peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Multimedia gallery


hindi.gay.stories2.peperonity.net

64.Barsat Ki Raat 3

Jibran nay bhi apni shirt utari or himmat kar kay sooch liya jo hoga dekha jai ga aaj last night hay. Wo himmat kar kay aagay barha or peechay say Jaizy ki kamar par haath rakh kar os ki gardan par kiss kiya. Jaizy ko jaisay current lag gaya wo tezi say palta or aik zordar thappar jibran kay chehray par laga diya. Jibran sat pata gaya osy iss kisam kay reaction ka bilkul andaza nahi tha wo bilkul chakra gaya or do kadam peechay ho gaya os kay kano main sain sain honay lagi.

“what r doing? Ghatya insan main main 5 din say tumhay bardasht kar raha hon. Main tumhari har harkat or har jumlay ka matlab samjh kar bhi khmoosh tha kay tum samjh jao gay main iss type ka nahi hon. Magar mujhay andaza nahi tha kay tum itnay gir jao gay.” Ye keh kar wo tezi say bathroom main chala gaya. Jibran apnay gaal ko masalta hua bed par baith gaya. Wo washroom say kapray pehan kar nikla or apna bag pack karnay laga ghussay say os ka chehra red ho raha tha. Os nay jaldi jaldi apna bag pack kiya or bahir janay laga. Jibran aik dum os kay samnay aa gaya “I m sory, mujhay pata nahi kiya ho gaya tha, plz aaj aakhri raat hay bila waja sab kay samnay tamasha banay ga. Sab poochain gay kay tum nay room kion chhora? Plz aisa mat karo I m realy very sory.” Os nay jibran ki sari baat baray ghoor say suni or khamoshi say palat gaya or bag apni jaga par rakh sofay par baith gaya. Jibran bhi bed par baith gaya or apna sir dono hathon say pakar liya. Kuch dair baad os nay apnay kandhay par kisi ka haath mehsoos kiya sir uthaya toa dekha kay Jaizy os kay samnay tha. Chehray say wo kuch sharminda lag raha tha. “I m sory sir, main kuch over react kar gaya. Kuch bhi tha mujhay iss tarha react nahi karna chahiye tha, mein ye baat aaram say bhi keh sakta tha plz mujhay maf kar dijiye ga”. Ye keh kar wo sofay par ja kar lait gaya os nay Jibran kay jawab ka bhi intezar na kiya. Intay main intercom par director sab nay dinner kay liye bulaya Jibran nay mana kar diya or Jaizy say poocha os nay koi jawab nahi diya . jibran nay dono kay liye dinner ka mana kar diya or kaha kay agar kuch khana hua toa hum room main hi mangwa lain gay. Phone rakh kar jibran bhi bed par lait gaya. Jaizy bhi sofay par laita hua tha. Jibran ki himmat na hue kay osay bed par anay kay liye kahay. Pata nahi kiss wakt Jibran ki aankh lag gai. Subha kay 4 bajay shaded sardi sy jibran ki aankh khul gai. Room ki light off thi shayed jaizy nay ki hogi night bulb ki light main Os na oth kar sab sy pehlay khirki band ki jo wo raat ko tention main khuli bhool gaya tha. Phir os nay jaizy ki taraf dekha jo bina blanket kay hi sofay per simta hua tha os nay apnay gutnay seenay say lagaiy huay thay. Jibran nay ghor say dekha toa kap kappa raaha tha os nay light on ki os par wakai shaded kapkapahat tari thi. Jibran nay blanket uthaya or os kay opar dall diya heater ko utha kar os kay kareeb rakha dartay dartay os nay Jaizy kay mathay par haath rakha jo ksi jaltay huay taway ki tarha garam ho raha tha. Jaizy ko shdeed kisam ka bukhar tha Jibran ko samajh nahi aa raha tha kay wo kiya karay. Wo room say bihir aaya or barabar main director sab kay room ka dawaza bajaya. Darwaza cemra man nay khola. Jibran ko iss wakt dekh kar wo ghabra gaya. “Sir khairiat toa hay na?”