalq e Allah ko gharib o na chaar dekha tho phir Badshah raiyan bin waleed se kaha ke shukar aus Khuda ka hai ke aus ne mujhe kya kya nehma'ten bakhshi hain

Agar har bal ke munh mein 100-100 zubane bhi hon tho bhi shukar nehmat ka aus ka ada na ho sake ga

Yeh sun kar raiyan bin waleed ne kaha ke haq hai jo aap farmate hain
Main kalita dast bar dar hun aur main Hazrat e Yusuf ko ikhtiyar deta hun ke woh jo in ki marzi e mubarak mein aaye wohi kam khalq e Allah mein karen

Phit Hazrat e Yusuf aly salam ne farma ya ke maine ehl e missar ko Khuda ki Raah par aazad kar diya

Aur tamam maal o asbab jis jis ka sath ausi ko wapis de diya

Riwayet hai ke Hazrat e Yusuf aly salam zamana e qahet mein har giz khana ser ho kar nahi khate the aur khalq e Allah ki muafiqat karte the

Logon ne kaha ke aap kiun nhi aasuda ho kar khate aur bhuke rehte hain aur aap ke mulk missar mein khazana o anbar is qadar hai

Yeh sun kar Hazrat e Yusuf aly salam farma ya ke main darta hun agar mein ser ho kar khaun tho baqi jo log bhuke pyase hain main aun ko bhul jaun ga aur aun ko nazar andaz kar dun ga . Aur ser ho kar khana khana yeh kam mulk ke sardaron ka nahi hai aur aayenda Khuda ko kya jawab dun ga

Jub saatvan saal tamam hua aur taqreeban 40 din aur baqi the aur kuch anaj o ghalla missar mein baqi na raha shadeed bhuk ki wajah se Hazrat e Yusuf aly salam ke pas aa kar multa'ji hue

Hazrat e Yusuf aly salam logon ka haal dekh kar bohut mutrud hue aur aadhi raat ko auth kar Khuda ki Dargaah mein tazraa o zari ki ke Ay Rabb'illala'meen tere bande bhuk ki waja se mare jate hain . Agar tu Rahem na kare ga tho tamam makhluq halak ho jaye gi

Tub Khuda ka Rahem hua aur aik awaz gheb se aai Ay Yusuf Tu Mera Pyara hai Tu kuch bhi ghum mat kar ke teri surat e ko logon ki ghiza kar dun ga . Yani teri surat o jamal ko dekh kar log aasuda pet ho jayen ge

Pas is hukum ko pate e Hazrat e Yusuf aly salam aik maidan mein ja baithe aur tamam log logon ko wahan bulaya aur apna chehra e mubarak sub ko dikhate rahe

Hazrat e Yusuf aly salam ka chehra dekhte he Allah Tallah ke fazal o karam se kheti bohut achhi hui aur anaaj be shumar paida hua aur tamam makhluqat e khuda ne is qahet se nijat pai

Aur aik riwayet mein hai ke aik larka andha madar zaad aus ko Hazrat e Yusuf aly salam ke pas laye Hazrat e Yusuf ne apna chehra e Mubarak aus larke ki taraf kiya aur apne Roshan Chehre ki Shuaayen aus par dalin tho Khuda ke fazal o karam se aus larke ki aankhen thik ho gain

Aksar rawiyon ne is riwayet ko yun bayan kiya hai ke mulk e missar o shaam mein jub qahet phel gaya aur kisi mulk mein anaaj o ghalla nahi raha

Siwaye Hazrat e Yusuf aly salam ke tamam makhluq e Khuda atraf mein ghalla hasil karne ke liye jati thi aur mukhtalif jaghon se mamuli ghalla le kar aa jati thin

Hazrat e Yaaqub aly salam bhi esi qahet saali mein mubtila the aur aunho ne apne beton ko bula kar kaha ke tum bhi missar jao aur wahan ke aziz e missar se ghalla le aao

Hazrat e Yaaqub aly salam ke hukum ko sun kar aun ke 10 beton ne missar jane ka qasad kiya aur aik chhota bhai bin yamin jis ka naam tha . Aus ko Hazrat e Yaaqub aly salam ke pas he khatir jama ke liye chhor diya

Aur Hazrat e Yaaqub aly salam ke beton ke pas jo kuch maal o mataah e pash'meena tha wo apne aunt par laad kar missar ko chal diye

Jaisa ke Allah Tallah Rabb'ul'Izzat Ne Far'maya

جاء اخوة يوسف فد خلو عليه فعر فهم وهم له منكرون

(Al.Quraan) aur aaye bhai Hazrat ke phir dakhil hue aus ke pas tho aunho ne in ko pehchana aur aun ke bhaiyo ne aun ko nahi pehchana

Hazrat e Yusuf aly salam jub mulk e missar ke mukhtar hue muafiq 7 baras tak khud aabadi ki . Aur tamam mulkon ka anaaj bharte aur jama karte gaye

Phir 7 baras qahet saali mein rahe . Is qahet saali mein aik he bhao e mayana bandh kar ghalla bikwaya

Apne mulk walon aur gher mulk walon ko barabar aik he bhao se farokht kar waya

Magar pardesiyon ko aik aunt ke bojh se zyada na dete the . Is asool se tamam khalayeq ko sahulat rahi aur qahet ki musibat se bachi rahi

Aur Hazrat e Yusuf aly salam ka sara khazana maal o daolat se bhar gaya aur har mulk mein yeh khabar thi ke missar mein anaaj o ghalla sasta hai

Yeh khabar sun kar Hazrat e Yusuf aly salam ke bhai bhi ghalla kharidne ke waste missar mein aaye

Hazrat e Yusuf aly salam ne apne bhaiyo ko door se pehchan liya tho farma ya ke in sub ko mere pas lao

Chuna che sub bhai Hazrat e Yusuf aly salam ke pas aaye tho Hazrat e Yusuf aly salam ne achhi tarah yaqin e wasiq se in ko pehchan liya aur aun ke bhaiyon ne Hazrat e Yusuf aly salam ko na pehchana

Aur baaz riwayeton mein yun aaya hai ke Hazrat e Yusuf aly salam aus waqt Badshahi Topi apne sar par rakh kar aur libas e shahana pehan kar thoq e zarin pehan kar Takht e Shahi par muta'makin the . Is liye bhaiyon ne nahi pehchana

Aur baaz mohaqiqo ne kaha hai ke aunho ne Hazrat e Yusuf aly salam par zulam kiya tha aur zalimon ke dil syah hote hain is liye Hazrat e Yusuf aly salam ko woh na pehchan sake

Phir Hazrat e Yusuf aly salam ne aun ki taraf dekha tho zuban e ibrani mein apne bhaiyon se baat cheet kar ne lage

Phir is guftagu mein Hazrat e Yusuf aly salam ne aun logon se pucha ke tum log kon ho aur kahan se aaye ho aur kya kam karte ho . ...


This page:




Help/FAQ | Terms | Imprint
Home People Pictures Videos Sites Blogs Chat
Top
.