peperonity.net
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Multimedia gallery


hindi.gay.stories2.peperonity.net

65.Barsaat Ki Raat

- III

Jibran nay apna chashma utartay huay kaha. ye suntay hi Jaizy aik second main palta or bhag kar club sy bahir chala gaya. Aatif bhi iss achanak surat-e-hal say pareshan ho gaya tha. Jibran bhagta hua club say bahir aya or idhar udhar dekhnay laga. Magar bahir rush main wo kahin gum ho chukka tha. Atif bhi os kay peechay bahir aa gaya wo hairat sy jibran ko dekh raha tha. “Kiya hua ? kon tha wo?”. Atif nay poocha. “Aik purana dost tha”. Jibran nay mukhtasir jawab diya wo Atif ko Jiazy kay baray main kuch nahi batana chahta tha. Dono ghar aa kar apnay apnay bistar par lait gay. Nend jibran ki aankhon say koson dur thi. Jiazy ko aisi jaga dekh kar osay hairat ho rahi thi. Wo kafi weak bhi lag rha tha. Or kafi paraishan bhi. Wo zarur kisi mushkil main tha. “sucking karwao gay?” ye jumla bar bar os kay dimagh main gunj raha tha soch soch kar wo pagal hua ja raha tha kay jo shakhs male sex say itni nafrat karta tha wo aaj aik gay club main khud logon ko sex ki offer kar raha tha. Puri raat Jibran nay aankhon main kati. Subha hotay hi os nay Atif say kaha kay chalo os shakhs ko dhondna hay. Atif nay kaha kay “tamam clubs main sham ko hi ronak hoti hay iss wakt hum osay nahi dhond sakain gay mera aik dost hay sham ko oss say melain gay mujhay yakeen hay kay wo osay zarur dhond nikalay ga”.
Jaisay taisay kar kay sham hue toa wo phir os streets main pohanch gay jahan bohat say clubs or bars thay. Aatif Jibran ko lay kar aik bar main gaya or idhar udhar dekhnay laga konay main aik table par aik 35-40 saal kay aadmi nay osay haath hilaya.
wo os ki table par ja kar baith gay. Wo koi “Bhai” type ki cheez tha. Thora sa pait nikla hua tha blue jeans or whit shirt pehna hua tha sir par black cap thi. Os ki brown aankhon main janay kiya baat thi kay jibran os sy aankhain mila nahi pa raha tha. Aatif nay Jaizy ka huliya bataya os nay baray ghor say suna. Phir os nay jaib say mobile nikala or aik taraf ja kar phone par kisi say baat ki or wapas aa kar os nay kaha kay “bus aik ghanta lagay ga or wo banda tum logon tak pohanch jai ga. Tum os ka name Jaizy batatay ho jabkay yahan wo JACK kay name say jana jata hay, sharab bohat peeta hay, or paison kay liye raat ko apna Jism baichta hay, or jiss raat koi na mily ksi footpath par hi so jata hay ghair kanuni tor par yahan reh raha hay ”. Jibran ko ye sab sun kar yakeen nahi ho raha tha osay yekeen tha kay ye kisi or aadmi ki baat kar raha hay ye sab kuch Jaizy nahi kar sakta zarur ye kisi ghalat aadmi ko pakar lai ga. Jibran nay kuch kehnay kay liye mu khola hi tha kay Aatif uth khara hua or bola “chalo Jibran tumhara aadmi ye ghar pohncha day ga hum ghar chal kar wait kartay hain”. Aatif nay othtay huay kaha. phir os nay jaib say aik lifafa nikala or os aadmi ko day diya. os main yakeenan kuch paisay hi hongay. Bahir aa kar Aatif bola “yar ye GoGo tha, bari pohchi hue cheez hay bohat bara network hay iss ka zayada dair iss kay paas baithtay toa hum bhi logon ki nazron main aa jatay.” “ magar kiya ye osay dhond lay ga?”. Jibran nay beykeeni say poocha. “Han, tum fikar na karo, iss kay aik ghantay ka matlab aik ghanta hi hota hay”. Aatif nay gari start kartay huay kaha pura rasta Jibran khamosh raha os ki baytabi barhti ja rahi thi. Ghar aa kar wo kamray main tehlnay laga theek 9 bajay door bell baji Aatif nay darwaza khola or do hattay kattay aadmi aik larkay ko lay kar andar dakhil huay dono nay aik aik haath jacket ki jaib main dala hua tha, yakeenan on kay paas revolver hoga. Jibran nay os teesray larkay ko dekha wo wo wo Jaizy hi tha, shave barhi hue, maili si jeanz or shirt pehna hua, wo abb bhi kuch nashay main tha or theek tarha sy khara nahi ho pa raha tha, ya shayed in logon nay osay zabardasti lanay kay liye kuch mar peet ki thi os kay saath. Jibran nay lappak kar osay kandhon say pakar liya wo nazrain jhukai huay khara tha, “Jaizy, Jaizy, Jaizy, ye tum ho? Ye kiya halat bana rakhi hay tum nay? Kya ho gaya hay tumnay? Bolo Jaizy kuch toa bolo”. Jibran nay osay zor say jhanjhortay huay kaha. wo kuch nahi bola or aik dum say os ki aankhon say aanso nikalnay lagay Jibran nay osy galay laga liye toa wo zar-o-katar ronay laga. Aatif nay on dono bando ko ishara kiya wo chalay gai or khud bhi on kay peechhay hi bahir chala gaya. Jaizy jibran kay galay lag kar musalsal roay ja raha tha. Jibran ki aankhon say bhi aansu nikal rahay thay. Jibran nay osay alag kiya or sahara day kar sofay par bithaya or khud os kay saath baith gaya os nay phir Jibran ki goad main sir rakh liya or rona shuru kar diya. Jibran os kay balon main haath phairta raha. Or osay ronay diya takay os kay dill ka bojh kuch halka ho jai or wo kuch batanay kay kabil ho kay wo iss hall tak kaisay pohncha.

To be continued.................



This page:




Help/FAQ | Terms | Imprint
Home People Pictures Videos Sites Blogs Chat
Top
.