. Os nay jaldi say poocha. “Nahi, Jaizy ko bohat sakht bukhar hay wo buri tarha kapkapa raha hay plz jaldi say kuch karo main os kay paas hi hon”. Itna keh kar jibran room main aa gaya os kay peechay hi foran director sab bhi aa gay dono nay mil kar jaizy ko utha kar bed par litaya. Os kay pura jism angaron ki tarha dehak raha tha. “Ye sofay par kion para hua tha”? director sab nay Jibran say poocha. Jibran ko aisa lga kay jaisay os nay iss ka chor pakar liya hay. “pata nahi main jaldi so gaya tha ye shayed dair tak TV dekh raha tha.” Jibran nay apnay aap ko sambhaltay huay kaha. “Acha main kisi doctor ka bandobast karta hon, waisay iss wakt yahan doctor milna bhi mushkil hay.” Ye keh kar director sab bahir chaly gay. unit kay 3 log or bhi room main aa gay wo bhi Jaizy ki halat dekh kar pareshan thay. Takreeban ½ hour ky baad director sahib aik doctor ko ly hi aye. Doctor Jaizy ko dekhnay laga. Achi tarha check-up karnay kay baad os nay kaha “koi ghabranay ki baat nahi inhay thund lag gai hay iss liy fever ho gaya hay. Ye kuch dawain main likh dayta hon subha mangwa lijiye ga. Or han ye blanket in par say hata dain or normal pani main kapray bhigo kar in ki chest or sir par rakhin ho sakay toa pairon par bhi.” Ye keh kar doctor sabib nay Jaizy ko injection lagaya or kuch mazeed hidayat day kar chalay gaiy.
Doctor ko bahir chhor kar director sab dobaray aye os wakt tak Jibran or camera man Jaizy kay jism par geelay kapray rakh rahay tha. Os ki muscular chest pani say bheegi hue thi. Jab bhi os ki chest par kapra change hota wo zor say jhatka layta. Kuch dair baad wo so gaya os ka fever bhi kuch kam hua tha. Subha 9 bajay tak sab osi room main jama rahay. Jaizy so raha tha director sab kafi parayshan thay. Abb tak unay wapsi kay liye rawana ho jana chahiye tha aglay din onay or un kay unit ko aik song vdo shot karna tha.
Jaizy ka iss halat main safar karna theek nahi tha. Mosam bhi kharab ho raha tha. Jibran na director sab ki majburi ko dekhtay huay director sab or un kay unit ko wapas bheej diya or khud 2 din baad any ka keh kar Jaizy kay paas hi ruk gaya. Apnay boss ko bhi os nay phone kar diya kay osay kuch personal kam say rukna par raha hay. Sara din jaizy sota raha bus dawa kay wakt jibran osay otha kar dawa khila dayta or wo phir so jata ya aik bar raat ko Jaizy ka fever phir taiz ho gaya. Jibran nay doctor ko phone kar kay phir bulaya os nay kuch or dawain day di kaha kay khataray ki koi baat nahi kal ye theek ho jai ga. Os raat bhi jibran puri raat jagta raha or os kay jism par gelay kapray rakhta raha. Aik do baar os nay toilet ki taraf ishara kiya toa Jibran osay toilet tak lay gaya. Halankay abb jaizy bilkul shirtless os kay sath aik bed pr tha magar Jibran ye khayal apnay dill say nikal chukka tha. Osay apni ghalti ka ehsas tha or Jaizy ka shaded reaction ka os nay bilkul bura nahi mana tha. Jaizy bar bar neend main bar bara raha tha “mera sir phat jai ga, mera sir phat jai ga”. Osay sir main shaded dard tha. Jibran os ka sir dabata raha. Agli subha jab jaizy ki aankh khuli toa jibra os kay bara bar main baitha bed say take laga kar so raha tha. Os ka haath abb bhi jaizy kay sir par tha shayed wo sir dabatay dabatay hi so gaya tha. Jaizy nay jaisay hi os ka haath hatanay ki koshish ki os ki aankh khul gai. Wo foaran sedha ho kar baith gaya or Jaizy say poocha “Kiya hua ? kiya chahiye?”. Jaizy nay muskura kar os ki taraf dekha or bola “kuch nahi washroom jana hay”. Ye keh kar Jaizy uth kar baith gaya. Jibran nay osay sahara diya. Osay abb bilkul bukhar nahi tha “Main theek hon abb”. Jaizy nay kaha or oth kar khara ho gaya. Wo wash room main gaya toa jibran bed par sedha ho kar lait gaya. Washroom say wo shirt pehan kar bahir aya. 2 din kay bukhar say os ka chehra utar gaya tha. Jibran ka neend say bura haal tha 2 raton say wo theek say soya nahi tha. Jaizy os kay saath baith gaya. “Thanks Sir, meray os raat kay rawaiay kay baad bhi aap nay meri bohat dekhbhal ki. Main bohat sharminda hon”. Wo nazrain jhukaye bool raha tha. Jibran nay kaha “koi baat nahi, main wo sab bhool chukka hon, tum bhi bhool jao”. Jibran nay kaha. Phir dono nay room main hi breakfast kiya. Os kay baad Jibran toa so gaya or Jaizy nay apnay ghar phone kiya wahan os nay apni bemari ka na bataya or kaha kay abhi shot chal rahi hay 2 din mazeed lagain gay. Os kay parents toa thay nahi aik bhai tha Lahore main jis kay saath wo rehta tha.
Jibran ki jab aankh khuli toa sham kay 4 baj rahay thay. Khirki kay samnay chair par baitha bahir dekh raha tha. Os nay white pant or red sleeve less pehni hue thi. Wo kisi gehri soch main tha. Jibran oth kar khirki kay samnay khara ho gaya. Os nay chonk kar jibran ko dekha , “aap uth gay sir”. Os kay chehray par delfaraib muskurahat thi. Jibran bhi wahin chair par baith gaya bahir mosam bohat acha ho raha tha. Jaizy abb bilkul theek tha or subha ki nisbat kafi fresh lag raha tha. Jab jibran so raha tha toa jaizy kuch dair bahir gaya tha. Wapsi main os kay haathon main kuch shopers thay jo os nay khamoshi say bed kay neechay chupa diye thay. Wo dono kuch dair wahain baithay batain kartay rahay. Phir bahir aa gay chai waghaira pe kar kuch shoping ki. Jaizy ka mode bohat acha wo aik saal main itna nahi bola hoga jitna wo in 2 ghanton main bola tha shayed zayada bol kar wo apni sharmindagi kay ehsas ko kam karnay ki khoshish kar raha tha. Andhera ho chukka tha hotel wapis aatay huay jibran nay kaha “Agar tum behtar ho toa hum aaj raat hi wapas chalain ?”. ye sun kar jaizy k chehray par aik rung aa kar chala gaya. Wo khamosh ho gaya or koi jawab na diya. Jibran kay dobara poochany par wo bola “kiya hum aaj ki raat ruk saktay hain?”. Jibran ko os ka lehja ajeeb laga. Os nay sochtay huay jawab diya , “ok, theek hay, magar tumhari tabiat toa theek hay na?”. “Haan, main theek hon”. Jaizy nay jawab diya. Wo kuch upset lag raha tha. Itnay main barish shuru ho gai wo taizi say kadam uthatay huay hotel aa gay. Hotel main aa kar Jaizy nay bola, “Sir, aik baat kahon bura toa nahi manay gay?”. Os ka lehja ajeeb tha. Wo ajeb react kar raha tha. Jaisay kuch kehna chah raha ho or keh nahi pa raha. “kitni baar tum say kaha hay kay mujhay ye ‘sir’ kehna band karo, magar tum par koi asar nahi hota”. Jibran nay tang atay huay kaha. “chor donga Sir kehna…Sir”. Jaizy nay jibran ki aankho main aankhain dal kar jawab diya. Ajeeb si chamak thi os ki aankhon main jibran ko kuch dar bhi laga kay isay kiya ho gaya hay kahin fever ka asar dimagh par toa nahi ho gaya? “sir agar app mind na karain toa kuch dair yahan lounge main hi baith jain gay? Mujhay room main kuch kaam hay, main wo khatam kar lon toa app ko miss call donga toa aap direct room main aa jaiye ga”. Jibran nay han main sir hilaya or kisi robot ki tarha lounge main rakhay sofay par baith gaya. Jaizy jaldi say seerhiyon ki traf chala gaya. Jibran kabhi koi magazine dekhnay lagta or kabhi TV , 1 ghantay main 4 bar chai pi chukka tha. Bahir zordar barish shuru ho chiki thi bar bar bijli chamak rahi thi or badlon ki garaj jab paharon say takra kar sunai dayti do dill hill jata. Sardi bhi kuch zayada ho gai thi. Acha hi hua wapis janay ka programe cancel kar diya. Jibran nay socha , magar ye Jaizy kia kar raha hay? Aaaj subha say hi kcuh ajeeb react kar raha hay. Jibran nay ghari dekhi 8pm honay ko thay osay yahan baithay 2 ghantay honay walay thay. Itnay main mobile par jaizy ki miss call aye. Wo foran utha opar aa gaya or pany room kay door kay handle par haath rakha wo khula hi tha. Jibran nay aaahista say darwaza khola aik kadam andar rakha magar kamray k andar ka mazar dekh kar os kay hosh hi ur gay.

To be continued………..
( Part-3)


This page:




Help/FAQ | Terms | Imprint
Home People Pictures Videos Sites Blogs Chat
Top
.